From Wikipedia, the free encyclopedia
Ballenyøyane er ei øygruppe i Sørishavet som strekkjer seg frå 66°15' til 67°35'S og 162°30' til 165°00'E. Gruppa strekkjer seg kring 160 km frå nordvest til søraust. Øyane er stort sett dekte av isbrear og har vulkansk opphav. Isbreane ligg i skråningane og strekkjer seg ut i sjøen.
Ballenyøyane | |||
øy | |||
Kart over Ballenyøyane | |||
Land | Antarktis | ||
---|---|---|---|
Region | Ross Dependency | ||
Koordinatar | 66°55′S 163°45′E | ||
Høgaste punkt | Brown Peak[1][2] | ||
• høgd | 1 705 moh. | ||
Areal | 400 km² | ||
Folketal | Ingen | ||
Administrert under | Antarktistraktaten | ||
Ballenyøyane 66.916666666667°S 163.75°E | |||
Wikimedia Commons: Balleny Islands | |||
Gruppa består av tre hovudøyar: Young, Buckle og Sturge, som ligg i ei linje frå nordvest til søraust, med fleire mindre øyar og skjer:
Øy/holme | Areal (km²) | Høgaste punkt (moh) |
---|---|---|
Young Island og holmane kring | ||
Seal Rocks | 0.0 | 15 |
Pillar | 0.0 | 51 |
Young Island | 225.4 | Freeman Peak (1340 moh) |
Row Island | 1.7 | 183 |
Borradaile Island | 3.5 | 381 |
Beale Pinnacle | 0.0 | 61 |
Buckle Island og holmane kring | ||
Buckle Island | 123.6 | 1238 |
Scott Cone | 0.0 | 31 |
Eliza Cone | 0.0 | 67 |
Chinstrap Islet | 0.0 | |
Sabrina Island | 0.2 | 90 |
The Monolith | 0.1 | 79 |
Sturge Island | ||
Sturge Island | 437.4 | Brown Peak (1705[1] eller 1524[2] moh) |
Den antarktiske polarsirkelen går nær Borradaile Island, i det åtte kilometer breie sundet mellom Young og Buckle Island. Buckle Island og den nærliggande Sabrina Island har mange koloniar med adelie og ringpingvin.
Dei engelske kvalfangarane John Balleny og Thomas Freeman var dei første som oppdaga øygruppa i 1839[3]: Freeman var den første personen som gjekk i land på øyane, den 9. februar 1839, og den første som gjekk i land sør for Den antarktiske polarsirkelen. Øyane dekkjer eit areal på i alt 400 km² og det høgaste punktet er 1705 moh [1] eller 1524 moh[2] (den uklatra Brown Peak på Sturge Island).
Øyane er ein del av Ross Dependency, som New Zealand gjer krav på.
I øygruppa er Buckle, Sturge og Young Island døme på stratovulkanar.[4] Det er sjeldan kraftige jordskjelv nær øyane, men moderate jordskjelv skjer langs Stillehav-Antarktis-ryggen, Macquarie trippelpunkt og Stillehavsregionen mellom Ballenyøyane og Macquarieøya.[5] Andre jordskjelv oppstår nær Den søraustindiske ryggen og Balleny brotsone, inkludert eit jordskjelv med styrke 8,1 i 1998 som oppstod 700 km vest-nordvest for øyane.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.