t Skots (ook: Anglo-Skots of Leeglaand-Skots, ien t Skots zulf: Scots leid) is n Westgermoanse toal dij proat wordt ien Skotlaand. t Wordt veuraal proat ien de Skottische Leeglanden, op t maist noordelke puntje van de Skottische Hooglanden en ien n lutje gebied ien Ulster. Doarnoast wordt t ook proat ien kolonioale gebieden zo as Oost Kanada. t Is verwaant aan t Engels, môr ook aan de kontinentoale Westgermoanse toalen. t Is ontstoan dou de Angeln, Saksen en Jutten noar Brittannie trokken. Ien dij tied binnen de oorspronkelke Keltische vôlker noar de oetìnden van t aailaand dreven, woarvan de Skottische Hooglaanden ook bie heuren. Ien de Leeglanden wörren Angelsaksische (Oldengelse) dialekten proat. Dizzent wörren beienvloud deur de Keltische dialekten ien t noorden. Doarnoast het t Engels ienvlouden had vanoet t Fraans, dij ien t Skots veul minder iendrongen binnen. Man kin dus sèggen dat t Skots meer Germoans is as t Engels. t Skots het tegenswoordeg nog om en bie 1.500.000 spreker. t Is opnomen worden onder dail 2 van t Uropees Haandvest veur Regionoale en Minderhaidsstoalen, liek as t Leegsaksisch en t Lìmbörgs.
De Keltische dialekten dij ien Skotlaand proat worden stoan bekend as Skots-Goals. Doarnoast het man ook nog t Skots-Engels, dat de offisjele toal is ien Skotlaand. Dit is gewoon Engels, mit wat Skotse aigenheden, verliekensboar mit t Belgisch Nederlaands (ien tegenstellen tot de Floamse Belgische dialekten) en t Svitzers Hoogduuts (Ien tegenstellen tot t Alemannische Svitzerduuts).
Skots en Skottisch
t Verschil tuzzen Scots en Scottish (Grunnegs: Skots) zit hom t ien wat der mit bedould wordt. Scots verwiest noar de toal, ien tieds dat Scottish noar t laand Skotlaand verwis. Dit is verliekensboar mit de woorden Grönnegse en Grönneger.
| Indo-europeeske talen > germaanske talen > | ||
| noordgermaanske talen: | westgermaanske talen: | oustgermaanske talen: |
| däänsk | färöösk | noorsk | norn* | sweedsk | yslandsk | afrikaansk | düütsk | engelsk | freesk | jiddisj | limbörgsk | luxembörgsk | neaderlandsk | sassisk | skotsk | wilmesauersk** | burgondisk* | gotisk* | vandaalsk* | krimgotisk* |
| * = uutstorven taal ** = mid uutstarven bedreigd | ||
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
