Dmnat

Tga Dmnat (s tifinaɣ: ⴷⵎⵏⴰⵜ, s taɛrabt: دمنات, s tfransist: Demnate) yat tmdint imẓẓiyn illan ɣ tmazirt n Lmɣrib ɣ tsga n Bni Mllal-Xnifra ɣ tmnaḍt n Azilal. Zdɣn gis 29 504 n umzdaɣ, tugt nnsn (ad igan 89% n imzdaɣn)^[1] ar sawaln s tamaziɣt taclḥit.

Dmnat

tagrawt

Asakud n ussrsl nɣ isllwi	1060
Ism amaddud	دمنات, Demnate, דמנאת, ⴷⵎⵏⴰⵜ
Ism ɣ tutlayt taẓuṛant	‫دمنات‬, ⴷⵎⵏⴰⵜ
Tamazirt	Lmɣrib
Asdɣr amssugur	Tamnaḍt n Azilal
Ismlan ijɣrafiyn
Asit amaddud	http://commune-demnate.ma/AR/

Tlla Dmnat ɣ ammas n idrarn n waṭlas mqqurn, ɣ yat tattuyt n 968 m. Taggug f Mrrakc s 100 km ɣ iẓẓlmḍ agmuḍan nns, tettussan s tuddurt n wudayn (Mllaḥ) lli gis illan, tettussan ula s Imi n Ifri lli igan yan udɣar nna ɣ bahra tlla tamallayt, ig ula udɣar asmil n ayt tbyulujit d trkyulujit d kra kullu.

Ism aqqbur

Tugt n idlisn iqqburn sawln f tɣrmt n Dmnat, zun d d bn Xldun, Lyyun Al afriqi, Marmul Karbaxal, sawln fllas ula tugt n imaratn itrarn zun d Aḥmad Ttawfiq d Aḥmad Najib Ddmnati. Imaratn da isawln f Dmnat nnan mas illa yan yism aqqbur izdin s Dmnat at igan d "Almdin", assaɣ ad llan fllas tugt n iwaliwn^[2] :

1. Illa ma innan mas iga "Almdin" ism aqqbur amzwaru n Dmnat.
2. Illa ma innan mas iga "Almdin" ism n yat tɣrmt tlla tama n Dmnat, taggug nn sgis s 40 Mil.
3. Illa ma innan mas iga "Almdin" ism n udɣar da g tlla Dmnat ur ta tlli Dmnat.

Asnmkta

Ar ittini usiḍn lli ittyuskar ɣ usggʷas n 2014 mas^[1]:

Aslmd

• Tigmiḍi n taqubbanit (middn lli ur ssin ad aqran wala ad ttaran): 32,5%
• Tigmiḍi n imzdaɣ lli iɣran ar usinan n usmdi nɣ d uggar: 16,4%

Tadamsa

• Tigmiḍi n imzdaɣn lli illan ɣ isggasn nnsn n twuri: 41%
• Tigmiḍi n tarwuri (middn lli ur iṭṭifn tawuri): 14%
• Tigmiḍi n imzdaɣn lli iswuruyn dar lmxzn (nɣ tt inn kkan swurin gis): 17,6%
• Tigmiḍi n imzdaɣn lli iswuruyn ɣ wuslig (nɣ tt inn kkan swurin gis): 43,6%

Tiwlafin

• 
  Tamdint n Dmnat zzɣ uflla
• 
  Yat tmzgid ɣ Dmnat
• 
  Dmnat zzɣ yan udɣar yaggugn
• 
  Tuddurt n Udayn ɣ Dmnat
• 
  Imi n Ifri

Adr f kra n twlaft afad ad tt tssimɣurt

Ẓr uggar

• Bni Mllal
• Azilal
• Almdin
• Agadir Buɛciba
• infḍwak
• innultan

Isaɣuln

1. RGPH 2014 - Site HCP
2. (ar) : https://www.atlasscoop.com/news16570.html#:~:text=%D8%A5%D9%86%20%D9%85%D8%AF%D9%8A%D9%86%D8%A9%20%D8%AF%D9%85%D9%86%D8%A7%D8%AA%20%D8%A7%D9%84%D9%82%D8%AF%D9%8A%D9%85%D8%A9%20%D9%83%D8%A7%D9%86%D8%AA,%D8%A3%D9%86%D9%87%D8%A7%20%D9%85%D9%86%20%D8%A8%D9%86%D8%A7%D8%A1%20%D8%A3%D9%85%D8%B1%D8%A7%D8%A1%20%D9%81%D8%B7%D9%88%D8%A7%D9%83%D8%A9%22%20.

Ɣaylli sis izdin

Kommons yan ɣ isnfaṛn n wikimidya tufit ad gis taggʷt: Dmnat.

Tasga n Bni Mllal-Xnifra
Tamaẓunt: Bni Mllal
Timdinin		Bni Mllal · Lqṣiba · Qṣbat Tadla · Bujniba · Ḥṭṭan · Xribga · Wad Ẓam · Mrirt · Xnifra · Azilal · Dmnat · Wlad Ɛiyad · Wlad Nmma · Fqih Bn Ṣalḥ
Timnbaḍin d Timnaḍin		Tamnaḍt n Bni Mllal · Tamnaḍt n Azilal · Tamnaḍt n Fqih Bn Salḥ · Tamnaḍt n Xnifra · Tamnaḍt n Xribga
Tuṣkiwin	·	Tasdawit n Ṣulṭan Mulay Sliman

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.