Andicap
From Wikipedia, the free encyclopedia
Lo tèrme andicap designa la limitacion de las possibilitats d'interaccion d'un individú amb son mitan, causada per una deficiéncia provocant una incapacitat, permanenta o non, menant a un estrès e a de dificultats moralas, intellectualas, socialas e/o fisicas.
Lo tèrme d' andicap se referís tanben a las dificultats de la persona andicapada fàcia a son mitan en tèrmes d'accessibilitat, d'expression, de compreneson o de percepcion. S'agís tant d'una nocion sociala que d'una nocion medicala. Aquelas limitacions d'activitat e de participacion demorant variablas segon los contèxtes nacionals o societals.
L'andicap tòca 80 milions de personas en Euròpa[1] e 650 milions dins lo mond entièr[2], veire un miliard de personas segon lo Rapòrt mondial sus l'andicap de l'OMS e de la Banca Mondiala[3]. La prevaléncia de l'andicap es estimat a 15 % de la populacion mondiala[3], e dins 80% dels cas seriá d'andicaps invisibles[4].