Duje

«Duje» (norsk omsetjing ‘elsk dei’^[1]) er ein albansk song frå 2022 med Albina & Familja Kelmendi. Songen deltok i den 61. utgåva av den albanske songtevlinga Festivali i Këngës, der sjåarane røysta han fram som det albanske bidraget til Eurovision Song Contest 2023 i Liverpool i Storbritannia.

«Duje» Song av Albina & Familja Kelmendi
Land	Albania
Språk	Albansk
Utgjeve	19. desember 2022
Sjanger	Etnopop
Lengd	03:07
Selskap	Fole
Låtskrivar(ar)	Enis Mullaj, Eriona Rushiti

Om songen

«Duje» er komponert av Enis Mullaj, mens Erjona Rushiti har skrive teksta.^[2] Teksta handlar om familiar som vert brotne frå kvarandre på grunn av ein liten konflikt, og at ein må verna kjærleiken som betyr mest.^[1]

«Duje» var eit av 26 bidrag i den 61. utgåva av Festivali i Këngës i desember 2022. I tevlinga blei songen framført av den kosovoalbanske songaren Albina Kelmendi, saman med fem av familiemedlemmane hennar. Songen enda på andreplass i tevlinga, men han vann telefonavrøystinga og blei med det det albanske bidraget til Eurovision Song Contest 2023 i Liverpool.^[3]

I Eurovision Song Contest deltok «Duje» i den andre semifinalen torsdag 11. mai 2023. Der enda songen på niandeplass og kvalifiserte seg til finalen laurdag 13. mai. I finalen enda låten på 22. plass med 76 poeng.^[4]