Vannes

Vannes (bretonsk Gwened) er ein by og kommune vest i Frankrike. Han er préfecture (administrasjonsstad) i departementet Morbihan i Bretagne, med om lag 50 000 innbyggjarar. Han vart grunnlagd for over 2000 år sidan.

Vannes
Horisonten til Vannes
Byvåpenet til Vannes
Styresmakter
Land Region Departement	Frankrike Bretagne Morbihan
Geografi
Flatevidd	32,3 km²
Flatevidd  - By	32,3 km²
Innbyggjarar  - By (1999)    - folketettleik	51 759   1 602/km²
Koordinatar	47°39′21″N 02°45′37″W
Høgd over havet	22 m
Tidssone - Ved sommartid	CET (UTC+1) UTC+2 (UTC)
Diverse anna
Heimeside: www.mairie-vannes.fr

Vannes ligg i Morbihanbukta der elva Vannes munnar ut i sjøen.

Historie

I antikken stod innbyggjarane i dagens Vannes, galliske venetarar (veneti), imot den romerske invasjonen leia av Julius Cæsar. Desse innbyggjarane var med på å inspirere til stamma ein følgjer i teikneserien Asterix. Venetarane var òg flinke sjømenn, og hadde handelsband med Storbritannia og Midtausten.^[1]

Cæsar såg at han måtte dominere dei omliggande sjøområda om han nokon gong skulle legge dei under seg. Han allierte seg med nabostamma namnete (som har gjeve namn til byen Nantes) for å oppnå denne fordelen, og klarte å erobre byen i 56 f.Kr. Venetarane blei drepne eller selde som slavar. Under romersk styre var Vannes kjend som Darioritum.

Bispedømet Vannes vart oppretta på 400-talet. Rådet i Vannes vart halde her i 461. Frå 400- til 600-talet slo britonarar frå Storbritnnia seg ned her som følgje av det angelsaksiske inntoget på øya. Dei gjenverande gallarane blei assimilerte i denne bretonske folkesetnaden. På bretonsk blei byen kjend som Gwened. Den første historiske herskaren av Vannes var Waroch, som døyde på midten av 500-talet.

Kjelder

1. Cunliffe, Barry (2008). Britain and the continent: networks of interaction. A Companion to Roman Britain. John Wiley & Sons. s. 1–11.; Balter, Michael. «DNA recovered from underwater British site may rewrite history of farming in Europe». Science News. Science. Henta 16 March 2015.; Cunliffe, Barry (2008). Britain and the continent: networks of interaction." A Companion to Roman Britain. John Wiley & Sons. s. 528. ISBN 9780470998854. Henta 16 March 2015.

• Denne artikkelen bygger på «Vannes» frå Wikipedia på engelsk, den 27. oktober 2015.

Bakgrunnsstoff

Reiseguide for Vannes frå Wikivoyage

• Reiseguide for Vannes
• Tredimensjonale bilete av Vannes
• Bispedømet Vannes Arkivert 2007-08-22 ved Wayback Machine.