finsk politikar From Wikipedia, the free encyclopedia
Antti Petteri Orpo (fødd 3. november 1969 i Kjulo i Satakunta) er ein finsk liberalkonservativ politikar. Han er partileiaren til Samlingspartiet, og har sidan 20. juni 2023 vore statsminister i Finland.[1][2]
Petteri Orpo | |||
![]() | |||
Fødd | 3. november 1969 (54 år) Kjulo | ||
---|---|---|---|
Statsborgar av | Finland | ||
Parti | Samlingspartiet i Finland | ||
Yrke | politikar | ||
Utdanna ved | Åbo universitet | ||
Ektefelle | Niina Kanniainen-Orpo | ||
Føregangar | Sanna Marin | ||
Alle verv |
|
Antti Orpo er son av eit lærarpar, og gjekk på gymnas i Säkylä før han flytta til Åbo for å studera. Han tok del i studentorganisasjonar, etter kvart som funksjonær, og vart valt inn i stadsfullmäktige i Åbo i 1997 og landskapsfullmäktige i Egentliga Finland i 2005. Han tok magistereksamenen sin i samfunnsøkonomi og statsvitskap ved Åbo universitet i 2002, og var dinest spesialrådgjevar i Innanriksministeriet og assisterande partisekretær i Samlingspartiet. Han gifta seg i 2003 med juristen Niina Maria Kanniainen,[3] saman har dei to born.[4]
Orpo har vore vald til Riksdagen frå Egentliga Finland sidan 2007. Frå 2012 til 2014 leidde han riksdagsgruppa til Samlingspartiet. Orpo var jord- og skogbruksminister i regjeringa til Alexander Stubb frå 2014 til 2015, dinest innanriksminister i regjeringa til Juha Sipilä.[3] Juni 2016 tok Orpo over leiarvervet i Samlingpartiet etter Alexander Stubb, fylgjeleg tok han òg over posten til Stubb som finansminister og vart den fremste representanten til Samlingspartiet i Sipilä-regjeringa.[5][6] Orpo vann stor tillit for handteringa si av den europeiske migrasjonskrisa som innanriksminister.[7] Orpo sat som finansminister og avløysaren til statsministeren fram til Sipilä-regjeringa gjekk av i juni 2019.
Den 2. april 2023 fekk Samlingspartiet – partiet til Orpo – flest røyster ved det finske valet.[8] Orpo leia regjeringsforhandlingane og fekk danna ei koalisjonsregjering sett saman av Sannfinlendarane, Svenska folkpartiet og Kristdemokraterna.[9] Regjeringa til Orpo vart godkjend av Den finske riksdagen den 20. juni 2023.[2]