پاکستان دی بولی From Wikipedia, the free encyclopedia
ہندکو ہند یورپی بولیاں دے ٹبر دی اک بولی اے[۱]۔ جییڈی پاکستان دے صوبہ سرحد چ بولی جاندی اے۔اے بولی پنجابی دے بوت نیڑے اے۔ اے پنجابی دے اینی نیڑے اے کہ پنجابی تے ہندکو نوں فرق کرنا بوؤن اوکھا اے۔
| ہندکو | |
| Hindko / हिन्दको | |
 | |
| بولن والے دیس: | پاکستان |
| بولی ٹبر: | ہند یورپی بولیاں |
| لپی: | شاہ مکھی |
ہندکو شبد کنج بنیا ایدے بارے چ بوت ساریاں سوچاں نے مڈلے ایشیاء تے ایران توں ہندستان آن آلیاں نوں ہندوکش پہاڑ پار کرن توں بعد جیڑی بولی نال سب توں پہلا واہ پیندا سی اوہ ایہی بولی سی کیونجہ ہندوکش نوں پار کرن توں بعد ھندستان دے رستے چ کوئی وڈی رکاوٹ نئیں سی ایس لئی اس بولی نوں ھندستان دی بولی یا ھندکو کیا گیا۔
یونانیاں نے ھندستان لئی (انڈیکوس) دا شبد ورتیا اے تے ایتھوں دی بولی وی فیر ھندکو اخوائی ۔ کج لوکاں دا اے وی کینا اے جے اے ناں ایرانیاں نے دتا اے اے دریاۓ سندھ دے پعاڑاں دے وشکار یا اگے پچھے اے بولی بولی جاندی سی تے فارسی چ پہاڑ لئی کوہ ورتیا جادا اے تے اس توں اے شبد بنیا ھندکو۔
ہندکو اک ہند یورپی بولی اے۔ ہندکو پنجابی ونگوں پراکرت چوں بنی اے ۔ اج کل پرانے ویلیاں وانگوں ہندکو اوناں تھاواں تے بولی جا رہی اے جیہڑے کہ گندھارا رہتل دا علاقا سن۔ ایس لئی پرانی ہندکو گندھارا رہتل دی وی عام بول چال دی بولی سی۔
ہندکو پاکستان دے صوبہ سرحد وچ ہری پور صوابی پشاور کوہاٹ ڈیرہ اسماعیل خان دے لوکاں دی اکثریت دی بولی اے۔ پنجابی بولن آلیاں نوں ہندکو سمجھن چ کوئی اکھیائی نئیں ہوندی نا ای ہندکو بولن آلیاں نوں پنجابی سمجھن چ کوئی مسئلا ہوندا اے۔
چھاچھی: مٹی نا پیالہ؛ ہندکو: مٹی دا پیالہ
چھاچھی: میں آیا ہیاں، اسی آۓ ہیاں، اوہ آۓ ہۓ۔ ہندکو: میں آیا سی، اسی اسی آۓ ساں، او آۓ سن۔
چھاچھی: ڈیگری نا ویلہ نين ہویا۔ ہندکو: ڈیگر دا وخت نی ہویا۔
| چھاچھی | ہندکو |
|---|---|
| توں | تنے |
| اسآں | سانے |
| تساں | سوانے |
| مايیں | منے |
گندھارہ ہندکو بورڈ پشاور چ اک سنگت دا نان اے جیڑی 1993 توں ہندکو بولی تے رہتل لئی کم کر رئی اے۔ پروفیسر ڈاکٹر ظہور احمد اعوان ایدے سردار نیں۔ اے سنگت 'ہندکوان' تے 'دی گندھارہ وائس' دے ناں تے دو رشالے وی چھاپ رئی اے۔ گندھارہ ہندکو بورڈ نے اک ہندکو ڈکشنری سلطان سکون دی اکھ تھلے چھاپی اے۔
ادارہ فروغ ہندکو پشاور چ اک سنگت اے جیڑی ہنکو بولی دے وادے لئی کم کر رئی اے۔ اینے قرآن نوں ہندکو چ پلٹیا اے۔ ہر معینے فروغ دے ناں تے اک رسالہ وی کڈیا جاندا اے۔
Seamless Wikipedia browsing. On steroids.
