'nu comune tagliáne From Wikipedia, the free encyclopedia
Orie (jndr'à 'u tagliàne Oria) jè 'nu comune tagliàne de 14 728 crestiane[1] d'a Provinge de Brinnese jndr'à Pugghie.
Orie comune | |
---|---|
![]() | |
Localizzazione | |
State | ![]() |
Reggione | ![]() |
Provinge | ![]() |
Amministrazione | |
Sinnache | Marije Lucie Carone (liste civiche) da 'u 25-6-2018 |
Territorie | |
Coordinate | 40°30′N 17°38′E |
Altitudine | 166 m s.l.m. |
Superficie | 83,67 km² |
Crestiàne | 14 728[1] (31-12-2020) |
Denzetà | 176,02 ab./km² |
Comune 'nzeccate | Erchie, Frangaville Fundane, Latiane, Mandurie (TA), Mesagne, Torre Sanda Susanne |
Otre 'mbormaziune | |
Cod. postale | 72024 |
Prefisse | 0831 |
Fuse orarie | UTC+1 |
Codece ISTAT | 074011 |
Cod. catastale | G098 |
Targhe | BR |
Cl. sismiche | zone 4 (sismicità assaije vasce)[2] |
Cl. climatiche | 1328 |
Nome javetande | oritane |
Patrone | San Barsanofie (patrone prengepàle) - Sande Medice (compatrune) |
Sciurne festive | 30 aguste San Barsanofie - quinde sciuvedìe apprisse Pasche Santi Medici |
Cartografije | |
![]() | |
Site istituzionale | |
Se iacchie jndr'à 'u territorie collinare jndr'à 'u Salende settendrionale, tène 'nzediaminde umane ggià jndr'à 'u Neoliteche cumme testimoniane le iacchiaminde rupestre vecine 'a grotte de Sand'Anne. Seconde Erodoto ha state funnate da le Cretese cu 'u nome de Hyria, ha state, seconde Strabbone sede d'u basileum[3] e pò capitale politeche de le Messapi[4].
Jndr'à 'u I sechele n.C. devendò municipium romanum ca batteve probbie monete. 'A cetate jè famose pa ricchezze archeologgeca soje, pu cendre storeche de 'mbronde medievale ricche de viuzzole e scaline, pu Castelle Sveve de Federiche II a forme de vascelle, pa fiorende comunitate ebbraiche attive pe tutte 'u I sechele a.C. Da 'a fine d'u XVI sechele jè sede da Diocesi de Orie.
![]() |
Pe approfondimende, 'ndruche 'a vôsce Sciugrafije d'a Pugghie. |
'A cetate se iacchie sus a le alture de 'nu cordone collinare de andiche dune fossile[5] jndr'à 'u nord Salende, ca le donne 'na posizione dominande sus 'a circostanze pianure salendine. 'A iertezze massime de metre s.l.m., ste a 'u Colle d'u Vaglie addò ste costruite 'u castelle. Jè percorse da l'andiche Vie Appie 'mbrà Brinnese e Tarde e ste lundane 35 km da Tarde, 32 km da Brinnese e 45 km da Lecce.
'U territorie, respette a quidde de le comune 'nzeccate, jè da sembre 'nderessate da fenomene sorgendizie e de ruscellamedne superficiale. Stonne de le corse d'acque soprattutte staggionale, le prengepàle sò 'u "canale Pezza de l'abbate" e 'u Canale Reale, totte e doje iessene 'nfatte da de le risorgive ca stonne a le margene de le colline; a vonne soprattutte verse sud, sckaffannese jndr'à 'u terrene e condinuanne 'u percorse lore sottoterre jndr'à le arèe carseche, 'a cchiù 'mbortande de le quale, ste vecine a 'u sanduarije de San Cosime a 'a Macchie, in contrade Case Granne, è canusciute localmende cumme La Vora; no ge se esclude ca 'u percorse sotterranèe pò pigghià le acque addirittture in direzione de le coste d'u mare Ionio, lundane quacche chilometre.
Jndr'à vanne settendrionale d'u territorie d'u comune passe pe 'nu stuèzze piccinne 'u famose Cnaale Reale ca nasce a Ville Castidde e iesse jndr'à 'u mare Adriateche vecine 'a Reserve naturale state Torre Guaceto. Jndr'à l'agre atturne 'a cetate, jè da sembre numerose ìa presenze de pozzere d'acqua doce; specie jndr'à pianure settendrionale, addò le acque piovane attraversane le strate superficiale d'u terrene, jndr'à pianure a sud d'a cetate, l'assenze de strate argillose e l'affioramende in superficie de terrene calcarèe, permeabbele, carresce le acque a 'na profonnetà maggiore.
'A cetate ave 'nu tipeche clime mediterranèe, cu staggiune cavede e 'nverne mite, ma non ge sò rare le fenomene de gele de notte e sciurnate addò 'a temberature non ge supranesce le 6-7 grade (pe colpe de l'influenze de arie fredde ca avène da le Balcane), accussì cumme d'a staggione 'a temberature, pe colpe d'u viende de scerocche, arrive 'nzigne a 39-40 grade jndr'à le ore cchiù cavede d'u sciurne.
![]() |
Pe approfondimende, 'ndruche 'a vôsce Storie de Orie. |
'A funnazione d'a cetate, seconde Erodote, avvenìe quanne 'nu gruppe de cretese naufragò lunghe le coste salendine non lundane da Orie. Le cretese, scacchiarene 'u colle cchiù ierte pe accumenzà 'a costruzione d'a cetate da addò putevane condrollà bbuène 'u territorie atturne. Scacchiarene cumme nome d'a cetate Hyria e quinde, siccome assaije vote le andiche colone grecie ausavane 'nu nome simile a quidde d'a cetate da addò avenèvane, alore se penze ca avenèvane da 'a cetate beote de Yrìa.[6]
Durande l'VIII sechele n.C. Orie accumenze l'evoluziona soje da javetate "sparse" a cetate vere e probbie: 'nfatte se avìe 'na congendrazione, probbabbilmende, de capanne sus a 'u colle cchiù ierte d'a cetate.
Pò devendò 'a capetale politeche d'a confederazione messapeche[7], avenne rapporte sie cu l'otre cendre messapece ca cu le cetate magno-greche. De inderesse particolare resulte 'u rapporte cu 'a vicine e putende cetate de Tarde, cu 'a quale 'u rapporte non ere certe 'mbrà le cchiù pacifece, pure ce stavane periode de forte scambie culturale e commerciale.
'A revaletà de le Messape cu Tarde arrevò a l'apice jndr'à 'u 473 n.C. quanne le Tarandine, aunite a le Reggine se scundrarene cu le Messape. Stu conflitte spicciò cu l'indebbolimende de le Messape e de le Taradine. Jndr'à 'u 272 n.C. Tarde e 'nu picche apprisse le Messape spicciarene sotte a sfere d'influenze de Rome; Orie non ge perdìe però l'imbortanza soje. Jndr'à 'u 88 n.C. devendò municipie romane.
'Mbrà l'VIII e'u X sechele, 'a cetate raggiungìe 'u massime splendore culturale. 'U prestigge sue jè dovute a le scole d'a communitate ebbraica soje[8]. 'Mbrà le maestre cchiù famose de Orie, Amittai[9], 'u nepote Amittai ben Shefatiah[10] e 'u mediche Shabbetai Donnolo[11] Donnolo, grazie a 'u sapere e 'a perizia soje non comune, andicipe l'archiatre, fegure tipeche d'u vasce Medioeve[12].
Amittai, Shefatiah, Amittai ben Shefatiah, Shabbatai ben Abraham Donnolo e Ahimāz ben Paltiel onne fatte 'na bella mole de fonde utile a 'a recostruzione d'u penziere mistiche, d'a filosofije e d'a mendalità ebbraiche 'mbrà 'u IX e X sechele[13]. 'A presenze ebbraiche favorì le commerce cu l'Imamate fatimide, avenne avute condatte cu le lore correliggionare eggiziane e nordafricane jndr'à Sicilie.[14]
Cchiù nnande 'a cetate ha state 'nu territorie de transizione 'mbrà Bizzandine e Longobbarde[15] vecine a 'u cendre javetate s'avere acchià l'accussìditte limitone de le grecie; 'na sorte de confine 'mbrà territorie longobbarde e bizzandine.
Jndr'à 'u corse d'u IX-X sechele ha state assaije vote bersaglie de le Saracine, ca saccheggiarene e squasciarene cchiù vote 'a cetate. 'U 'mberatore Ludoviche II jndr'à 'u 867 sciè a Orie pe libberarle da le saracine, ca jndr'à 'u 847 averene costituite l'emirate de Bare. Ma le attacche non ge spicciarene; jndr'à 'u 924 le saracine metterene a firre e fuèche 'a cetate e facerene 'nu sacche de muèrte.
Jndr'à l'XI sechele arrevò l'ascese de le Normanne: jndr'à 'u 1062 avenìe conguistate da Umfredo d'Altavilla. Federiche II espropriò e allariò, partenne da 'u 1225 'a fortificazione normanne, stabbilende l'obblighe pe nobbile, possidende, ecclesiastece e comunitate sie urbane ca rurale de condrebbuì a 'a manutenzione d'u castelle de Orie[16]. 'A cetate se ribbellò a Manfredi, subbìe l'ennesime assedie ma avenìe libberate subbete grazie pure a l'eroiche Tommase d'Orie.
Sotte a 'u dominie de le Angioine 'a cetate subbìe 'n'otre assedie, jndr'à 'u 1433 avenìe saccheggiate da 'u condottiere Giacome Caldora. Devendò pò feude de le Orsini D'u Balzo.
A le soglie d'u 1500 'a cetate subbìe otre assedie angore; famose l'aspre resistenze condre a le spagnule ca assediavane 'a cetate, salvate seconde 'a leggende da 'u patrone San Barsanofie e da 'u valore de tutte le cetadine.
Da stu mumende 'a cetate avenìe 'nfeudate a diverse famigghie: jndr'à 'u 1572 San Carle Borromeo vennìe 'u feude a 'u vescove de Cassane; pe pò passà a le Imperiali de origgene genovese.
Apprisse 'u XVI sechele accumenzò pure 'nu decline lende de l'andiche cetate, soprattutte a cause d'u sveluppe d'u borghe de Frangaville Fundane. Jndr'à 'u corse d'u Setteciende a cure d'u Pringipe Mechele Imperiali, Marchese de Orie e Pringipe de Frangaville, avenèrene restaurate de le monuminde d'a cetate[17], 'mbrà le quale Porte Manfredi.
Jndr'à seconde metà d'u Uetteciende, nonostande 'a propagande post-aunitarie, non ge mangarene a Orie voce condrastande l'aunità: pe cità sulamende 'n'esembie jndr'à le atte de polizie condre associaziune e atte condre a 'u State, figurarene parole oltraggiande 'a persone d'u Rre in case de Luigge Lomardi. Asserene atte de presunde riunione sovversive addò parteciparene cetadine oritane e de le pajese 'nzeccate. 'U 21 settemmre 1897, 'a cetate avenìe 'nvestite da 'nu putende ciclone ca danneggiò gran parte de le monuminde andiche[18].
Durande le uerre mundiale 'u comune ave versate 'u condrebbute sue a 'a Patrie: onne state assaije le oritane muèrte combattenne.
'U stemme de Orie jè a 'u colle verde d'azzurre a le lione d'ore coronate affrondate, a'u castelle d'ore, merlate, turrite de ttre e finestrate de gnure, sovrastate da 'u serpende de verde e da 'a colombe volande d'argende ca tène 'nu rame d'ulive a 'u naturale.
Presse 'a chiesere de San Frangische de Paole ste 'na statue quattrecendesche d'u patrone de Orie, San Barsanofie, ca tène in màne 'na riproduzione de stu stemme. Quinde 'u stemme cetadine ere ausate almene da stu periode, quiste non ge esclude ca ha state ausate pure precedendemende ma non ge sapime 'u mode de stu ause, jndr'àogne case a osce a die 'a raffigurazione cchiù andiche rumane queste. 'U lione e 'u serpende erane presende pure jndr'à 'nu mosaiche andiche ca raffigure 'nu lione ca avere 'mbrà le fauce 'nu serpende, signalate jndr'à 'u XIX sechele presende jndr'à 'u palazze vescovile ca osce a die ha sciute perdute o comungue non ge se ne ave cchiù notizie.
Cu decrete d'a Presidenze d'u Conziglie de le ministre d'u 1 ottommre 1951, a Orie ha state conferite 'u titole de cetate pe recanuscemende d'a storia soje plurimillenarie.
Da 'u 2012 'a cetate jè Bandiere Arangione, prestiggiose recanuscimende d'u Touring Club Italiano.
![]() |
Pe approfondimende, 'ndruche 'a vôsce Castelle de Orie. |
Conziderate 'a 'mbortanze strateggeche d'u territorie de Orie (ca divideve spesse cu diverse sfumature de dominie, le territorie bizzandine e chidde de le gote), pure senze prove archeologgeche se adda penzà l'esistenze de 'nu prime nuclèe fortificate ggià jndr'à l'età medievale. Cchiù nnande (XI sechele), ha state 'na certa forme de defese/condrolle d'u javetate e d'u territorie effettuate da le normanne ca infeudarene 'a cetate. 'Nu sacche de cangiaminde onne state fatte sus a 'u maniere jndr'à l'età federiciane (1225-1227), a 'u punde ca generalmende avenìe chiamate "castelle sveve"; de le fonde locale volene ca 'u stesse Stupor mundi 'nzippò 'u castelle, in realtà jè cchiù realisteche penzà ca Federiche II 'u llariò e 'u cangiò.
Otre cangiaminde 'mbortande onne state fatte jndr'à 'u periode angioine, alle quale vonne referite le torre celindreche ditte "d'u Zumbe" e d'u "Cavagliere". 'U mastie origgenarie normanne-sveve avenìe riadattate, cumme totte 'a strutture, pure jndr'à 'u XV-XVI sechele adattannele a le nove esiggenze difensive, nate cu l'adozione de le arme da fuèche, e mettenne 'nu sacche de cannoniere ancore 'ndrucabbele osce a die. 'Nfine ha state oggette de 'ndegraziune, restaure e recostruziune 'mbrà 'u Uetteciende e 'u Noveciende: jndr'à 'u 1897 'u castelle avenìe sbunnate da 'u ciclone ca 'nvestì 'a cetate.
'Nu sbuènne de vote 'u castelle ave duvute resistere a assedie, cumme quidde de Manfredi, o a le assalte de Giacome Caldora (1433) e de Pitre de Paz (1504) ca non ge riuscìe a pigghià 'a rocche.
'U castelle ha state pure luèche accogleinde pe Rre, Pringipe e cavaglire; oltre a le invitate pu 'nzuramende de Federiche II, arrecurdame ca onne state 'a reggine Marije d'Enghien (1407), 'u spose sue Ladislao Rre de Napule (1414), 'a Pringipesse Isabbelle de Chiaromonde e 'u Rre Ferrande d'Aragone (1447); 'nu fatte 'mbortande assaije pe l'epoche jè 'a partenze de Alfonze II da Orie pe libberà Otrande da le turche jndr'à 'u 1480.
Pure jndr'à tiembe cchiù recende ha state mete de personalità e studiuse tagliàne e furastire cumme: Marije Josè de Savoie, Margaret d'Inghilterre, 'u cardinale Eugène Tisserant, pringipe de case d'Asburghe, Theodor Mommsen, Paul Bourget, Ferdinand Gregorovius e otre angore.
'U 15 decemmre 1933 'u Comune vennìe 'u Castelle a 'a famigghie Martini Carissimo, avenne in cambie Palazze martini, pò ausate cumme Sede Municipale. Le Martini Carissimo restaurarene 'u Castelle cu l'aijute de l'architette Ceschi. In conziderazione d'u sforze fatte da 'a famigghie, 'u Rre d'Itaglie Vittorie Emanuele III, conferì a sta famigghie 'u titole de Conde de Castel d'Orie.
'U Castelle, dichiarate Monumende Nazionale, ha state vennute 'u 2 luglie 2007 a 'a suggettate Borgo Ducale srl per 7.750.000 euro.
Canusciute pure cumme Porte Tarde purcé da aqquà se sceve verse 'a cetate ioniche, jè une de le tre porte d'a cetate (une de le quale non ge ste cchiù). 'A porte, ca carresce a 'a giudecche d'a comunitate ebbraiche de Orie, dèje accesse a 'nu quartiere medievale tortuose, de case piccele, puteje, balcongine scunnute.
Rrete 'a porte de le Ebbrè, jndr'à chiazze Shabbetai Donnolo, se sveluppave 'a comunitate ebbraiche fiorende, canusciute jndr'à tutte 'u Mediterranèe medievale, ca arrevò a 'u massime splendore durande 'u IX sechele. A 'u cendre d'a volte acchiame 'nu scude araldeche de petre cu 'u stemme ca no se 'ndruche cchiù, a le late doje stemme cchiù piccele ca raffegurane le embleme d'a cetate. Sus se iacchie 'a statue d'a 'Mmaculate.
Jè dette pure Porte Lecce o de le spagnule purcé da aqquà traserene le spagnule apprisse 'nu lunghe assedie. 'A forme de osce a die d'a porte l'ha fatte Mechele III Imperiali, ca probbabbilmende cangiò o costruì 'na porte ca stave apprime.
Tenève ttre statue da sus, doje scettate 'nderre da 'u ciclone d'u 1897 e 'a terze luate jndr'à 'u 1958 purcé pericolande. Stavane 3 stemme, probbabbilmende d'a porte d'apprime, ne ave rumane sule une, quidde de Orie pure ce ste in pessime condiziune.
'A torre "Palomba" jè 'na torre cilindreche ca se iacchie a le spalle d'a basiliche cattedrale; jè 'nu probbabbile reste d'a fortificazione messapeche, pure ca pa condinuità soje 'nzigne a osce a die e 'a posiziona cendrale soje jè assaije probbabbile ca avenìe cangiate e ausate pure jndr'à le periode successive; jè chiamate pure "carnara" purcé 'nzigne a 'u XVIII sechele servìe cumme ossarie.
![]() |
Pe approfondimende, 'ndruche 'a vôsce Basiliche cattedrale de Orie. |
'A cattedrale de osce a die ha state vulute da 'u vescove Castrese Scaja, ca jndr'à 'u 1750 ordenò 'u scuffulamende d' achiesere medievale ('nzippate jndr'à prime metà d'u XIII sechele) e facìe costruì 'a cattedrale nove de guste barocche; a vota soje probbabbilmende 'a strutture medievale se puggiave sus a 'nu tembie pagane.
Durande 'u 'nzippamende d'a cattedrale barocche, sus a 'u pruggette de l'architette napuletane Giustine Lombardi, doje culonne de marme avenèrene accattate pe 8000 ducate da 'u Rre de Napule pe abbellì 'a cappelle d'a Reggie de Caserte e finanzià 'u pruggette nuève. 'A facciate jè de carpare locale.
Jndr'à le urteme fatìe de restaure de l'edificie sacre onne assute fore 'a cripte de le Vescove (sotte a'u presbiterie), ossarie e 'nu ipogèe larie addò mò ste 'nu presepe permanende. Da 'u 1992 'a cattedrale jè pure basiliche.
'A chiesere de San Dumineche resale a 'u 1572 (proggettate da l'architette Saverio Amodio) e avenìe 'zippate da le attane duminecane ca arrevarene jndr'à cetate jndr'à 'u 1282, chiazzannese jndr'à l'andiche Calogerate de San Basiglie, jndre le mure cetadine.
'A chiesere de osce a die, avìe le megghie aggiustamiende jndr'à 'u XVIII sechele. 'U 'nderne jè 'a croce latine cu preggevole altare barocche seicendesche de scole leccese. Stonne pure de le tele de valore, soprattutte quedde de San Dumineche, titolare d'a chiesere. Jndr'à 'u convende 'nzeccate, acchiame 'nu chiostre. 'A chiesere devendò parrocchie 'u 22 aguste 1947 da l'amministratore apostoleche d'a diocesi, Ferdinande Bernardi.
'A Chiesere de San Frangische de Paole avenìe fatte jndr'à 'u 1580 'nzieme a 'u convende 'nzeccate, tène 'n'orte, cumme se 'ndruche da certe carte d'a cetate d'u '600, cumme quedde d'u Centonze.
'A chiesere de osce a die se sveluppe sus 'a cripte de San Barsanofie addò se stipe 'u sacelle ca, da 'u 890 a 'u 1170, stipò le reliquie d'u patrone. Sta chiesere resulte angore osce a die assaije 'mbortande: aqquà le vescove nuève se mettene le paraminde sacre apprime de trasè jndr'à cetate; 'nfatte 'a chiesere se iacchie picca picche fore le mure assaije vicine a 'a porte de le ebbrèe.
A 'u 'nderne jè de 'nu certe pregge 'a statue de petre d'u sande patrone e, une de Madonne cu 'u Piccinne tutte e doje d'u XV sechele. Stonne pure de le altorilieve preggevole ca raffegurane scene d'u presepe e de le tele. Fore, sckattate jndr'à parete d'a chiesere, acchiame materiale de reimbieghe medievale. 'Nzeccate se iacchie 'u Convende de le frate minime paolotte. Devendò parrocchie 'u 1 ottommre 1976 da 'u vescove Alberighe Semeraro.
'A chiesere e 'u monastere avenèrene 'nzippate pe volere d'a baronesse Filippe de Cosenze jndr'à 'u XIV sechele. 'U stemme sus 'a facciate, ca raffigure 'nu lione rambande, cu sus 'na tiare papale, reproduce l'arme de Pape Paole II.
A 'u 'nderne stonne 'nu sacche de petture murale medievale, ca raffigurane sande, in pessime state; jndr'à une de ste depinde se 'ndrucane San Benedette e San Barsanofie. 'A costruzione romaneche origgenale avenìe sckaffate jndr'à 'nu granne comblesse barocche, 'u monastere de le attane celestine, 'nzippate jndr'à 'u XVII sechele.
Jndr'à 'u 1912 'u monastere de le Celestine avenìe scettate 'nderre pa scole elemendate "Edmondo De Amicis". Quase condemboraneamende avenìe scettate 'nderre 'nu portiche de sidece arche nnande 'a chiesere: seconde 'a tradizione aqquà se faceve 'u "Balle de San Giuanne", durande 'a nuttate 'mbrà 'u 23 e 'u 24 sciugne addò sceve totte 'a popolazzione d'u circondarie; sta ausanze avenìe vietate jndr'à 'u XVI sechele sotte 'u marchesate de le Borromeo, purcé immorale.
Osce a die, rumane sulamende 'a chiesere, ca non g'è addibite a 'u culte, venènne ausate cumme auditorium o cumme spazie espositive (jndr'à le urteme anne durande 'u periode d'a staggione ave ospitate 'a mostre de le Palii d'u Tornèe de le Riune), seconde le abbesogne d'a parrocchie d'a basileche cattedrale, ca jè 'a probbietarie.
'A chiesere de osce a die, dedicate a Marije Sandissime d'u Ponde, resale a 'u 1850. 'U monastere 'nzeccate de le Benedettine d'a Congregazione Cassinese jè occupate da l'orfanotrofie Andoniane Femminile e avenìe costruite jndr'à 'u XVI sechele sus a l'arèe d'u monastere assaije cchiù andiche de San Barbate fatte 'nzippà jndr'à 'u 1123 da 'a pringipesse normanne Costanze d'Altaville.
'A Chiesere San Frangische d'Assise seconde 'a tradizione popolare arrecorde 'u passagge da Orie d'u sande d'Assise.
'A costruzione de osce a die jè de periode barocche, coeve d'a cattedrale. A l'inizie avera essere 'na chiesette basigliane, dedicate a 'a Madonne de Costandinopole. Atturne a 'u 1219 vecine a quedda chiesette basigliane avenìe funnate 'nu cenobbie da 'u stesse San Frangische d'Assise, turnanne da 'a Palestine. Jndr'à 'u XV sechele 'a chiesere, cu 'u convende frangecane 'nzeccate, avenìe recostruite da 'u pringipe Giuanne Andonije Del Balzo Orsini, pe pò essere fatte arrete jndr'à 'u XVIII sechele. A 'u 'nderne se stipane le reliquie d'u beate Frangische da Durazze (andiche protettore de Orie ca se festeggiave jndr'à dumeneche in Albis) e 'na Pietà litiche d'u XV sechele ca ere stipate jndr'à chiesette rupestre d'a Madonne de Gallane. Sus a 'u fianghe d'a chiesere se iacchie 'u cenotafie d'u pringipe Giuanne Andonije Del Balzo Orsini, ca 'nzippò 'a chiesere quattrecendesche (apprime de quedda barocche de osce a die). Ospite 'u Premie Letterarie 'Ndernazionale 'U Puzze e l'Arange, nate jndr'à 'u 2005.
Devendò parrocchie 'u 22 aguste 1947 da l'amministratore apostoleche Ferdinande Bernardi. Ha state restrutturate jndr'à le anne cinguande e jndr'à 'u 2004-2005, quanne onne assute reste d'a cheisere quattrecendesche.
'Mbrà le tanda chiesette ca stonne jndr'à cetate, arrecurdame quedde de Sanda Marije a 'u Tembie. De le studiuse 'a volene de fonnazione templare, date 'u nome d'a chiesere piccele, ca jndr'à le documinde cchiù andiche jè signate cumme Sanda Marije d'u Tembie. quidde ca jè secure jè ca ha state fatte jndr'à 'u 1489 da 'u canoneche Dumineche Ferrara, a spese sue, da 'n'iscrizione ca ste a 'u 'nderne de l'edificie.
Se ave notizie d'a chiesere de Sanda Marije d'u Tembie jndr'à 'u 1542 durande 'nu 'nzuramende celebbrate. Avène arrecurdate pure jndr'à le visite pastorale, partenne da quedde d'u vescove Bovio d'u 1565. Jndr'à 'u 1827 acchiame 'a chiesere de Sanda Marije a 'u Tembie ca appartene a 'u Capitole d'a cattedrale de Orie, e aperte a 'u pubbleche; e pò passò a 'u Funne pu Culte.
'A cripte de San Maure osce a die ste sotte a l'altare d'u sanduarije de Sand'Andonije da Padove. 'U luèche de culte avenìe, probbabbilmende, ausate jndr'à 'nu prime mumende (ierte Medioeve) da le monace basigliane de rite greche, e pò cu 'a conguiste normanne - d'u 1055 - avenìe ausate da le monace benedettine. Le monace basigliane dedicarene l'edificie a San Basiglie e pò le benedettine a San Maure.
Abbandunate, avenìe scuperte arrete da 'nu pastorelle jndr'à 'u 1660 e subbete 'u canoneche oritane Lucio Riccardia 'nzippò 'na chiesera nove da sus 'mbrà 'u 1664 e 'u 1665. Jndr'à 'u corse d'u XVII sechele avenìe ausate pure cuume ossarie da le frate Alcantarine ca averene pigghiate possesse d'a chiesere de sus e d'u monastere 'nzeccate, jndr'à 'u 1758.
Jndr'à 'u 1761 le Alcantarine accumenzarene 'a costruzione d'u convende, spicciate jndr'à 'u 1783. Cu le legge fatte da Vittorie Emanuele II, jndr'à 'u 1866 'u convende avenìe achiuse e 'ngamerate da 'u State. Ausate cumme deposite agricole, avenìe accattate da Attane Annibbale Marije de Frange e da le Rogazioniste, ca angore osce a die 'u gestiscene. Jndr'à 'u 1940 'a chiesere ha state consacrate a Sand'Andonije da Padove e jè canusciute pure cumme "de San Pascale", pa devozione de le Alcantarine a San Pascale Baylon.
'A forme d'a cripte jè rettangolare. A 'u 'nderne, pure ce in condizione pessime, se 'ndrucane angore de le affresche: quidde cendrale rappresende San Maure, a 'a destre ste 'a Madonne d'u Melograne, de ottime fatture, e a sinistre ste 'n'affresche cchiù piccele ca raffegure 'u Criste coronate de spine, 'a Madonne de Costandinopole e San Gesèppe. 'A chiesere tène 'na facciate in stile tarde barocche e 'nu 'nderne spartute sus a tre navate cu volte a crociere. 'A navate cendrale jè collegate a le doje laterale cu cinghe arcate e jndr'à l'abside ste 'na statue de Sand'Andonije sotte 'u catine absidale, mandenute da 'nu colonnate.
Le altare d'a navate destre sò dedicate a San Mechele Arcangele, a 'a 'Ddulurate, a San Maura (cu state de legne d'u XVI sechele) e a 'a 'Mmacualte; invece jndr'à navate sinistre a Sand'Annibbale Marije de Frange, a Sanda Terese de Lisieux, a Padre Pio, a San Gesèppe e a 'u Core de Gesù. A l'endrate, invece, jndr'à le nicchie, a sinistre e a destre se iacchiane le statue de legne d'u XVII sechele de San Pitre d'Alcantare e San Pascale Baylon. Sus a 'u 'ngresse ste 'nu core granne sufficiende a ospità tutte le frate.
Da 'u 1922 avenèrene fatte 'nu sacche de cangiaminde, quale: 'u cange d'u finestrone sus 'a facciate cu 'nu rosone, l'avasciamende de 'nu metre d'u pavimende, l'aperture de le navate laterale, l'abside nuève mandenute da sei culonne e 'u cangiamende d'u core in cantorie, cu l'organe a canne de osce a die. 'A chiesera nove avenìe inaugurate 'u 6 ottommre 1932, pure ce certe fatìe condinuarene jndr'à le anne successive.[19][20]
'U Sanduarije de San Cosime a 'a Macchie ste a cchiù o mene 5 km da 'a cetate. Jè 'nu cendre culturale 'mbortande legate a le [[[Sande Midece]], copatrune de Orie, e ca 'a 'mbortanza soje ve oltre 'u Salènde. 'U sanduarije de osce a die restrutturate assaije probbie jndr'à 'u Noveciende e de le urteme anne ('a facciate d'u sanduarije carresce 'a date d'u 1900), in realtà ave, probbabbilmende, inizie jndr'à 'u corse d'u IX sechele quanne stave 'na chiesere piccele de monace basigliane. 'Nu cimitere medievale ca resale a stu periode ha state mise in evidenze sotte parte de l'ale ovest d'a chiesere de osce a die.
Edificie probbabbilmende collegate a 'nu villagge o casale medievale (osce a die scombarse), accussì cumme se 'ndruche jndr'à le guide topografeche e archeologgeche. Da 'u XVIII sechele a osce 'u comblesse ha state 'nderessate da forte cangiaminde, ca no fanne cchiù capì 'a conformazione origgenale d'u sanduarije.
Collegate a 'u sanduarije ste 'nu muesèe cu le ex vote de le fedele. Stu dsanduarije jè rivestite de 'na certa 'mbortanze jndr'à cetate addò stonne 'nu sacche de reliquie de le Sande Midece. Festeggiamende solenne se fanne ogne anne 'u quinde sciuvedìe apprisse Pasche, durande le 'Pirdunanzi'. 'Nderessande 'a presenze d'u musèe etnografeche, 'u prime, pe numere de oggette stipate, de l'Itaglie meridionale.
![]() |
Pe approfondimende, 'ndruche 'a vôsce Chiesere de Sanda Marije de Gallane. |
Sta chiesere ste a cchiù o mene 5 km da 'a cetate in direzione Latiane lunghe l'andiche percorse d'a vie Appie. Probbabbilmende esisteve ggià durande 'u periode tarde-andiche, a 'u 'nderne sue ste 'ngise, sus a 'nu mure, 'nu sciuèche romane andiche. Jndr'à 'u periode medievale le fonde citane 'u casale addò nasce 'a chiesere cumme Gallano.
Le cunde d'a cheisere se mmesckane 'mbrà storie e leggende. Une de chiste dice ca 'a chiesere avenìe funnate da 'na certe Galerana, mugghiere de Carle Magne e consacrate da 22 vescove 'mbrà le quale San Turpine; 'n'otra leggende dice ca 'na mugghiere devote priave aqquà 'u retorne d'u marite partute pe le crociate.
Caratteristeche architettoneche d'a chiesere jè 'a presenze de doje cupole in asse, elemende ca mette 'a costruzione jndr'à 'u periode altemedievale. Ospite affresche 'nderessande, 'mbrà le quale 'na Deesis ca raffegure Criste Pantocratore ca ste sus a 'u camine de l'abside eppure 'na Annungiazione, probbabbilmende parte de 'nu cicle de affresche ca reguardane 'a Madonne.
Otra chiesere rupestre 'mbortande jè quedde d'a Madonne d'a Scale; 'nzediamende altemedievale (assaije apprime de l'anne 1000) se iacchie a 3 km da Orie sus 'a vie vecchie pe Mandurie sus a l'arèe de 'nu casale rupestre andiche d'u quale faceve parte l'ereme basigliane de Sand'Ustine (Sant'Agustine o San Giustine). Pure aqquà no se sape quanne ha stqate fatte ma de le eleminde fanne penzà ca l'edificie sacre jè d'u XIII-XIV sechele. A 'u 'nderne stonne affresche de l'Apocalisse e 'u depinde de fatture locale d'a Madonne d'a Scale.
L'aspette de osce a die resale a 'u XVII sechele ma stave 'na chiesere, apprime, ca avere state 'nditolate a 'a Madonne de le Grazie. A 'u 'nderne jè stipate 'na tele ca raffegure 'na Madonne cu 'u Piccinne e l'effige d'u sande romane Lorenze martirizzate sus a 'na graticole. Seconde 'a tradizione da aqquà 'u vescove ca avera pigghià "possesse" d'a diocesi oritane, partive sus a 'nu cavadde vianghe pe trasè jndr'à le mure cetadine, none apprime de fermarse jndr'à cripte de San Barsanofie (addò ste mò 'a chiesere de San Frangische de Paole). 'Nzeccate ste 'nu monastere piccele ca ave ospitate pure 'na comunitate monasteche piccenne.
'U Sedile se iacchie jndr'à chiazze Manfrede, 'nzippate atturne a 'u 1700 da Mechele III Imperiale, jè 'nu tipeche esembie de elenganze de stile barocche. Ave 'na chiande quadrate e 'ngape carresce le statue de l'andiche feudatarie San Carle Borromeo e d'u patrone San Barsanofie. Andicamende ha state sede de le Decurione e Segge de le Nobbile, invece osce a die jè 'nu punde de 'mbormaziune turisteche.
Palazze Martini
Palazze Martini, ste jndr'à 'u core d'u cendre storeche, sus a 'u spiazze canusciute cumme "sobbr'a Santa Croci", in riferimende a l'andiche presenze d'a Chiesere dedicate a 'a Sanda Croce de Gerusalemme fatte 'nzippà - 'mbronde a Palazze Martini de mò - da 'u putende abbate gesuite Necole Carbone, confessore d'a Reggine de Spagnejndr'à 'u 1770.
'U palazze jè 'nu classeche esembie de l'architetture barocche d'u XVIII sechele. Jndr'à vanna ierte de l'edificie ste 'u stemme d'a cetate, 'nfatte ave ospitate 'u Comune 'nzigne a 'u 1985. Osce a die jè ausate pe mostre e 'ngondre ufficiale; pò ospite pure 'u musèe e Cendre de documendazione messapeche.
Palazze vescovile
'U palazze vescovile, nasce sus a 'andiche acropoli messapeche, jndr'à 'u Basileum ha state acchiate une de le cchiù andiche mosaice de l'Europe occidendale datate atturne a 'u V sechele n.C. ca reffegure 'nu lione alate, costruite cu petruzze ca avenèvane da 'a zone macedone.
'U palazze de osce a die ha state fatte da, l'arcivescove de Orie, Giangarle Bovio, 'mbrà 'u 1564 e 'u 1570; a 'u 'nderne stonne eleminde architettonece a culonne e capitelle de epoche greche e romane.
De 'nu certe inderesse sò de le culonne marmorèe, 'na colonne de età classeche cu 'na figure de arciere a cavadde, de le fregge e particolare architettonece de l'andiche chiesere romaneche. Pò a 'u 'nderne acchiame preggevole soffitte affrescate attrebbuite a Pellegrine Tibaldi d'a scole de Raffaelle.
A le pide d'u castelle se sveluppe parche Montalbano, sede de 'nu sbuènne de avveneminde cetadine. Fatte in stile tagliàne settecendesche.
Passeggianne lunghe 'u percorse naturalisteche jè possibbele repercorrere le mure d'u castelle sveve e ammirà 'u belvedere. Jndr'à 'u parche stonne pure le reste d'a cetate bizzandine.
Ccrejate sus a 'u colle Impisi, ste 'mbrà le contrade Frascate e Sotteparabite (osce a die vie Frascate e vie Curtatone e Montanara) presende varietà botaneche tipeche d'a macchie mediterranèe e 'na zone archeologgeche cu le reste chiautale d'a comunitate ebbraiche d'u I sec. a.C.
Crestiane censite[21]
A 'u 31 decemmre 2014 jndr'à 'u territorie comunale se reggistrave 'a presenze de 259[22] furastire regolare (103 maschele e 156 femmene) pare cchiù o mene a 'u 1,7% d'a popolazzione residende. 'A comunitate cchiù granne jè quedde de le rumene.
Aqquà sotte le nazionalitate cchiù rappresendate:
'A fede releggiose cchiù pratecate jè quedde cristiane cattoleche; 'a cetate jè sede vescovile d'a Diocesi de Orie.
Rite quaremmale plurisecolare, uneche jndr'à 'u genere sue, addò ste 'a discese d'u setteciendesche simulacre de Criste Muèrte da 'u 'stitute de San Bendette a 'a basileche cattedrale partenne da 'u prime sciuvedìe de màrze, 'nzigne a 'u mercredìe sande, quanne Criste Muèrte scenne 'nzieme a otre statue de le Mistere.[23]
'U Tornèe de le Riune, nate jndr'à 'u 1967, se face 'mbrà le quattre riune d'a cetateː Giudèe (o Judea), Castelle, S. Basiglie e Lame.
![]() |
Pe approfondimende, 'ndruche 'a vôsce Economije d'a Pugghie. |
Le attivitate prengepàle ca stonne jndr'à cetate sò 'u settore agricole cu l'alìeculture (pure biologgeche), cu 'a produzione de uegghie d'alìe DOP, 'a viticulture e 'a coltivazione de amennele, ciose e otre arvule da frutte.
'U settore 'ndustriale, oltre ca pe le oleificie e le stabbeleminde vinicole cu 'mbiande de 'mbottigliamende, se caratterizze pa presenze de aziende de produzione de materiale pe l'edilizie, de ebanisterie, de erboristerie e de sartorie 'ndustriale.
'U comune jè raggiungibbele da 'a Strada Statale 7 Vie Appie Brinnese-Tarde.
![]() |
Pe approfondimende, 'ndruche 'a vôsce Stazione de Orie. |
'A cetate tène 'na stazione sus 'a ferrovie Tarde-Brinnese.
Aqquà sotte ste 'na tabbelle de le amministraziune ca onne state jndr'à stu comune:
Periode | Prime cetadine | Partite | Careche | Note | |
---|---|---|---|---|---|
12 aguste 1988 | 21 abbrile 1993 | Cosime Pescatore | Partito Socialista Italiano | Sinnache | [25] |
3 novemmre 1989 | 25 ottommre 1991 | Cosime Mazza | cattolici democratici | Sinnache | [25] |
25 ottommre 1991 | 15 settemmre 1992 | Ferdinande De Pace | Partito Socialista Italiano | Sinnache | [25] |
25 sciugne 1993 | 12 masce 1997 | Sergie Gesèppe Ardito | Partito Democratico della Sinistra | Sinnache | [25] |
12 masce 1997 | 14 masce 2001 | Sergie Gesèppe Ardito | Partito Democratico della Sinistra | Sinnache | [25] |
14 masce 2001 | 30 masce 2006 | Cosime Moretto | centro-destra | Sinnache | [25] |
30 masce 2006 | 13 decemmre 2010 | Cosime Ferretti | centro-destra | Sinnache | [25] |
13 decemmre 2010 | 21 sciugne 2011 | Marije Rite Iaculli | Comm. pref. | [25] | |
13 decemmre 2010 | 12 scennare 2011 | Mechele Albertini | Sinnache | [25] | |
19 masce 2011 | 20 ottommre 2014 | Cosime Pomarico | PD, UDC, libertà e autonomia noi sud, SEL, lista civica: oria e', lista civica: noi centro | Sinnache | [25] |
20 ottommre 2014 | 21 luglie 2015 | Pasche Erminie Cicoria | Comm. straordinarie | [25] | |
18 sciugne 2015 | 18 ottommre 2017 | Cosime Ferretti | FI, lista civica: regione salento, lista civica: uniti con ferretti sindaco, lista civica: identità e coesione, UDC, FdI-AN | Sinnache | [25] |
19 ottommre 2017 | 25 sciugne 2018 | Pasche Erminie Cicoria | Comm. straordinarie | [25] | |
26 sciugne 2018 | Marije Lucie Carone | Coalizione liste civiche e UDC | Sinnache | [25] | |
Orie jè gemellate cu:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.