P.D. James

Phyllis Dorothy «P.D.» James, baronesse James av Holland Park, (3. august 1920–27. november 2014) var ein britisk forfattar av ei rekkje kriminalromanar.^[1][2] Mest kjent er kanskje bøkene hennar om etterforskaren Adam Dalgliesh, som også danna utgangspunktet for fleire TV-seriar. Ho debuterte i 1962 med kriminalromanen Cover Her Face,^[1] som var den fyrste romanen om Dalgliesh.

P.D. James
Pseudonym	P. D. James
Statsborgarskap	Storbritannia
Fødd	3. august 1920 Oxford
Død	27. november 2014 (94 år) Oxford
Yrke	skribent, politikar, romanforfattar, science fiction-forfattar
Språk	engelsk
Periode	1962-2011
Politisk parti	Det konservative partiet i Storbritannia
Sjanger	Kriminalroman, detektivforteljing
Medlem av	Royal Society of Literature
Religion	Den anglikanske kirke
Far	Sydney Victor James
Mor	Dorothy Amelia Hone
Ektefelle	Connor Bantry White
Born	Clare Bantry White, Jane Bantry White
P.D. James på Commons

Liv og virke

Bakgrunn

James var fødd i Oxford. Ho måtte avslutta skulegangen ved 16 års alder for å ta seg arbeid, sidan familien var fattig og faren ikkje hadde tru på høgare utdanning for jenter.

Tidleg karriere

Ho arbeidde på eit skattekontor i tre år, og fekk seinare arbeid som assisterande inspisient for ei teatergruppe.

I 1941 gifta ho seg med Connor Bantry White, som var lege i hæren. James gjorde sjølv teneste som sjukepleiar under andre verdskrigen.^[3] Deretter arbeidde ho i mange år i innanriksdepartementet innan kriminal- og sjukepleia. Ho arbeidde i mange år ved avdelinga for kriminalteknikk, og deretter med kriminell juss.^[1]

Forfattarskap

James debuterte som forfattar i 1962, då ho var 42 år. Det var med kriminalromanen Cover Her Face, som også introduserte den best kjende detektiven hennar, Adam Dalgliesh ved Scotland Yard. Boka fekk gode kritikkar.^[1] Seinare, i An Unsuitable Job for a Woman i 1972, introduserte ho òg den kvinnelege privatdetektiven Cordelia Gray. I 1979 blei ho forfattar på heiltid. Den åttande boka hennar, Innocent Blood frå 1980, gav henne internasjonal merksemd.^[1]

I tillegg til krim skreiv James ein dystopisk roman, The Children of Men, som kom ut i 1992.^[1]

Overhuset

Ho var òg medlem av Overhuset i Det britiske parlamentet og blei tildelt fleire ordenar.^[4]

James var styremedlem i BBC (1988–93), Arts Council (1988–92) og British Council (1988–93). I 1983 mottok ho Order of the British Empire, og i 1991 blei ho utnemnd til life peer, adelstittel for resten av livet med møterett i Overhuset. Ho sat i Overhuset som konservativ. Ho sat òg ein periode i styret for BBC.^[4]

P.D. James gifta seg med doktor Ernest Connor Bantry White i 1941. Ho blei enkje i 1964 då ektemannen døydde etter lang tids sjukdom. Dei fekk to døtrer (fødd i 1942 og 1944).

Bibliografi

Om ikkje anna er oppgjeve, er bøkene kriminalromanar.

• Cover Her Face (1962)
• A Mind to Murder (1963)
• Unnatural Causes (1967)
• Shroud for a Nightingale (1971)
• The Maul and the Pear Tree: The Ratcliffe Highway Murders, 1811 1971
• An Unsuitable Job for a Woman (1972)
• The Black Tower (1975)
• Death of an Expert Witness (1977)
• Innocent Blood (1980), roman
• The Skull Beneath the Skin (1982)
• A Taste for Death (1985)
• Devices and Desires (1990)
• The Children of Men (1992), roman, dystopi
• Original Sin (1994)
• A Certain Justice (1997)
• Time To Be In Earnest (2000), sjølvbiografi
• Death in Holy Orders (2001)
• The Murder Room (2003)
• The Lighthouse (2005)
• The Private Patient (2008)
• Death Comes to Pemberley (2011)

Omsetjingar til norsk

Norsk tittel	Utgitt	Originaltittel	Utgitt
Martingale-mordet	1976	Cover Her face	1962
Anlegg for mord	1977	A Mind to Murder	1963
En upassende jobb for en kvinne	1977	An Unsuitable Job for a Woman	1972
Av samme blod	1981	Innocent Blood	1980
Mens englene sover	1984	Shroud for a Nightingale	1971
Døden i laboratoriet	1985	Death of an Expert Witness	1977
Dødsmerket	1986	The Skull Beneath the Skin	1982
Dragning mot død	1987	A Taste for Death	1985
Intriger og begjær	1990	Devices and Desires	1990
Menneskenes barn	1993	The Children of Men	1992
Mystiske omstendigheter	1994	Unnatural Causes	1967
Arvesynd	1994	Original Sin	1994
I rettferdighetens navn	1998	A Certain Justice	1997
Hellig død	2002	Death in Holy Orders	2001
Mordrommet	2004	The Murder Room	2003
Fyret	2006	The Lighthouse	2005
Det svarte tårnet	2007	The Black Tower	1975
Den siste pasienten	2009	The Private Patient	2008

TV-produksjonar

Mange av bøkene om Adam Dalgliesh er vorte til fleire mini-serier og TV-filmar. Den fyrste kom i 1983 med Roy Marsden i rolla som Adam Dalgliesh, og seinare kom to med Martin Shaw. Seriane med Roy Marsden er utvilsamt mest kjende, og han var òg lengst i rolla.

Helen Baxendale spelte hovudrolla i fleire sesongar av ein TV-serie basert på dei to bøkene om Cordelia Gray.

I 2006 kom ei filmatisering av Children of Men. Ho var regissert av Alfonso Cuarón, og hadde Clive Owen i hovudrolla.

Prisar og utmerkingar

• Best Novel Award, Mystery Writers of America 1971, for Shroud for a Nightingale
• The Silver Dagger 1971, for Shroud for a Nightingale
• Best Novel Award, Mystery Writers of America 1973, for An Unsuitable Job for a Woman
• The Silver Dagger 1975, for The Black Tower
• The Silver Dagger 1986, for A Taste for Death
• The Macavity Award for Best Novel 1987, for A Taste of Death
• Palle Rosenkrantz-prisen 1987, for Indviet til mord (A Taste of Death)
• The Cartier Diamond Dagger 1987, for sin samlede produksjon
• Grand prix de littérature policière 1988, for Un Certain goût pour la mort (A Taste for Death)
• Deo Gloria Award 1992, for The Children of Men
• Rivertonklubbens internasjonale ærespris 1993
• Svenska Deckarakademins Grand Master-diplom 1996
• Grandmaster Award, Mystery Writers of America 1999

Verv og ærestilvisingar

• Fellow of the Royal Society of Literature
• Fellow of the Royal Society of Arts
• President of the Society of Authors
• Order of the British Empire 1983
• Doctor of Letters, the University of Buckingham (1992)
• Doctor of Literature, the University of London (1993)
• Doctor of Letters, the University of Hertfordshire (1994)
• Doctor of Letters, the University of Glasgow (1995)
• Doctor of the University, the University of Essex (1996)
• Doctor of Letters, the University of Durham (1998)
• Doctor of Letters, the University of Portsmouth (1999)
• Associate Fellow of Downing College, Cambridge (1986)
• Honorary Fellow of St Hilda's College, Oxford (1996)
• Honorary Fellow of Downing College, Cambridge (2000)
• Honorary Fellow of Girton College, Cambridge (2000)

I 1987 var P.D. James formann for juryen ved utdelinga av Booker-prisen.

Referansar

1. «PD James, crime novelist, dies aged 94». BBC News (på engelsk). 27. november 2014.
2. «P.D. James er død». Arkivert frå originalen 30. november 2014. Henta 27. november 2014.
3. Emma Brockes: «The Guardian profile: PD James» Guardian.co.uk, besøkt 16. juni 2013.}
4. Forfatteren P.D. James er død nrk.no, 27. november 2014