L’ISBN (International Standard Book Number: numèro internacional normalizat de libre) es una nòrma de numerotacion dels libres creada en 1970 e definida per l’organizacion internacionala d’estandardizacion (ISO) dins l’encastre de la nòrma ISO 2108. Es una seguida de chifras (10 al començament, 13 dempuèi 2007), amb una chifra de contaròtle a la fin. Es obligatòria pels libres publicats dins en Occitània.
En 2007 l’ISBN s’alinha sul còde dels produches comercializats en Euròpa dich EAN-13. S’apond al començament lo còde 978 (puèi 979) dich del “país dels libres” (bookland) que sus las etiquetas dels produches comercials correspond a l’estat d’origina (300-379 estat francés, 800-839 estat italian, 840-849 estat espanhòl...)
Lo còde se descompausa entre un còde de “region linguistica” (estat francés: 978-2 o 979-10; estat italian 88 o 12, estat espanhòl 84), un còde d’editor (las chifras mai a esquèrra) e un còde unenc per cada publicacion (las autras, levat la darrièra). Segond lo nombre de publicacions previst, lo còde editor a de 2 a 6 chifras, lo còde de publicacion de 6 a 2 chifras. La darrièra chifra qu’èra calculada segon un metòde especific per l’ISBN-10 seguís las règlas de l’EAN per l’ISBN-13. Lo còde es unic pel supòrt (per exemple, una edicion estampada a pas lo meteis qu’una edicion electronica) e per l’edicion (la segonda edicion reçaup un autre còde). Quand l’editor acaba una sequéncia, li es donat un còde novèl per una sequéncia nòva. Exemples:
- Lexic elementari occitan-francés français-occitan de l'IEO: ISBN-10 2-85910-224-8, ISBN-13 978-2-85910-224-1. Lo còde regional es 2, lo còde editor es 85910, la chifra de contraròtle es 8 per l’ISBN-10 e 1 per l’ISBN-13.
- Ferran Delèris, Los crocants de Roergue ISBN-13 978-2-85910-255-5
- Joan Francés Blanc, Las comunas d'Occitània, Edicions Talvera, ISBN-13 979-10-90696-38-9
- Aitor Carrera, Gramatica aranesa, Pagès Editors, ISBN-13 978-84-9779-484-8
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
