Per Egil Hegge

Per Egil Hegge (6. mars 1940–12. oktober 2023) var ein norsk journalist og pressemann. Han var redaktør i Aftenposten og A-magasinet, korrespondent i Washington, DC, (1977–1981 og 1988–1992), i London og i Moskva (1969–1971). Han var kjend for ei fast språkspalte i Aftenposten og som ein profilert kritikar av Språkrådet, der han sjølv hadde vore medlem. Han var aktiv i riksmålsrørsla og var medlem av Det Norske Akademi for Språk og Litteratur.

Per Egil Hegge
Statsborgarskap	Noreg
Fødd	6. mars 1940 Trondheim
Død	12. oktober 2023 (83 år)
Yrke	journalist, redaktør, spaltist, biograf, redaktør
Medlem av	Det Norske Akademi for Språk og Litteratur
Mor	Mary Hegge
Per Egil Hegge på Commons

Livssoge

Hegge vart fødd i Trondheim. Foreldra hans var lærarane Ola og Mary Hegge, som fyrst arbeidde i Skatval i Stjørdal kommune i Nord-Trøndelag. I 1941 flytta dei til Inderøy, der Per Egil voks opp, «å lert sæ å snakk intrønder».^{[treng kjelde]}

Hegge tok examen artium ved Steinkjer offentlige landsgymnas i 1959. Han vart cand.mag. ved Universitetet i Oslo med faga russisk og engelsk mellomfag og statsvitskap grunnfag. I tillegg tok han Forsvaret sitt språkkurs i russisk. Til trass for at han hadde store kunnskapar i og interesse for det norske språket, studerte han det aldri på universitetsnivå.

I 1959 tok han til som journalist i Trønder-Avisa. Seinare vart han journalistlærling i NTB. Frå 1962 og i 43 år framover var han tilsett i Aftenposten.

I 1963 gifta han seg med Birgit Wedege frå Danmark og lærte seg etter kvart å tala dansk. Dei fekk tre born saman.

Tida i Aftenposten

Hegge vart tilsett i Aftenposten i 1962, der han arbeidde som journalist, utanrikskorrespondent, kommentator og redaktør. Han skreiv mange reportasjar frå rettssaker og er kjend for den faste språkspalta si i morgonutgåva. Han var òg redaktør for fredagsmagasinet A-magasinet.

Hegge var utanrikskorrespondent for Aftenposten i Moskva, i London og i Washington D.C.. I 1971 vart han utvist frå Sovjetunionen. Den 25. april 2005 vart han pensjonist, men han skreiv språkspalter etter det.

Bibliografi

• Mellommann i Moskva, Cappelen, 1971
• Nyheter fra Moskva medforfattarar: Jahn Otto Johansen og Sture Stiernlöf, Cappelen, 1972.
• USA – høyre om?, Cappelen, 1981
• Mord: et politisk våpen, Hjemmene forlag, 1983.
• USAs utenrikspolitikk: makt og moral, Universitetsforlaget, 1984.
• Øst-Europa under Gorbatsjov: reportasjeserie i tekst og bilder, medforfattar: Terje Stemland, Aftenposten, 1987.
• Otto Sverdrup: aldri rådløs, medforfattar: Asbjørn F. Aastrøm, Stenersens forlag 1996.
• Og så må du ikke stille spørsmål, Cappelen, 2000.
• Fridtjof Nansen: bare én vilje, medforfattar: Turid Løvskar, Stenersens forl., 2002.
• Tro oss på vårt ord: sant og usant i krig og fred, Schibsted, 2004.
• Heng ham ikke vent til jeg kommer: en morsom bok om norsk språk og tegnsetting, Kagge forlag, 2004.
• Det var i 1905, medforfattar: Leif Arne Ulland, Andresen & Butenschøn, 2004.
• Norge komplett 150: fra betalingsmiddel til kunsthåndverk, medforfattar: Ivar Sundsbø, 2004.
• Ridende rytter til hest: finurligheter og annen språklig moro i aviser og presse – og litt ellers, 2005
• Quizleis: 1001 spørsmål og svar om språk, medforfattar: Sylfest Lomheim og Helene Uri, Det norske samlaget, 2005.
• Harald V: en biografi, Damm forlag, 2006.
• Toillprat og ainna: Trønderhumor i godt lag, Det norske samlaget, 2007.
• Nils Aas, medforfattarar: Magne Malmanger; Per Egil Hegge; Cathrine Hovdahl Vik; m.f., Labyrinth Press, 2007.
• To liv - én gjerning: kongeparet 70 år, medforfattar: Sven Gj. Gjeruldsen, Damm forlag, 2007.
• God vakt skal være: H.M Kongens Garde i felt og parade, Schibsted, 2008.
• Kunsten å skrive godt, Kagge forlag, 2009.

Prisar og utmerkingar

• Narvesenprisen (1968)
• Gullpennen (1993)
• Riddar av fyrste klasse av St. Olavs Orden (2003)

Kjelder

• Denne artikkelen bygger på «Per Egil Hegge» frå Wikipedia på bokmål, den 4. mai 2010.

Bakgrunnsstoff

Commons har multimedium som gjeld: Per Egil Hegge