politiko kurasoleño From Wikipedia, the free encyclopedia
Gilmar Simon ("Pik") Pisas (☆ 28 di òktober 1971 na Soto, Kòrsou) ta un polítiko kurasoleño i promé minister di pais Kòrsou desde 14 di yüni 2021.[1] Entre 2017 i 2021 e tabata miembro di parlamento di Kòrsou i a fungi komo promé minister di 24 di mart 2017 pa 29 di mei 2017 den e gabinete interino Pisas I. E ta lider di partido Movementu Futuro Kòrsou (MFK) i susesor di Gerrit Schotte desde 2020.
| Pais di nashonalidat | Reino Hulandes  |
|---|---|
| Fecha di nasementu | 28 òktober 1971 |
| Okupashon | civil servant, politiko |
| Funshon | promé ministro di Kòrsou |
| Partido polítiko | Movementu Futuro Kòrsou |
Pisas a nase i lanta den área rural di Bandabou, den e pueblo di Soto.[2][3] El a kuminsá su karera ku kuerpo polisial i a kompletá su entrenamentu na e akademia di polis na 1993 komo e mihó graduado.[4] Pisas a dal su promé pasonan den polítika ku PNP; despues el a djòin e Partido MAN. Na 2010 el a kambia pa e partido nobo MFK, kaminda el a logra traha su kaminda pa bira e di dos hòmber di e partido despues di Gerrit Schotte.[3]
Pisas a keda eligí komo miembro di parlamento di Kòrsou den e elekshonnan di 5 di òktober 2016. Dia 17 di febrüari 2017, el a keda eligí tambe komo presidente di parlamento.
Dia 24 di mart 2017, Pisas a huramentá komo promé minister y tambe a okupá e funshon di minister di Hustisia. El a enkabesá e gabinete Pisas I[5], un gabinete interino ku tabatin e tarea di prepará e elekshonnan parlamentario di 28 di aprel 2017. Despues di e elekshonnan aki, e gabinete lo ta ofisialmente demisionario. E gabinete Rhuggenaath a huramentá dia 29 di mei 2017. Na 2018, investigashon di minister Armin Konket di Atministrashon, Planifikashon i Servisio a mustra ku numeroso nombramentu, promoshon i bonus iregular a tuma lugá durante e gobernashon kòrtiku di Pisas. Esakinan a wòrdu parsialmente deshasí, pero sin konsekuensianan adverso pa esnan enbolbí.[6]
Pisas a regresá komo miembro di parlamento despues di elekshon. Na kuminsamentu di febrüari 2019, el a bira lider di frakshon di MFK i e susesor di Gerrit Schotte, kende a pèrdè su miembresia di parlamento pa motibu di tin ku sinta un kastigu di tres aña di prizòn pa, entre otro kosnan, korupshon ofisial. Meimei di 2020 el a wòrdu eligí lider di partido MFK, komo susesor di Gerrit Schotte.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
