Tori Stødle

Tori Stødle (1. juli 1942–12. august 2022) var ein norsk pianist og professor ved Musikkonservatoriet ved Universitetet i Tromsø.^[1]

Tori Stødle
Fødd	1. juli 1942
Fødestad	Oslo
Død	12. august 2022 (80 år)
Opphav	Noreg
Instrument	piano
Verka som	professor, pianist
Prisar	Nordlysprisen

Stødle var utdanna klaverpedagog. Ho hadde vore elev av Mary Barratt Due og Robert Riefling og hadde studert ved Juilliard School i New York i USA og ved Staatliche Hochschule für Musik i Stuttgart.^[1] I 1987 vart ho førsteamanuensis ved Nordnorsk Musikkonservatorium, der ho seinare vart professor.^[1] Stødle debuterte som konsertpianist i 1970. Ho har halde konsertar i inn- og utland, og dessutan spelt inn fleire plater.^[1]

Kong Harald V av Noreg utnemnde i 2011 Stødle til riddar av 1. klasse av St. Olavs Orden for innsatsen hennar for norsk kulturliv.^[2]

Utgjevingar

• Pianomusts. 2006. Arena AR 06006. Verk av norske samtidskomponister.
• Franz Schubert, Brahms. 2005. Arena Ar 05004
• Landscapes in music: Piano works, Tromsø: SoNor Music, 2000. SNMCD2000. Verk av David Monrad Johansen.
• Piano works: Berg, Bibalo, Germeten, Brahms. Victoria, 1996. ECD 19001
• Music from the top of the world, 1991. Victoria VCD 19058. Verk av Ketil Vea, Folke Strømholm, Gunnar Germeten jr., David Monrad Johansen, Arne Nordheim, Edvard Grieg

Kjelder

1. «Stødle får St. Olavs orden»^{[daud lenkje]}, Universitetet i Tromsø, besøkt 19. august 2014.
2. «Utnevnelse til St. Olavs Orden», kongehuset.no, besøkt 28. januar 2010.

• Denne artikkelen bygger på «Tori Stødle» frå Wikipedia på bokmål, den 16. juli 2022.

Bakgrunnsstoff

• Publikasjonar av Tori Stødle i forskingsdokumentasjonssystemet Cristin

• Diskografi Arkivert 2022-07-16 ved Wayback Machine., rockipedia.no