![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/Transhumanism_h%252B.svg/langoc-640px-Transhumanism_h%252B.svg.png&w=640&q=50)
Transumanisme
From Wikipedia, the free encyclopedia
Lo transumanisme es un movement cultural e intellectual internacional que recomanda l'usatge de las sciéncias e de las tecnicas, atal que las cresenças esperitalas per tòca de melhorar las caracteristicas fisicas e mentalas dels umans. Lo transumanisme considèra uns aspèctes de la condicion umana coma l'andicap, la sofrença, la malautiá, lo vielhum o la mòrt subida coma inutils e indesirables. Dins aquela tòca, los pensaires transumanistas comptan sus las biotecnologias e sus d'autras tecnicas emergentas. Los dangièrs coma los avantatges que presentan de talas evolucions preoccupan atal lo movement transumanista[1].
![Thumb image](http://upload.wikimedia.org/wikipedia/commons/thumb/3/3a/Transhumanism_h%2B.svg/640px-Transhumanism_h%2B.svg.png)
Lo tèrme « transumanisme » es simbolizat per « H+ » (ancianament « >H »[2]) e es sovent emplegat coma sinonime de « melhorament uman ». Alara que lo primièr usatge conegut del mot « transumanisme » se faguèt 1957, son sens actual a son origina dins los ans 1980, quand de futurològs estatsunians comencèron a estructurar çò que veguèt lo movement transumanista. Los pensaires transumanistas predison que los umans poirián èsser capables de se transformar en èsser dotats de capacitats que los farián nomenar « Postumans »[1].
Atal, lo transumanisme es a vegada considerat coma un Postumanisme o encara coma una forma d'activisme caracterizat per una granda volontat de cambiament e influenciat pels ideals postumanistas[3].
La perspectiva transumanista d'una umanitat transformada provoquèt fòrça reaccions, positivas e negativas, venent d'orizonts de pensada plan diverses. Francis Fukuyama declarèt, al subjècte del transumanisme, que s'agís de l'idèa mai dangierosa del mond[4], a çò un dels seus promotors, Ronald Bailey, respond qu'es, al contrari, lo « movement qu'incarna las aspiracions mai audaciosas, coratjosas, imaginativas e idealistas de l'umanitat »[5].