Back to the Egg

Back to the Egg er det sjuande og siste studioalbumet til det britisk-amerikanske bandet Wings, gjeve ut i 1979 på Columbia Records i Amerika og Parlophone i Storbritannia. Paul McCartney var produsent på albumet i lag med Chris Thomas, der McCartney byrja å vri musikken mot moderne trendar som new wave og punk. Albumet vart spelt inn med dei nye Wings-medlemmane Laurence Juber og Steve Holley. Back to the Egg er bygd kring eit laust tema om eit arbeidande band og vart spelt inn i ein særs aktiv periode for bandet med turnering og arbeid med fleire fjernsyns- og filmprosjekt.

Back to the Egg Studioalbum av Wings
Språk	engelsk
Utgjeve	8. juni 1979
Innspelt	29. juni 1978–februar 1979
Studio	Spirit of Ranachan Studios i Campbeltown; Lympne Castle i Kent; Abbey Road Studios og Replica Studio i London
Sjanger	Rock
Lengd	42:01
Selskap	Columbia (USA) Parlophone (Storbritannia)
Produsent	Paul McCartney, Chris Thomas
Wings-kronologi
Wings Greatest (1978)	Back to the Egg	McCartney II (1980)

Meldingar
Karakter
Kjelde	Karakter
AllMusic	[1]
Billboard	«Spotlight»[2]
Robert Christgau	C[3]
Creem	(positiv)[4]
The Essential Rock Diskografi	5/10[5]
Melody Maker	(negativ)[6]
MusicHound	1/5[7]
Q	[8]
Rolling Stone	(særs negativ)[9]
The Rolling Stone Album Guide	[10]
Smash Hits	6/10[11]

Innspelinga av albumet byrja i juni 1978 og varte nesten eitt år. Innspelinga fann stad i Spirit of Ranachan Studios i Skottland, Lympne Castle i Kent og Abbey Road Studios og Replica Studio i London. Det sistnemnde vart bygd av McCartney som ein eksakt kopi av Abbey Road Studio 2, då dette ikkje var tilgjengeleg. Wings vendte attende til Abbey Road i mars 1979 for å fullføre albumet. Dei filma så inn fleire musikkvideoar i Lympne og andre stader, som vart til fjernsynsshowet Back to the Egg.

Back to the Egg fekk negativ kritikk då det kom ut. Sjølv om albumet nådde høgt på listene verda over og selde til platinaplate i USA, vert det rekna som kommersielt mislukka samanlikna med tidlegare Wings-album. Av singlane – «Old Siam, Sir», «Getting Closer» og «Arrow Through Me» – var det berre «Getting Closer» som nådde Topp 20 i Storbritannia eller Amerika. Songen «Rockestra Theme» vart spelt inn med ei rekkje gjestemusikarar frå The Who, Led Zeppelin og Pink Floyd og vann Grammyprisen for beste rockeinstrumental i 1980.

Wings turnerte i Storbritannia for å marknadsføre albumet, men den planlagde verdsturneen enda i januar 1980, då McCartney vart arrestert i Japan for innehaving av marijuana.^[12] Gruppa vart oppløyst tidleg året etter. Back to the Egg kom ut på ny i 1993, med bonusspor, og i 2007 for iTunes med singelen «Goodnight Tonight».

Innhald

Side ein («Sunny Side Up»)

Nr.	Tittel	Lengd
1.	«Reception»	1:08
2.	«Getting Closer»	3:22
3.	«We're Open Tonight»	1:28
4.	«Spin It On»	2:12
5.	«Again and Again and Against» (Denny Laine)	3:34
6.	«Old Siam, Sir»	4:11
7.	«Arrow Through Me»	3:37

Alle spor skrivne av Paul McCartney, utanom der andre nemnde

Side to («Over Easy»)

Nr.	Tittel	Lengd
8.	«Rockestra Theme»	2:35
9.	«To You»	3:12
10.	«After the Ball / Million Miles»	4:00
11.	«Winter Rose / Love Awake»	4:58
12.	«The Broadcast»	1:30
13.	«So Glad to See You Here»	3:20
14.	«Baby's Request»	2:49

Bonusspor på The Paul McCartney Collection frå 1993

Nr.	Tittel	Lengd
15.	«Daytime Nighttime Suffering»	3:23
16.	«Wonderful Christmastime»	3:49
17.	«Rudolph the Red-Nosed Reggae» (Johnny Marks)	1:48

Bonusspor på iTunes i 2007

Nr.	Tittel	Lengd
18.	«Goodnight Tonight» (extended version)	7:16

Medverkande

Wings og personell per Benitez.^[13] Rockestra-besetninga i omslaget.^[14]

Wings

• Paul McCartney – solo- og korvokal, bass, akustisk og elektrisk gitar, klaverinstrument, concertina på «Million Miles», piano og cembalo på «Winter Rose»
• Linda McCartney – klaverinstrument, korvokal
• Denny Laine – solovokal på «Again and Again and Again», elektrisk og akustisk gitar, korvokal
• Laurence Juber – elektrisk og akustisk gitar, gitarsynthesizer, bass på «Love Awake»^[15]
• Steve Holley – trommer, perkusjon

Andre medverkande

• Black Dyke Mills Band – blåsarar på «Love Awake»
• Dierdre Margary, Harold Margary – boklesing

Rockestra-besetninga på «Rockestra Theme» og «So Glad to See You Here»

• Denny Laine, Laurence Juber, David Gilmour, Hank Marvin, Pete Townshend – gitar
• Steve Holly, John Bonham, Kenney Jones – trommer
• Paul McCartney, John Paul Jones, Ronnie Lane, Bruce Thomas – bass
• Paul McCartney, Gary Brooker, John Paul Jones – piano
• Linda McCartney, Tony Ashton – klaverinstrument
• Speedy Acquaye, Tony Carr, Ray Cooper, Morris Pert – perkusjon
• Howie Casey, Tony Dorsey, Steve Howard, Thaddeus Richard – blåsarar

Produksjon

• Paul McCartney og Chris Thomas – produsent
• Phil McDonald – lydteknikar
• Mark Vigars – assisterande lydteknikar
• John Shaw – bilete på framsida
• Linda McCartney, Paul McCartney – bilete på baksida
• Hipgnosis – design

Salslister og salstrofé

Vekeslister Liste (1979) Plassering Australske Kent Music Report[16] 3 Den austerrikske albumlista[17] 12 Den kanadiske RPM-lista[18] 2 Den nederlandske albumlista[19] 11 Den franske SNEP-lista[20] 11 Den italienske FIMI-lista[21] 10 Den japanske Oricon-lista [22] 7 Den newzealandske albumlista[23] 9 Den norske VG-lista[24] 5 Den spanske albumlista[25] 7 Den svenske albumlista[26] 5 UK Albums Chart[27] 6 US Billboard 200[28] 8 Den vesttyske Media Control-lista[29] 16

Årslister Liste (1979) Plassering Den australske albumlista[16] 22 Den kanadiske albumlista[30] 20 Den franske albumlista[31] 17 Den italienske albumlista[21] 37 Salstrofé og salstal } } Region Salstrofé Salstal Japan (Oricon Charts) 74,000[22] Canada (Music Canada)[32] 2× Platina 200 000^ Storbritannia (BPI)[33] Gull 100 000^ USA (RIAA)[34] Platina 1 000 000^ ^salstala er basert på sertifiseringa aleine