From Wikipedia, the free encyclopedia
Western swing er ein undersjanger av amerikansk countrymusikk som oppstod seint i 1920-åra sørvest i USA blant western-strykeorkester.[1][2] Det er dansemusikk, ofte med ein livleg rytme;[3][4] som trekte store folkemengder til danselokale og klubbar i Texas, Oklahoma og California i 1930- og 1940-åra, fram til styresmaktene byrja å skattlegge nattklubbane i 1944 og mange av dei forsvann.
Western swing | |||
Stilmessig opphav | Western blues folk swing Dixieland-jazz | ||
---|---|---|---|
Kulturelt opphav | 1920- og 1930-åra, småbyar i det sørvestlege USA | ||
Typiske instrument | gitar, piano, trommer, vokal, fele, banjo, kontrabass, stålstrengsgitar m.m. | ||
Avleidde former | rockabilly rock and roll | ||
Blandingssjangrar | |||
Texas swing |
Rørsla voks ut frå jazz,[5][6][7] og det vert ofte trekt fram likskapar med gypsy-jazz. Musikken var ei blanding av amerikansk musikk frå landsbygda, cowboymusikk, polka, folk, Dixieland-jazz og blues blanda med swing;[8] og spelt med strenginstrument i lag med trommer, saksofonar, piano og stålstrengsgitar.[9] Dei elektrisk forsterka strengeinstrumenta, særleg stålstrengsgitaren, gav musikken ein særeigen stil.[10] Seinare inkarnasjonar inneheldt òg element av bebop.
Western swing skil seg på mange måtar frå musikken som dei populære blåseinstrumentbaserte swing-storbanda spelte på same tid. I western-band, sjølv dei med fullt orkester, så følgde vokalen og dei andre instrumenta fela. I tillegg så pleidde storbanda ofte å arrangere musikken sin på førehand med hjelp av notar, medan dei fleste western-banda improviserte fritt, anten med soloistar eller i saman.[11]
Viktige grupper innan western swing var mellom andre The Light Crust Doughboys, Bob Wills and The Texas Playboys, Milton Brown and His Musical Brownies, og Spade Cooley and His Orchestra. Populære grupper i dag er Asleep at the Wheel og The Hot Club of Cowtown.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.