Bouches-du-Rhône

Bouches-du-Rhône (oksitansk Bocas de Ròse) er eit departementet sør i Frankrike. Departementet ligg i regionen Provence-Alpes-Côte d'Azur, og er kalla opp etter elva Rhône.

Bouches-du-Rhône
Våpenskjoldet til Bouches-du-Rhône
Plassering
Administrasjon
Departmentnummer:	13
Region:	Provence-Alpes-Côte d'Azur
Préfecture:	Marseille
Sous-préfectures:	Aix-en-Provence Arles Istres
Arrondissement:	4
Kantonar:	57
Kommunar:	119
Président du conseil général:	Jean-Noël Guérini
Statistikk
Folketal	Rangering 3 375 5 087.
-2005	1 905 829
¹ Franske landdata, som ikkje tar med elvemunningar, innsjøar, vatn og isbrear større enn 1 km².

Historie

Bouches-du-Rhône er eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsen Provence og fyrstedøma Orange, Martigues og Lambesc. Departementet mista nokre område i 1793, inkludert Orange og Apt, då departementet Vaucluse vart oppretta.

Marseille har vore ein viktig hamneby heilt tilbake til tida før Julius Cæsar erobra Gallia.

Geografi

Departementet er i dag ein del av regionen Provence-Alpes-Côte d'Azur og grensar til departementa Gard i vest, Vaucluse i nord, Var i aust og Middelhavet i sør.

Marseille er den viktigaste byen i departementet med ei stor hamn.

Andre viktige byar er:

• Salon de Provence
• Aix-en-Provence
• Aubagne
• Arles
• Cassis
• Fos-sur-Mer
• Istres
• La Ciotat
• Martigues

Av elvar i departementet finne ein

• Rhône, som dannar grensa mot departementet Gard.
• Rhône-deltaet (Camargue)

Fjell i departementet er mellom anna:

• Alpilles
• Montagnette
• Montagne Sainte-Victoire
• Sainte-Baume

Demografi

Innbyggjarane i departementet vert på fransk kalla Bucco-rhodaniens.

Kultur

Departementet er godt representert i fransk kunst. Paul Cézanne måla mange bilete av Mont Sainte-Victoire. Vincent van Gogh var mykje i Arles, der han måla mange bilete i området rundt.

Turisme

• Marseille og Aix-en-Provence
• Romerske og romanske monument i Arles
• Camargue og byen Saintes-Maries-de-la-Mer
• Alphonse Daudet si vindmølle i Fontvieille
• Les Baux de Provence, mellomalderlandsby
• Saint-Rémy-de-Provence og ruinane av den romerske byen Glanum
• Tarascon, mellomalderslott og kyrkje.
• Salon-de-Provence, byen til Nostradamus

Bakgrunnsstoff

Wikimedia Commons har multimedia som gjeld: Bouches-du-Rhône

• Prefekturet si nettside
• Offisiell nettside
• Turisme i Bouches-du-Rhône
• Nettside frå Camargue