Bernard Denzil (Ben) Whiteman (☆ 20 di ougùstùs 1954) ta un médiko i polítiko di Kòrsou. E tabata e di sinku promé minister di Kòrsou di 2015 pa 2016. El a okupá e puesto di minister di Salú, Medio Ambiente i Naturalesa den gabinetenan Hodge, Asjes i Whiteman I.
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Quick Facts Pais di nashonalidat, Nòmber di dilanti ...
Close
Whiteman a optené na 1977 su diploma VWO i seguidamente a bai studia medisina na Universidad del Norte na Barranquilla (Colombia). E ta gradua na 1981. Desde 1983 el a okupa varios funshon den sektor di salubridat na Kòrsou, entre otro komo dòkter di kas den bario di Wishi Marchena.
Drentando arena polítiko Whiteman a uni na partido Pueblo Soberano. Entre 31 di desèmber 2012 i 30 di novèmber 2015 e tabata minister di Salú, Medio Ambiente i Naturalesa di Kòrsou. Durante gabinete Asjes el a fungi tambe brevemente komo minister di Desaroyo Sosial, Labor i Bienestar. Na 2015 el a aksepta e puesto di promé minister ku intenshon di okupa esaki pa tres luna; tanten su partido ta buska un susesor.[1] Dia 29 di òktober 2015 ta keda anunsiá ku Whiteman lo keda te elekshonnan parlamentario di 2016.[2] Despues ku parlamentario Marilyn Moses a hala su sosten aden gabinete Whiteman ta entrega su retiro dia 9 di novèmber 2015.[3] Un siman despues Whiteman ta anunsiá ku el a forma un koalishon nobo, ku e entrada den koalishon di PAR ku tabatin dos asiento den parlamento.[4] A gabinete nobo, e di dos gabinete Whiteman, a huramentá dia 30 di novèmber 2015.[5] Dia 23 di desember 2016 Whiteman a retira komo promé minister. Durante gabinete Whiteman I el a fungi simultaneamente komo minister di Salú, Medio Ambiente i Naturalesa. Na 2018 el a wòrdu nombrá lider di partido.[6]
Fuente, nota i/òf referensia
- Lista di fuente
- Wie is…, Knipselkrant Curaçao, 17 januari 2013
|
