La Bòria de l'animalum
From Wikipedia, the free encyclopedia
La Bòria de l'animalum o La Bòria delh bestial, (anglés: Animal Farm) es una novèla allegorica de George Orwell, publica pel primièr còp en Anglatèrra lo 17 d'agost de 1945. Lo libre conta l'istòria d'un grop dels animals de la bòria que se rebella contra los borièrs umans, esperant crear una societat ont los animals poirián viure egals, liure e astrucs. Lèu, pasmens, la rebellion se traís e la bòria torna dins un estat tan mal qu'abans, sota la dictatura d'un pòrc nomenat Napoleon.
La Bòria de l'animalum | |
Animal%20Farm%20-%201st%20edition.jpg | |
Autor | Antoine de Saint-Exupéry |
---|---|
Genre | narracion |
Version originala | |
Títol | Animal Farm. A Fairy Story |
Lenga | anglés |
Editor | Secker and Warburg |
Parucion | Londres (1945) |
ISBN | 978-2-912293-01-5 |
Version occitana | |
Traductor | Joan de Cantalausa |
Editor | Cultura d'òc |
Parucion | 1999 |
ISBN | 978-2-912293-01-5 |
La Bòria delh bestial | |
Animal%20Farm%20-%201st%20edition.jpg | |
Autor | Antoine de Saint-Exupéry |
---|---|
Genre | narracion |
Version originala | |
Títol | Animal Farm. A Fairy Story |
Lenga | anglés |
Editor | Secker and Warburg |
Parucion | Londres (1945) |
ISBN | 978-2-914662-20-8 |
Version occitana | |
Traductor | Joan Ros |
Editor | Ostal del libre |
Parucion | 2013 |
ISBN | 978-2-914662-20-8 |
Segon Orwell, la faula rebat los eveniments se debanant dins la Russia Revolucionària de 1917 puèi dins l'èra estaliniana de Union sovietica. Orwell, un social democrata, èra un critica d'Iòssif Stàlin, una actitud fabregada per sas experiéncias pendent la Guèrra Civila Espanhòla. L'URSS, çò créi, venguèt una dictatura brutala, bastida sul culte de la personalitat se piejant sul regne de la terror. Dins una letra a Yvonne Davet, Orwell qualifica La Bòira dels animals coma un conte satiric contra Stàlin ("un conte satirique contre Staline"), e dins son assag "Why I Write" (1946), escriu que La Bòira dels animals foguèt lo primièr ont assagèt, plan conscient de çò que fasiá, de "fusionar l'objectiu politic e l'objectiu artistic en un tot".
Lo títol original èra Animal Farm: A Fairy Story, los editors dels EUA en 1946 abandonèron lo sostítol. Orwell suggeriguèt lo títol Union des républiques socialistes animales per la traduccion en francés, abreuja en URSA, (lo Latin per "ors"), lo simbòl de la Russia en miralh de URSS.
Orwell escriguèt lo libre entre Novembre de 1943 e febrièr de 1944, alara que lo RU èra aliat amb l'URSS contra l'Alemanha nazi e que lo pòble britanic coma l'intelligentsia portava Stàlin en granda estima, causa qu'Orwell odiava. Lo manuscript foguèt d'en primièr rebutat per fòrça editors Britics e Americans, tot coma lo quita editor d'Orwell, Victor Gollancz, qu'ajornava la sortida. Lo libre venguèt un succès comencial sonque amb lo cambiament de las recions internacionalas e que l'aliança de guèrra virèt en Guèrra Freja.