'nu comune tagliáne From Wikipedia, the free encyclopedia
Latiane (Latiano jndr'à lènghe tagliàne, Latianu jndr'à 'u dialette brinnesine) jè 'nu comune tagliàne de 13 840 crestiane[1] d'a provinge de Brinnese jndr'à Pugghie.
Latiane comune | |
---|---|
![]() | |
Localizzazione | |
State | ![]() |
Reggione | ![]() |
Provinge | ![]() |
Amministrazione | |
Sinnache | Cosimo Maiorano (PD + liste civiche) da 'u 15-6-2015 (2º mandate) |
Territorie | |
Coordinate | 40°34′26.06″N 17°42′52.14″E |
Altitudine | 97 m s.l.m. |
Superficie | 54,78 km² |
Crestiàne | 13 840[1] (30-11-2020) |
Denzetà | 252,65 ab./km² |
Fraziune | Caputi, Milete, Mure Tenende, Sottedivisione Fieo 1, Sottedivisione Fieo 2, 'A Specchie, Paradise, Le Caselle (Javetate Zone 'Ndustriale), Cotrine, Madonne De Gallane (condivisione cu Comune de Orie), Moreno, Cazzato, Errico, Martuccio, San Frangische, Camarda, Cupa, Grottole, Asciulo, San Dunate, Tussano |
Comune 'nzeccate | Brinnese, Frangaville Fundane, Mesagne, Orie, San Mechele Salendine, San Vite de le Normanne, Torre Sanda Susanne |
Otre 'mbormaziune | |
Cod. postale | 72022 |
Prefisse | 0831 |
Fuse orarie | UTC+1 |
Codece ISTAT | 074009 |
Cod. catastale | E471 |
Targhe | BR |
Cl. sismiche | zone 4 (sismicità assaije vasce)[2] |
Cl. climatiche | 45 |
Nome javetande | latianise |
Patrone | Sanda Margherite |
Sciurne festive | 20 luglie |
Cartografije | |
![]() | |
Site istituzionale | |
L'etimologgije, seconde Rohlfs 1976 (Vocabolario dei dialetti salentini) avessa derivà da latinianum (funne de 'nu latinus), seconde Antonucci invece da la teana ('A terre).
'A cetate se iacchie jndr'à fasce a clime mediterranèe. Avènene repurtate le valore climatece medie:[3]
Scavanne a 'na profonnetà 'mbrà le 5 e le 12 metre, soprattutte jndr'à vanna sud d'u Paese, jè possibbele acchià l'acque. 'U paese 'nfatte tène 'nu sbuènne de pozzere e jndr'à certe periode particolarmende de piogge, l'acque iesse da 'a superficie, rialanne 'u carattere paludose a certe zone de l'agre[4].
Jndr'à vanna nord d'u javetate cetadine scorre, da Frangaville verse Mesagne, 'mbrà contrade Morene e contrade Martucce, 'u Canale Reale, ca arrive a volume d'acque 'mbortande soprattutte apprisse piogge abbondande.
'N'otre canale, lu Patru, scorre sotterranèe sorgenne vecine a 'u cendre cetadine e scettannese jndr'à 'u Canale Reale. In realtà 'u litte d'u canale jè ipogèe apprisse 'u 'ndervende de l'omme ca, jndr'à seconda metà d'u '900, pe condrastà 'a diffusione d'a malarie ave foderate 'u canale jndr'à tutte 'u corse sue. Pure ca non g'è 'ndrucabbele jndr'à nisciune punde jè tuttavie possibbele sendì l'acque scorrere da sotte jndr'à certe punde de VIe Frangische De Virgilis, ditte appunde strade ti lu canali.
![]() |
Pe approfondimende, 'ndruche le vôsce Storie d'u Salende e Storie d'a Pugghie. |
Jndr'à quedda vanne de Pugghie ca le sceografe chiamarene Istmo Messapeche, a metà strade 'mbrà Tarde e Brinnese, se iacchie Latiane. 'U territorie sue jè javetate da l'età d'u firre,[5] 'a cetate, 'nfatte, sorge vecine a 'u 'nzediamende messapeche de Mure Tenende ca jndr'à l'età elenisteche raggiunge l'estenzione de 52 ettare.
'U territorie ha state, durande 'a dominazione romane e jndr'à le sechele apprisse, zone de passagge date ca, jndr'à vanne sud, passanne pa cambagne, ste 'nu tratte de l'andiche Vie Appie ca collegave Tarde a Brinnese e ca vèje a sfiorà Mure Tenende.[6] 'Mbortande testimonianze d'u periode romane ha state 'u iacchiamende a cule de 'nu sarcofaghe, datate I sechele n.C., addò stave mise 'n'epigrafe latine addò se legge 'u nome Publio Falerio Nigro ca jndr'à zone pare ave costruite, seconde 'u stesse epitaffie, 'nu canale e 'nu macellum.[7]
Tanda otre epigrafe latine datate I-II sec. a.C. onne state acchiate jndr'à le cambagne atturne a 'u cendre urbane[8] apparte otre reste de probbabbele ville romane.[9]
Jndr'à 'u medioeve 'u territorie ere parte d'a Foreste Oritane, 'na zone de vegetazione forte forte alternate da praterie larije e da palude, ca se stenneve da Orie 'mbonde a Nardò e ca facìe da culle pa nascite de 'nu sacche de casale jndr'à stu periode[10], 'a Foreste 'nfatte puteve sconnere megghie le crestiane da le condinue scorrerie de le Gote apprime e de le Saracine apprisse.
Nascerene, accussì, atturne a 'u paese, 'nu sbuènne de casale piccele 'mbrà le quale quidde de San Paole, de San Dunate, de Paretalte (o Parietalte) e de Cotrine.[11] Quidde ca osce a die jè 'u confine comunale Latiane-San Vite coincide cu le vecchie confine d'a Foreste Oritane e a testimonianze de stu fatte, se iacchiane sopravvissute de le finete d'u XV-XVI sec, ca segnavane 'nu margine d'a Foreste.[12]
Nonostande 'u termine Latiniano iesse ggià jndr'à 'nu passagge d'u Chronicon Vulturnense ca resale a 'u 947, 'a fonnazione de Latiane se face resalì a 'u 1092: 'u 14 ottommre de quidde anne 'nfatte Boemonde, pringipe de Tarde, congedeve a le benedettine de l'abbazzie de Sand'Andrèe de l'isole de Brinnese 'u territorie de Malenianum pe funnà 'nu casale e de 'ndroducere 'a coltivazione d'u vignete "Pro vineis faciendis et plantandis".[13]
Trasute jndr'à l'orbite d'u Pringipate de Tarde sotte a le Normanne, segue le vicende politeche d'u stesse pringipate, jndr'à 'u 1194 'u dominie passe a le Sveve e jndr'à 'u 1266 a le Angoine. Verse 'a fine d'u XIII sechele 'u casale de San Paole ere de 'na certe Isabbelle, signore de Anfi e Brinnese, ca spose Pitre Ugot (dinastie frangesce 'mbarendate cu 'u Rre) ggià famigghie feudatarie de Latiane.
Jndr'à stu periode nascìe 'u casale de Pariealte ca pajave le decime a l'arciprevete d'a cattedrale de Orie. A l'inizie d'u XIV sechele San Paole e San Dunate erane possedute jndr'à 'n'uneche feude da 'u barone Adamo Flemblaio e 'a mense vescovile de Ostune 'nzigne a 'a seconde metà d'u XIV sechele, quanne 'u Rre Robberte d'Angiò decedìe de dividere le doje feude piccelle in seguite a 'nu contenziose sus 'a spartizione de le rendite 'mbrà le doje probbietarie. A 'u vescove de Ostune rumaneve San Dunate e 1/2 de San Paole. Jndr'à 'u stesse periode, Pariealte se iacchie infeudate da 'u Barone Gerarde da Firenze ca 'u vennìe pò a Eggidie da Fallosa 'u quale ere 'u ciambellane d'u Rre.[11]
A 'a fine d'u XIV sechele, 'u casale de Cotrine (cu cchiù o mene 100 crestiane) e 1/2 d'u casale de San Paole appartenene a Guglielme De Vice Contibus[14] mendre 'u casale de Paretalte (cchiù o mene 200 crestiane) ere de Delfina Baldanza[15]. Jndr'à 'u 1407 'u feude de Latiane e 'u territorie de Cutrino, ggià disabbitate, avenèrena ccattate da Andonije De Alamo (ca avenève da 'na famigghie nobbile leccese) pe 1.500 ducate d'ore pajate a 'u Rre Ladislao.
A 'a fine d'u XV sechele le casale de San Paole, San Duunate, Cotrine e Pariealte resultane tutte disabbitate e le crestiane sue, 'a maggiorparte, se 'n'averene sciute a Latiane mendre le terrene devendare suffeude de Orie a eccezione de Cotrine ca invece ere suffeude de Latiane. Pariealte pure ce oramaje abbandunate, resulte essere de Olimpie de Castello, 'na signora ricche de Orie, ca pò 'u vennìe a 'a Famigghie Colucci.[11]
'U feude de Latiane e quidde de Cotrine jndr'à 'u 1511 passaerene a le Froncone, quanne Margherite De Alamo devendò spose de Giacome Marije Francone. Accumenze accussì 'a baronie d'a dinastie Francone.
Claudie Paole Francone jndr'à 'u 1575 spose 'a baronesse de Sava Ippolita Prato ca purò 'a dote de 75 000 ducate. Facerene doje figghie, Andrèe e Frangesche. Ippolita Prato devendò baronesse de Sava da 'u 1576 a 'u 1630 purcé uneche erede apprisse 'a morte d'u frate.
Claudie accatte, jndr'à 'u 1592, 'u feude de Lizzane e more jndr'à 'u stesse anne, accussì a 'a baronie de Latiane e de Lizzane scìe 'u figghie Andrèe. Pe mutive economeche, 'u feude de Latiane scìe a l'aste e se l'accattò 'u ziane Paole Francone pe 60 000 ducate.[16] 'U fatte comungue spicce male purcé, apprisse 'nu picche de tiembe, le Francone perderene le feude de Latiane e de Lizzane.[17] Jndr'à 'u 1606, 'nfatte, Paole Francone, pe mutive economece, vennìe 'u feude de Latiane a Marcandonije De Santis pe 65 000 ducate, mettènne fine a 'a baronie de le Francone.[18]
Parietalte avenìe vennute jndr'à 'u 1615 da Gian Dunate Colucci a Giulie Cesare Valentino pe 1 000 ducate[11].
Jndr'à 'u 1641 Carle Imperiali accatte 'a terre de Latiane, cu le suffeude de Cotrine e San Dunate, vennute da 'a Sacre Reggie Camere pe cuprìe le dibete de Frabbrizie De Santis, pajannne cchiù o mene 41 000 ducate. Carle devendò accussì barone de Latiane. Jidde avenève da 'nu rame d'a ricche famigghie Imperiale, de origgene genovese, ca a 'a fine d'u '500 ere ggià feudatarie d'a pringipate de Frangaville e de Orie. Le Imperiali tenèrene 'a terre de latiane pe quase doje sechele, 'nzigne a l'abbolizione d'u feudalesime, certe vote vivenne attivamende jndr'à comunitate e certe vote nomenanne 'nu agende generale, sembre carrescianne jndr'à cetate prosperità e sveluppe, testimoniate da 'u 'ngremende demografeche e urbane de stu periode.
Pure le titole d'a famigghie Imperiali s'allariarene, urteme Barone ha state Dumineche Imperiali, nepote de Carle, ca accattò 'u titole de Marchese sus 'a terre de Latiane 'nzigne 'a metà d'u '600 accumenzanne accussì 'a storie d'u Marchesate de Latiane ca durò 'mbonde a 'a fine d'u XVIII sechele.[19] Jndr'à 'u 1782 Vecinze Imperiali, marchese de Latiane, eredite tutte 'u aptrimonie e le titole d'u cuggine de terze grade Mechele Imperiali, pringipe de Frangaville, marchese de Orie e Casalnuève (Mandurie).
Jndr'à 'u 1720 passò 'na maneche de cavallerie tedesche, 'u Reggimende de Portugallo, mercenarie de l'esercite d'u Regne de Napule, cu 'u capitane ca se stabbilìe a Mesagne e 'u tenende a Latiane da 'u 13 a 'u 20 settemmre. Pe sta occasione 'a cetate spennìe 'nu sbuènne de turnise pubblece pe alloggià le surdate e pe dà le strutture necessarie a 'u mandenimende de le cavaddere. Pò 'u tenende tedesche stanziate a Latiane se pigghiò, sotte 'a minacce de fà danne, apprime 'nu pajamende de 25 scude e pò maggioraziune sus a le cose da mangià e da bevere.[20]
A le inizie d'u '800 'u paese conde 3.482 crestiane e produce grani, legumi, biada, frutti, vini, oli, ortaggi e bambagia.[21]
'U 6 scennare 1886 avenìe inaugurate 'a stazione de Latiane da 'u ministre Grimaldi, arrevate aqquà 'u sciurne apprime, a le ore 17, cu 'u trene inaugurale partite da Tarde.[22] 'U stesse anne, da 'u 22 sciugne a 'u 18 luglie scoppie 'na terribbele epidemie de colere ca accide 502 crestiane. Pò avenèrene fatte de le bonifeche: avenìe costruite 'nu lunghe canale 'ngassate e 'nu granne puzze assorbende. Apprisse a ste fatìe de bonifeche aumendà 'a popolazzione.[23]
'U 16 settemmre 1990 avenìe 'a pose d'a prima petre d'a chiesere de San Frangische in contrade Sardelle, lunghe 'u confine comunale de San Mechele Salendine. Stu territorie faceve parte de 'nu podere cchiù granne ca avère state congesse in enfiteusi, da 'u 1871, a agricolture ca avenèvane da Ceglie Messapeche e quanne s'ave costruite 'a chiesere, totte 'a zone cundave cchiù o mene 2.000 crestiane.
Ste fatiature vivevane jndr'à condiziune povere asaije e javetavene jndr'à trulle de petre; 'a chiesere avenìe costruite probbie cu l'obbiettive de luà le condadine da l'isolamende. Anne apprisse 'a zone conde cchiù o mene 3 000 crestiane, indande avènene costruite strade nuève eppure 'na scole.[24]
Quacche documende se referisce a 'u stemme indicanne 'u tore[25], otre dicene ca jè 'u bove, simbole, quiste urteme, de l'economije rusteche ca 'u feconde e prospere[26].
Descrizione araldeche d'u stemme:
«d’argende, a 'u rengondre de tore, de gnure, allumate de russe, cornate d'ore, acccumbagnate da ttre stelle de cinghe ragge, de azzurre, mise une 'ngape, doje jndr'à le candune d'a punde. Ornaminde de fore da Comune.» |
(D.C.G. 11 abbrile 1997) |
Descrizione araldeche d'u gonfalone d'a Cetate:
«drappe de azzurre, riccamende ornate de recame d'argende e carecate da 'u stemme sus descritte cu 'a iscrizione cendrate de argende ca carresche 'u nome d'u Comune. Le vanne de metalle e le cordone sò argendate. L'aste verticale adda essere cuperte de vellute azzurre cu bullette argendate mise a spirale. Jndr'à frecce avène rappresendate 'u stemme d'u Comune e sus a 'u gambe 'ngise 'u nome. Cravatte cu nastre tricolore da le culure nazionale frangiate d'argende.» |
Titole de Cetate
Crestiane censite[31]
A 'u 31 decemmre 2014, le crestiane de cetadinanze furastire residende jndr'à 'u comune sò 463, pare a 'u 3,19% d'a popolazzione totale residende. Le nazionalità cchiù rappresendate sò:[32]
Le latianise avènene chiamate pure "Capuvierdi". Stu nome probbabbilmende derive da 'u fatte ca 'a cetate, ca andicamende ere 'na palude ambiamende frequendate da germane riale, acidde ca, jndr'à 'u dialette locale, avènene chiamate Capuvierdi.
Stonne 'nu sacche de muttette e proverbie jndr'à 'u latianese, ca avènene tramandate de generazione in generazione.
'U dialette locale, ca face parte de le dialette d'u Salende settendrionale, jè assaije simile a quidde de Orie e Frangaville Fundane.
Jndr'à cetate le scole de l'obblighe sò raggruppate jndr'à 'nu Istitute Combrensive ca combrende le doje secondarie de I Grade (Scola Medie, sede Benedette Croce e Gabbriele Monasterio), doje primarie (plesse, Filippe Errico e Bartole Longo) e quattre sede pe l'infanzie. Pò ste 'na scole primarie parificate e, pa secondarie de II Grade, 'na sede staccate d'u Licèe de le Scienze Umane (psicopedagoggeche de Brinnese). 'Nfine, ste da quacche anne 'a scole private pe le arte professionale "Giacome Rosseau".
'U Musèe d'u Sottesuole jè specializzate jndr'à raccolte e jndr'à 'u studie de tutte quidde ca reguarde 'u munne sotterranèe. Funnate a Tarde jndr'à 'u 1973 da 'u naturaliste Pitre Parenzan, avenìe spustate a Latiane jndr'à 'u 1993 pe inderessamedne d'u direttore pro tempore, 'u biologhe latianese Mechele Camassa. Temboraneamende ste jndr'à 'u Palazze Imperiali in attese d'u restaure d'u Palazze de le Musèe, ggià convende de Sanda Margherite.
'U musèe jè articolate jndr'à quattre seziune:
Inaugurate jndr'à 'u 1974, ospitate jndr'à 'u cendre storeche, 'u Musèe de le Arte e Tradiziune de Pugghie combrende 'na collezzione de oggette d'a tradizione condadine caratteristece d'a vite de tanda crestiane de le cete popolare pugghiese 'nzigne a le prime anne d'u XX sechele. Stonne recostruite le ambiende prengepàle d'a case-tipe pugghiese: l'ambiende casalinghe, quidde artiggianale e quidde agricole.
'A case-musèe Ribezzi-Petrosillo, se iacchie jndr'à 'u cendre storeche, ha state inaugurate 'u 20 demcemmre 2003[34].
Jndr'à 'u territorie jè possibbele producere Aleateche de Pugghie Doc, Ostune Doc, Brinnese DOC, Pugghie Igt.
Lunghe 'a strade Appie de le vine, stonne diverse varietà d'u poste de vitigne:
'U paese jè agricole; 'a produzione se base soprattutte sus a l'uegghie de alìe e sus a 'u vine.
'A produzione de alìe avène da le tiembe cchiù andiche cumme testimoniane documinde storece e le tanda arvule de ulive plurisecolare sus a 'u territorie. Le cultivar d'ulive cchiù presende sò 'a Celline de Nardò e l'Ogliarole, pure ce jndr'à le urteme anne cultivar nove alloggene se onne diffuse.
Se produce pure 'a vite, coltivate a tendone o spalliere, de le varietà Negramare, Malvasie Gnore, Malvasie Vianghe e Primitive.[35]
Le Sinnace d'u comune, presendate sus a 'na tabbelle relative a le amministraziune ca onne state.
Periode | Prime cetadine | Partite | Careche | Note | |
---|---|---|---|---|---|
1946 | 1951 | Luigge Parlati[36] | Liste civiche | Sinnache | |
1951 | 1952 | Armande Monasterio | - | Sinnache | |
1952 | 1956 | Crugefisse Muri | ? | Sinnache | |
1956 | 1965 | Frangische Montanaro | - | Sinnache | |
1965 | 1966 | Vinicie Errico | - | Sinnache | |
1966 | 1968 | Andonije D'Apolito | - | Sinnache | |
1968 | 1969 | Luciane Caforio | - | Sinnache | |
1970 | 1975 | Euggenie Sarli | - | Sinnache | |
1975 | 1978 | Vite Santoro | - | Sinnache | |
1978 | 1979 | Salvatore Caforio | - | Sinnache | |
1979 | 1980 | Frangische Argentieri | - | Sinnache | |
1980 | 1981 | Crugefisse Gaglione | - | Sinnache | |
1981 | 1984 | Tommase Mola | ? | Sinnache | |
1984 | 1985 | Andonije Papadia | ? | Sinnache | |
1985 | 1988 | Vittorie Madama | ? | Sinnache | |
29 luglie 1988 | 27 másce 1989 | Euggenie Sarli | Partito Socialista Democratico Italiano | Sinnache | [37] |
25 ottòmmre 1989 | 23 febbráre 1990 | Salvatore Caforio | - | Sinnache | [37] |
23 febbráre 1990 | 29 scennáre 1992 | Salvatore De Punzio | Partito Socialista Italiano | Sinnache | [37] |
29 scennáre 1992 | 9 decèmmre 1992 | Giuanne Papadia | Democrazia Cristiana | Sinnache | [37] |
4 febbráre 1993 | 27 sciúgne 1994 | Vittorie Madama | Democrazia Cristiana | Sinnache | [37] |
11 luglie 1994 | 8 sciúgne 1998 | Salvatore D'ippolito | Alleanza Nazionale, Centro Cristiano Democratico | Sinnache | [37] |
8 sciúgne 1998 | 10 sciúgne 2002 | Salvatore D'ippolito | Alleanza Nazionale, lista civica di destra, Lega d'Azione Meridionale | Sinnache | [37] |
10 sciúgne 2002 | 11 decèmmre 2006 | Tamiane Edmondo Caniglia | L'Ulivo | Sinnache | [37] |
11 decèmmre 2006 | 12 sciúgne 2007 | Massime Mariani | Comm. pref. | [37] | |
12 sciúgne 2007 | 21 ottòmmre 2009 | Graziane Zizzi | La Margherita, DCA, FdV | Sinnache | [37] |
13 abbríle 2010 | 17 sciúgne 2015 | Andonije De Giorgi | IdV, SEL, Liste Civiche | Sinnache | [37] |
17 sciúgne 2015 | in carica | Cosime Maiorano | liste civiche: Noi ci siamo Latiano, Bene in Comune, Ecopacifisti a Sinistra, Insieme con Maiorano | Sinnache | [37] |
Le prengepàle suggettate sportive sò:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.