From Wikipedia, the free encyclopedia
«Mercedes Benz» er ein a cappella-song framført av Janis Joplin. Han vart spelt inn 1. oktober 1970, på første forsøk.[1] Han var den siste songen Joplin spelte inn før ho døydde tre dagar seinare, den 4. oktober (ho spelte òg inn eit par useriøse vers av «Happy Birthday» til John Lennon) .
Janis Joplin skreiv «Mercedes Benz» i lag med diktarane Michael McClure og Bob Neuwirth. Songen er ein ironisk kritikk av forbrukarsamfunnet som voks fram i etterkrigstida, og som ho sjølv var ein del av.[2] Songaren ber til Gud om å gje ho mellom anna ein Mercedes, eit fargefjernsyn og «ein kveld på byn». I innspelinga introduserer Joplin han som «ein sosialt og politisk viktig song», og avlutter han med ein latter.[3]
«Mercedes Benz» kom ut på albumet Pearl (1971). Han blei seinare remiksa med instrument og gjeve ut slik i 2003.
Songen er nytta fleire gong i bilreklamar. Mercedes-Benz har sjølv nytta songen i reklamar for bilane sine.[4] I 2007 nytta Mercedes-Benz songen igjen i ein reklame og igjen den 6. februar 2011 under ein reklame under Super Bowl.
I ein reklame for BMW Z3 lyttar sjåføren til eit lydband, og rynker panna etter at Mercedes-Benz vert nemnd, og kastar lydbandet ut av bilen etter at Porsche vert nemnd.
Songen vert nytta under opninga på den tyske filmen Der Baader Meinhof Komplex og i filmen Bangkok Hilton.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.