From Wikipedia, the free encyclopedia
Periferieininga Lakonía (gresk Περιφερειακή ενότητα Λακωνίας, Periferiakí enótita Lakonías) er ei periferieining i Hellas i periferien Peloponnes.[2] Hovudstaden i periferieininga er Spárti. Andre byar og landsbyar er Areópoli, Jýthio, Molái, Monemvasiá, Mystrás, Neápoli og Sellasía. Her ligg Kapp Maléa, Kapp Ténaro og ein stor del av Mánihalvøya.
| Periferieininga Lakonía Περιφερειακή ενότητα Λακωνίας | |
|---|---|
| |
| Periferi | Peloponnes |
| Hovudstad | Spárti |
| Folketal | 84 337 (2021[1]) |
| Areal | 3 636 km² |
| Folketettleik | 23/km² |
| Kommunar | 5 |
| Postnummer | 23x xx |
| Retningsnummer | 273x0 |
| Bilnummer | AK |
| Heimeside | www.lakonia.gr |
Vest for Taýjetosfjella ligg Messinía, nord for Párnonasfjella ligg Arkadía, Myrtóohavet ligg i aust og Lakoníabukta og Middelhavet i sør. Øyane Kýthira og Andikýthira ligg i sør, men dei høyrer administrativt til periferieininga Øyane i Attikí.
Evrótas er den lengste elva i prefekturet. Evrótasdalen er hovudsakleg eit jordbruksområde, med mange sitrus- og olivenlundar, enger og mest av alt appelsiner.
Taýjetos på 2 407 moh, kjend som Pendedáktylos (fem fingrar) gjennom mellomalderen, ligg vest for Spárti og Evrótasdalen. Det er det høgaste fjellet i Lakonía og på Peloponnes. Det andre store fjellet er Párnonas på 1 961 moh som ligg i aust.
Den kjende stalaktittgrotta Diroú ligg i sørvest, sør for Areópoli, og er ein stor turistattraksjon.
Området har varme somrar og milde vintrar, men i fjella, og særleg på Taýjetos, er det vanleg med snø om vinteren.
Tidlegare var Lakonía eit prefektur. Frå 2011 er periferieininga delt inn i fem kommunar.[2]
| Periferieining | Kommune | Tidlegare kommune | Postnummer |
|---|---|---|---|
| Lakonía | Spárti | Spárti | 231 00 |
| Therápnes | 231 00 | ||
| Karyés | 230 67 | ||
| Mystrás | 231 00 | ||
| Inoúndas | 230 64 | ||
| Péllana | 230 59 | ||
| Fáris | 230 54 | ||
| Evrótas | Skála | 230 51 | |
| Jerónthres | 230 58 | ||
| Élos | 230 55 | ||
| Krokeés | 230 57 | ||
| Niáta | 230 60 | ||
| Monemvasiá | Monemvasiá | 230 70 | |
| Asopós | 230 56 | ||
| Viés | 230 53 | ||
| Zárakas | 230 68 | ||
| Molái | 230 52 | ||
| Elafónisos | Elafónisos | 230 53 | |
| Aust-Máni | Aust-Máni | 230 66 | |
| Jýthio | 232 00 | ||
| Ítylo | 230 62 | ||
| Smýnos | 230 61 | ||
I antikken utgjorde området store delar av staten Sparta (Spárti). Lakonía var i krig med Kongedømet Makedonia og hadde mange slag mot dei. Etter kvart vart dei derimot ein del av Romarriket, og i mellomalderen ein del av Austromarriket. Etter krosstoga låg despotatet Morea her. Lakonía vart så ein del av Det osmanske riket, men Mánihalvøya var i praksis sjølvstyrt. Lakonía vart frigjort etter den greske sjølvstendekrigen i 1821 og Spárti vart vald som hovudstad i det nye prefekturet. Økonomien og jordbruket blømde gjennom 1800-talet. Etter den andre verdskrigen og den greske borgarkrigen byrja folketalet å gå noko nedover, då folk flytta frå landsbyane til større greske byar lenger nord eller til utlandet.
Dei største byane og tettstadene i periferieininga er:
| Tettstad | Kommune | Folketal 2011[3] | Folketal 2021[1] |
|---|---|---|---|
| Spárti | Spárti | 16 239 | 16 782 |
| Jýthio | Aust-Máni | 4 279 | 4 070 |
| Molái | Monemvasiá | 2 534 | 2 850 |
| Skála | Evrótas | 3 067 | 2 816 |
| Neápoli | Monemvasiá | 3 090 | 2 715 |
| Vlakhiótis | Evrótas | 2 080 | 1 989 |
| Papadiánika | Monemvasiá | 1 657 | 1 737 |
| Magoúla | Spárti | 1 415 | 1 477 |
| Jéfyra | Monemvasiá | 1 299 | 1 441 |
| Káto Glykóvrysi | Evrótas | 1 485 | 1 375 |
| Asopós | Monemvasiá | 1 023 | 1 195 |
| Jeráki | Evrótas | 1 244 | 1 181 |
| Krokeés | Evrótas | 1 137 | 979 |
| Xirokámbi | Spárti | 963 | 868 |
| Areópoli | Aust-Máni | 888 | 805 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
