Alvesmettar, vitskapleg namn Maluridae, er ein biologisk familie av små, insektetande sporvefuglar endemiske til Australia og Ny-Guinea. Jamvel om dei ber fellesnamnet 'smett', er dei ikkje relatert til gjerdesmettar på den nordlege halvkula. Familien inkluderer tre emusmettar og ti grassmettar.
| Alvesmettar | |
 Krattemusmett, Stipiturus malachurus Illustrasjon Henrik Grønvold, 1917, Public domain | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Alvesmettar Maluridae Swainson, 1831 |
Skildring
Alvesmettar er små til mellomstore fuglar, finst i mange ulike miljø, frå regnskog til ørken, men dei fleste artane lever i grasland eller krattskog. Grassmettar er godt kamuflerte med svart og brunt mønster, men andre artar har ofte briljant farga fjørdrakt, spesielt hannar.[1]
Dei er insektetande, og typisk beitar dei i kratt. Dei byggjer kuppelforma reir i område med tett vegetasjon, og det er ikkje uvanleg at ungfuglar held seg i reiret for å hjelpe til med kommande kull.[1]
Alvesmettar er kjent for fleire spesielle åtferdsmessige eigenskapar. Dei er sosialt monogame, men seksuelt promiskuøse, noko som tyder at sjølv om dei dannar par, vil kvar partnar pare seg med andre individ og til og med medverke til omsut for ungar i slike ekstrapar. Hannar av fleire artar plukkar kronblad med iaugefallande fargar og syner dei til hofuglar.
Songen av alvesmettar er samansett, og minst to artar har, i tillegg til varselkall, ein annan stemmebruk som nyttast i møte med predatorar som slaktarfuglar. Denne songliknande lydytringa nemnast «type II vokalisering».
Systematikk og artsliste
Tidlegare var alvesmettar klassifiserte på ymse vis. Over tid har alvesmettar vore medlemmar av flugesnapparfamilien, songarfamilien og timalfamilien. Med morfologisk arbeid og dei store framstega i DNA-analysar mot slutten av 1900-talet, vart posisjonen deira klår: Maluridae er ein av dei mange familiane som har vakse fram frå den store «corvid-strålinga» i Australasia. Dei næraste slektningane deira er honningetarar, Meliphagidae, og diamantfuglar, Pardalotidae.[2][3] Den openberre likskapen til gjerdesmettar i Europa og Amerika er ikkje genetisk, men berre konsekvensen av konvergent evolusjon mellom meir eller mindre urelaterte artar som deler den same økologiske nisjen.
Alvesmettar i rekkjefølgje etter EBird/Clements Checklist v2018[4] med norske namn etter Norske navn på verdens fugler:[5]
Slekt Amytornis
- Kvitbryngrassmett, Amytornis barbatus, Gray Grasswren, Favaloro & McEvey, 1968, (LC)
- Pilbaragrassmett, Amytornis whitei, Pilbara Grasswren
- Dunegrassmett, Amytornis oweni, Sandhill Grasswren
- Diamantinagrassmett, Amytornis rowleyi, Rusty Grasswren
- Stripegrassmett, Amytornis striatus, Striated Grasswren, Gould, 1840, (LC)
- Kvitstrupegrassmett, Amytornis woodwardi, White-throated Grasswren, Hartert, 1905, (VU)
- Carpentariagrassmett, Amytornis dorotheae, Carpentarian Grasswren, Mathews, 1914, (VU)
- Korthalegrassmett, Amytornis merrotsyi, Short-tailed Grasswren, Mellor, 1913, (NT)
- Slettegrassmett, Amytornis textilis, Western Grasswren, Quoy & Gaimard, 1824, (LC)
- Krattgrassmett, Amytornis modestus, Thick-billed Grasswren, North, 1902, (LC)
- Svartgrassmett, Amytornis housei, Black Grasswren, Milligan, 1902, (NT)
- Sandgrassmett, Amytornis goyderi, Eyrean Grasswren, Gould, 1875, (LC)
- Steingrassmett, Amytornis purnelli, Dusky Grasswren, Mathews, 1914, (LC)
- Kalkadoongrassmett, 'Amytornis ballarae, Kalkadoon Grasswren, Condon, 1969, (LC)
Slekt Stipiturus
- Krattemusmett, Stipiturus malachurus, Southern Emuwren, Shaw, 1798, (LC)
- Rustkroneemusmett, Stipiturus ruficeps, Rufous-crowned Emuwren, Campbell, 1899, (LC)
- Brunkroneemusmett, Stipiturus mallee, Mallee Emuwren, Campbell, 1908, (EN)
Slekt Sipodotus
- Langnebbalvesmett, Sipodotus wallacii, Wallace's Fairywren, Gray, 1862, (LC)
Slekt Clytomyias
- Rustalvesmett, Clytomyias insignis, Orange-crowned Fairywren, Sharpe, 1879, (LC)
Slekt Chenorhamphus
- Breinebbalvesmett, Chenorhamphus grayi, Broad-billed Fairywren, Wallace, 1862, (LC)
- Svartkronealvesmett, Chenorhamphus campbelli, Campbell's FairywrenSchodde, 1982
Slekt Malurus
- Koboltalvesmett, Malurus cyanocephalus, Emperor Fairywren, Quoy & Gaimard, 1832, (LC)
- Purpurkronealvesmett, Malurus coronatus, Purple-crowned Fairywren, Gould, 1858, (LC)
- Edelalvesmett, Malurus elegans, Red-winged Fairywren, Gould, 1837, (LC)
- Praktalvesmett, Malurus pulcherrimus, Blue-breasted Fairywren, Gould, 1844, (LC)
- Svartbrystalvesmett, Malurus assimilis, Purple-backed Fairywren, Vigors & Horsfield, 1827, (LC)
- Svartbrystalvesmett, Malurus lamberti, Variegated Fairywren, Vigors & Horsfield, 1827, (LC)
- Fageralvesmett, Malurus amabilis, Lovely Fairywren, Gould, 1852, (LC)
- Indigoalvesmett, Malurus splendens, Splendid Fairywren, Quoy & Gaimard, 1832, (LC)
- Blåalvesmett, Malurus cyaneus, Superb Fairywren, Ellis, 1782, (LC)
- Kvitvengalvesmett, Malurus leucopterus, White-winged Fairywren, Quoy & Gaimard, 1824, (LC)
- Raudryggalvesmett, Malurus melanocephalus, Red-backed Fairywren, Latham, 1801, (LC)
- Kvitskulderalvesmett, Malurus alboscapulatus, White-shouldered Fairywren, Meyer, 1874, (LC)
Kjelder
Bakgrunnsstoff
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
