Saverne

Saverne (tysk Zabern) er ein by og kommune nordaust i Frankrike. Han er sous-préfecture (underprefektur) i departementet Bas-Rhin i regionen Alsace, og har om lag 11 000 innbyggjarar. Byen ligg ved foten av Vogesane og 45 km nordvest for Strasbourg.

Meir informasjon Styresmakter, Land Region Departement ...

Saverne

Chateau des Rohans i Saverne

Styresmakter

Land
Region
Departement

Frankrike
Alsace
Bas-Rhin

Geografi

Flatevidd

26,01 km²

Flatevidd
- By

26,01 km²

Innbyggjarar
- By (1999)
- folketettleik

11 201
431/km²

Koordinatar

48°44′N 07°22′E

Høgd over havet

200 m

Tidssone
- Ved sommartid

CET (UTC+1)
UTC+2 (UTC)

Diverse anna

Postnummer

67700

Heimeside: www.mairie-saverne.fr

Lukk

I 2006 hadde sjølve Saverne eit folketal på 11 907,^[1] og helie byområdet med omland hadde 17 482 innbyggjarar.^[2]

Saverne vart før i tida kalla Tres Tabernae Cesaris (Cæsar sine tre vertshus), fordi det låg tre vertshus her der reisande ofte byta oksar på grunn av den bratte stiginga opp til Lorraineplatået, og var ein viktig stad i romartida. Etter at staden vart øydelagd av germanske alemannarar vart han bygd opp att på ny av keisar Julian.^[3]

Under den tyske bondekrigen vart byen okkupert av opprørarane i 1525, men dei vart drivne ut av Antoine, hertug av Lorraine. Byen vart hardt råka under trettiårskrigen, men bispepalasset som då vart øydelagt, vart bygt opp att like etter. I 1852 vart bygningen omgjort av Louis Napoleon til bustad for enkene til riddarar i Légion d'honneur.

Saverne vart erobra av Tyskland i 1871, og annektert av Frankrike igjen etter den første verdskrigen.

I 1913 fornærma ein tysk offiser ei gruppe alsassiske rekruttar med å kalle dei «Wackes», som er eit svært nedsettande uttrykk for alsassarar. Innbyggjarane i byen demonstrerte, noko som førte til ein overdriven militær motaksjon med ulovlege arrestasjonar. Dette er opphav til uttrykket zabernisme (frå det tyske namnet på byen), som tyder misbruk av militær makt eller ulovleg åtak.