She Loves You

«She Loves You» er ein song skrive av John Lennon og Paul McCartney gjeve ut av The Beatles som singel i 1963. Singelen gjekk til topps i mange land og var med å setje rekord i USA som ein av fem Beatles-songar som heldt dei fem øvste plassane på singellista, ein rekord som framleis står. Han var den mestseljande singelen til Beatles i Storbritannia og den mest seljande singelen i Storbritannia i 1963. Songen var òg den første Beatles-songen som gjekk til topps på VG-lista i Noreg.

«She Loves You» Singel av The Beatles
B-side	«I'll Get You»
Språk	engelsk
Utgjeve	23. august 1963
Innspelt	Abbey Road Studios, 1. juli 1963
Sjanger	Rock, pop
Lengd	2:17
Selskap	Parlophone R5055 (UK) Swan 4152 (US)
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon/McCartney
Produsent	George Martin
The Beatles-kronologi
«From Me to You» 1963	«She Loves You»	«I Want to Hold Your Hand» 1963

«She Loves You» var ein av to songar som vart spelt inn av The Beatles på tysk med tittelen «Sie liebt dich»^[1]

I november 2004 plasserte Rolling Stone «She Loves You» songen på 64. plass på lista deira over dei 500 største songane gjennom tidene. I oktober 2005 plasserte Uncut Magazine songen på tredjeplas over dei viktigaste songane som endra verda, bak Elvis Presley sin «Heartbreak Hotel» og Bob Dylan sin «Like a Rolling Stone».

Historie

She says she loves you, And you know that can't be bad Lennon/McCartney

McCartney og Lennon vart inspirert til å skrive «She Loves You» etter ein konsert ved Majestic Ballroom i Newcastle som ein del av turneen deira med Roy Orbison og Gerry and the Pacemakers.

George Martin, the Beatles sin produsent, var ueinig med Lennon og McCartney om sekstakkorden som avsluttar songen og meinte det var for jazz-aktig. Songen vart spelt inn 1. juli 1963 på ein tosporsopptakar, men den opphavlege stereo-utgåva er truleg gått tapt sidan alle utgjevingar av songen har vore i mono.^[2]

23. august 1963 vart songen gjeve ut på singel med «I'll Get You» som B-side. Singelen vart raskt ein hit og enda opp med å verte den mestseljande singelen i Storbritannia til då. Han låg på lista i heimlandet i 31 veker på rad, 18 av dei inne på Topp 3.

Då singelen kom ut i USA 16. september 1963 var det ikkje mange som la merke til han. Tre månader seinare gav the Beatles ut «I Want to Hold Your Hand» som gjekk heilt til topps i USA og starta den britiske invasjonen i amerikansk musikk og bana veg for andre Beatles-singlar og andre britiske band. «She Loves You» vart gjeve ut på nytt 25. januar 1964 og låg 15 veker inne på dei amerikanske listene, to av dei på førsteplass. I februar spelte Beatles denne og andre songar på The Ed Sullivan Show.

«She Loves You» vart òg gjeve ut på albumet The Beatles' Second Album i USA, som nådde toppen på albumlista i mai 1964. Albumet tok over førsteplassen frå Meet the Beatles! og dette var første gong at ein artist hadde erstatta si eiga plate på toppen av den amerikanske albumlista.

The Beatles syng refrenget på «She Loves You» i slutten av songen «All You Need Is Love».

Melodi

«She Loves You» har ikkje mellomspel, men nyttar i staden refreng til å halde saman dei forskjellige versa. Akkordane skiftar om lag anna kvar takt go harmoniane er forholdsvis statiske, så melodisk er ikkje songen like nyskapande som det «I Want to Hold Your Hand» var. Songen startar med ein trommeintro og hoppar direkte ut i refrenget og «She loves you, yeah, yeah, yeah», og gjev lyttaren ei kjensle over å ha hamna halvvegs inn i songen. Sekstakkorden nemnd tidlegare gjev òg ein uventa kontrast.

Medverkande

Medverkande etter Ian MacDonald^[3]

• John Lennon – vokal, rytmegitar
• Paul McCartney – vokal, bass
• George Harrison – harmonivokal, sologitar
• Ringo Starr – trommer
• George Martin – plateprodusent
• Norman Smith – lydteknikar

Salslister

Vekeslister Liste (1963–64) Plassering Australia (Kent Music Report)[4] 3 Canada (RPM) 1 Irland (IRMA)[5] 2 Nederland (Mega Single Top 100)[6] 7 New Zealand (Lever Hit Parade)[7] 1 Noreg (VG-lista)[8] 1 UK Singles (Official Charts Company)[9] 1 US Billboard Hot 100[10] 1 US Cash Box Top 100[11] 1 West German Media Control Singles Chart[12] 7

Årslister Liste (1963) Plassering UK Singles (OCC)[13][14] 1 Liste (1964) Plassering US Billboard[15] 2 US Cash Box[16] 2

Kjelder

• Denne artikkelen bygger på «She Loves You» frå Wikipedia på engelsk, den 2. oktober 2008.
  • Wikipedia på engelsk oppgav desse kjeldene:

1. http://www.dermon.com/Beatles/Lbl_swan.htm Swan-singlar
2. Mastertapen
3. MacDonald 2005, s. 83–85.
4. Kent, David (2005). Australian Chart Book (1940–1969). Turramurra: Australian Chart Book. ISBN 0-646-44439-5.
5. "The Irish Charts – Search Results – She Loves You". Irish Singles Chart. Retrieved 11. mars 2018.
6. "Dutchcharts.nl – The Beatles – She Loves You" (på nederlandsk). Mega Single Top 100. Hung Medien / hitparade.ch. Henta 11. mars 2018.
7. Hung, Steffen. «charts.org.nz – Forum – 1963 Chart (General)». charts.org.nz. Arkivert frå originalen 20. mai 2017. Henta 11. mars 2018.
8. "Norwegiancharts.com – The Beatles – She Loves You". VG-lista. Hung Medien. Henta 11. mars 2018.
9. "Archive Chart" UK Singles Chart. Official Charts Company. Henta 11. mars 2018.
10. "Beatles?f=379&g=Singles The Beatles Album & Song Chart History" Billboard Hot 100 for The Beatles. Prometheus Global Media. Henta 11. mars 2018.
11. Hoffmann, Frank (1983). The Cash Box Singles Charts, 1950–1981. Metuchen, NJ & London: The Scarecrow Press, Inc. s. 32–34.
12. «Offizielle Deutsche Charts» (Enter "Beatles" in the search box) (på tysk). GfK Entertainment Charts. Henta 11. mars 2018.
13. Lane, Dan (18. november 2012). «The biggest selling singles of every year revealed! (1952–2011)». Official Charts Company. Henta 28. august 2014.
14. «The 100 best-selling singles of 1963 [in the U.K.]». www.sixtiescity.net. Henta 1. september 2016.
15. «Top 100 Hits of 1964/Top 100 Songs of 1964». Musicoutfitters.com. Henta 27. september 2016.
16. Cash Box Year-End Charts: Top 100 Pop Singles, 26. desember 1964

Bakgrunnsstoff

• Alan W. Pollack sin analyse av «She Loves You»
• Davis, Laura (26. feb., 2003). She Loves You (Where? Where? Where?). ic Liverpool.

Føregangar «Don't Talk To Him» Cliff Richard & The Shadows

Toppen av VG-lista 2 veker, veke 2–3 1964

Etterfylgjar «I Want To Hold Your Hand» The Beatles

65:  «Sunshine of Your Love»  Cream

Plassering på lista til Rolling Stone frå 2010 over dei 500 beste songane gjennom tidene 64 «She Loves You»  The Beatles

63:  «For What It's Worth»  Buffalo Springfield