Stormwatch er det tolvte studioalbumet til den britiske rockegruppa Jethro Tull, utgjeve i september 1979. Det vert rekna som det siste i ein trilogi av folkrockalbum av Jethro Tull, sjølv om det er spor av folkemusikk på nær sagt alle Tull-album. Tekstane på albumet handlar mykje om problem tilknytt miljø, olje og pengar.
| Stormwatch Studioalbum av Jethro Tull | ||
| Språk | engelsk | |
| Utgjeve | 14. september 1979 (Storbritannia) / (USA) | |
| Innspelt | Våren og sommaren 1979 | |
| Studio | Maison Rouge Mobile og Maison Rouge Studio i Fulham i London | |
| Sjanger | Folkrock, progressiv rock, hardrock | |
| Lengd | 45:42 | |
| Selskap | Chrysalis | |
| Produsent | Ian Anderson Robin Black | |
| Jethro Tull-kronologi | ||
|---|---|---|
| Bursting Out (1978) |
Stormwatch | A (1980)
|
| Singlar frå Stormwatch |
||
|
||
Dette er det siste Tull-albumet med den klassiske besetninga frå 1970-åra sidan trommeslagaren Barriemore Barlow og klaverspelarane John Evan og Dee Palmer slutta i bandet etter Stormwatch-turneen var over året etter, medan bassisten John Glascock døydde under innspelinga.
I 2004 vart det gjeve ut ein ommastra versjon av Stormwatch med fire bonusspor.
Bassisten John Glascock leid av hjarteproblem på denne tida og døydde til slutt av problema. Han er derfor berre med på tre av songane («Flying Dutchman», «Orion» og «Elegy»). Ian Anderson spelte bass andre stader på albumet, medan Dave Pegg spelte bass på den påfølgjande turneen.
Det instrumentale stykket «Elegy» vart skriven av David Palmer.
Dun Ringill er ein historisk stad på Isle of Skye der det ligg eit jernalderfort, som opphavleg var sete for MacKinnon-klanen. Anderson eigde og budde ein gong i nærleiken i Kilmarie House, før han selde eigedomen i 1994. I songen «Warm Sporran» er ein sporran ei slags taske som vanlegvis høyrer til ein kilt. Andre songar handlar om stjernebiletet Orion og segna om Den flygande hollendaren.
Det har stundom vore rykte om at «Elegy» var ei hyllest til Glascock, som døydde kort tid etter albumet kom ut. Songen er i røynda ein klagesong til faren til Dee Palmer og ein av få spor som Glascock sjølv spelar på.
Alle songar er skrivne av Ian Anderson, utanom der andre er nemnde.
| Nr. | Tittel | Lengd |
|---|---|---|
| 1. | «North Sea Oil» | 3:12 |
| 2. | «Orion» | 3:58 |
| 3. | «Home» | 2:46 |
| 4. | «Dark Ages» | 9:13 |
| 5. | «Warm Sporran» (instrumental) | 3:33 |
| Nr. | Tittel | Låtskrivar(ar) | Lengd |
|---|---|---|---|
| 6. | «Something's on the Move» | 4:27 | |
| 7. | «Old Ghosts» | 4:23 | |
| 8. | «Dun Ringill» | 2:41 | |
| 9. | «Flying Dutchman» | 7:46 | |
| 10. | «Elegy» (instrumental) | David Palmer | 3:38 |
| Nr. | Tittel | Lengd |
|---|---|---|
| 11. | «A Stitch in Time» | 3:40 |
| 12. | «Crossword» | 3:38 |
| 13. | «Kelpie» | 3:37 |
| 14. | «King Henry's Madrigal» (instrumental, Kong Henrik VIII) | 3:01 |
- Jethro Tull
- Ian Anderson – vokal, fløyte, akustisk gitar, bassgitar (på spor 1, 3, 4, 5, 6, 7, 8 & 11)
- Martin Barre – elektrisk gitar, klassisk gitar, mandolin
- John Glascock – bassgitar (på spor 2, 9, 10, 12 & 13)
- John Evan – piano, orgel
- Dee Palmer – synthesizer, berbart orgel og orkesterarrangement
- Barriemore Barlow – trommer, perkusjon
- Andre medverkande
- Francis Wilson – snakking (på spor 1 og 8)
- Dave Pegg – bassgitar (på spor 14)
- Robin Black - lydteknikar
- David Jackson - plateomslag
- Peter Wragg - kunstnarisk leiar
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
