Goodnight Tonight

«Goodnight Tonight» er ein song av bandet Wings med ein discoaktig til og ein gitarsolo i flamenco-stil. Singelen nådde femteplassen i både Storbritannia og USA i 1979.

Goodnight Tonight Singel av Wings
B-side	«Daytime Nighttime Suffering»
Utgjeve	23. mars 1979
Innspelt	Oktober 1978
Sjanger	Rock, disco
Lengd	4:15 (7") 7:14 (12")
Selskap	Parlophone, EMI, Columbia
Tekstforfattar	Paul McCartney
Låtskrivar(ar)	Paul McCartney
Produsent	Paul McCartney
Wings-kronologi
«London Town» (1978)	Goodnight Tonight	«Old Siam, Sir» (1979)

Innspeling

«Goodnight Tonight» byrja som eit instrumentalt spor McCartney hadde spelt inn i 1978. Han trengde ein singel for Wings til albumet Back to the Egg og tok ut dette sporet som Wings så gjorde ferdig.^[1] Laine og Juber la til elektrisk gitar, medan Holley la til perkusjon. Heile bandet song med på refrenget.^[2] Sidan songen var over sju minuttar lang, måtte ein korte han ned for singelen, medan den fulle versjonen kom ut på 12"-versjonen av singelen. Det vart laga ein musikkvideo dder Wings spelar songen i kostyme frå 1930-åra.

Utgjeving

Songen kom ikkje ut på albumet Back to the Egg, og kom seinare ut på samlealbuma All the Best! (1987), Wingspan: Hits and History (2001) og Pure McCartney (2016). 7"-versjonen vart gjeven ut som bonusspor på CD-utgåva av McCartney II i 1993 som ein del av The Paul McCartney Collection. B-sida til singelen var «Daytime Nighttime Suffering». Ein lengre versjon av songen kom ut digitalt på iTunes-utgåva av Back to the Egg.

Salslister

«Goodnight Tonight» vart ein internasjonal hit og nådde femteplassen på både Billboard Hot 100 i USA og UK Singles Chart.^[3][4] John Lennon, sa seinare at han ikkje likte songen, men syns bassen til McCartney på songen var bra.^[1] Singelen selde til gullplate i USA for over ein million selde eksemplar.^[5]

Innhald

7"-singel (R 6023)

1. «Goodnight Tonight» - 4:15
2. «Daytime Nighttime Suffering» - 3:19

12"-singel (12 YR 6023)

1. «Goodnight Tonight» (Long Version) - 7:15
2. «Daytime Nighttime Suffering» - 3:19

Medverkande

• Paul McCartney - solovokal, akustisk og elektrisk sologitar, bass, trommer
• Linda McCartney - harmoni- og korvokal, klaverinstrument
• Denny Laine - korvokal, sologitar
• Laurence Juber - korvokal, sologitar
• Steve Holley - korvokal, perkusjon

Salslister

Vekeslister Liste (1979) Plassering Australia KMR [6] 6 Belgia 24 Canada RPM Top Singles[7] 2 Canada RPM Adult Contemporary[8] 1 Tyskland 34 Ireland 9 Japan 77 Nederland 24 New Zealand 6 Noreg 9[9] UK Singles Chart[10] 5 US Billboard Hot 100[11] 5 US Billboard Adult Contemporary 30 US Cash Box Top 100[11] 4

Årslister Liste (1979) Plassering Australia 57 Canada[12] 6 UK[13] 73 US Billboard Hot 100[14] 52