Drenthe

	Pervincie Drenthe
	; Kaort van Pervincie Drenthe
	Informaotsie
Taolen	Nedersaksisch (Drèents, Sallaands, Stellingwarfs, Grunnegs) en Nederlaands
Heufdstad	Assen
Geleuf	Protestants 35% ; katholiek 8%
Volksleeid	Mien Drenthe
	Geograofie en bevolking
Oppervlakte; - Laand; - Waoter	2.680,39 km²; 2.632,67 km²; 47,73 km²
Inwoners; - Totaol; - Bevolkingsdichtheid	; 502.051 (jan 2023); 191 inw./km²
Koordinaten	52° 59′ N, 6° 33′ O
	Offisiële webstee
	www.provincie.drenthe.nl

Drenthe is een Nederlaandse pervincie, legen in 't noordoosten van 't laand. Grofweg grenst 't in 't noorden an de pervincie Grunnen, in 't oosten an Duutslaand, in 't zuden an de pervincie Overiessel en in 't westen an de pervincie Freeislaand. De heufdstad is Assen. Drenthe steeit veural bekend om zien hunebedden. De dialecten die as ze in Drenthe praot, heurt bij 't Nedersaksisch en wordt mit menare Drèents, Drents, Dreints of Drints nuumd.^[1] Drenthe hef zo'n 502.000 inwoners (2023).

Snelle feiten

Sluiten

Portaol Drenthe

Geschiedenis

De eerste vermelding van Drenthe is vunden in een document oet 't jaor 820 waorin praot wordt van Pago Treanth dat steeit veur 't gewest Drenthe. Wat de naom te betiekenen hef, is niet hielemaol dudelijk: meugelijk was 't 't derde gebied van 't bisdom Utrecht, zoas Twente (Tuihanta) 't twiede was. Oet archiefstukken in 't Drents Archief blik dat in 1024 en 1025 over Drenthe as graofschap sproken wordt.

Tot 1405 beheurde de stad Grunningen ok tot 't graofschap Drenthe, dat wieder bij dezölfde grenzen had moet hebben as noe. 't Graofschap zölf heurde op zich weer bij 't Oaversticht. Over de grenzen in de veenstreken is tussen Drenthe en de anliggende laanden herhaoldelijk geschil west, deurdat in de veengrond de oprichte grensstenen of -paolen vortzakten en zo de toestaand dubieus wör.

In 1046 gaf keizer Hendrik III 't graofschap an bisschop Bernoldus van Utrecht. In 1227 versleug een legertien van Drentse boeren onder leiding van Rudolf van Coevern 't ruterleger van de bisschop in de Slag bij Aone, deur de peerden een moeras in te lokken. 't Volgende jaor herstelde de neie bisschop zien gezag over de Drenten.

Hoewel Drenthe zien eigen staoten (Ridderschap en Eigenarfden) erkenden, erkenden de Republiek van de Zeuven Vereeinigde Nederlaanden Drenthe niet as riek genog en zag 't as een winningsgewest, waorover de Staoten-Generaol 't bestuur mos anstellen. Pas bij de oprichting van 't Keuninkriek wör de situatie dudelijk: Drenthe wör een echte pervincie.

Bevolking

Hieronder steeit een tabel mit de plaotsen in Drenthe mit de meeste inwoners. De ciefers kommen van 1 jannewaori 2022.^[2]

Meer informatie Nr., Plaotsnaom ...

Nr.	Plaotsnaom	Antal
1	Assen	68.250
2	Emmen	57.395
3	't Oogeveine	40.174
4	Möppelt	30.444
5	Coevern	15.685
6	Roon	14.574
7	Klazieneveen	11.955
8	Beilen	11.476
9	Eel-Potterwold	10.849
10	Zuudlaoren	10.116
11	Emmer-Compascuum	7.765

Sluiten

Gemeeinten

De pervincie Drenthe bestun oet 35 gemeeinten, mor nao de grootschaolige herindeeiling van 1998 bint der nog mor 12 over.

Aa en Hunze
Assen
Börger-Oring (Borger-Odoorn)
Coevern (Coevorden)
Emmen
't Oogeveine (Hoogeveen)
Möppelt (Meppel)
Midden-Drenthe
Noordenveld
Tynaorl (Tynaarlo)
Westerveld
De Wolden

Bestuur

Provinciaole Staoten

De Provinciaole Staoten bint veur 't lest kozen in meert 2023. Oetslag in Drenthe van de verkiezingen veur de Provinciaole Staoten:

Meer informatie Oetslag Staotenverkiezingen 2003-2023, Partie ...

Oetslag Staotenverkiezingen 2003-2023 ^[3]
Partie	2003		2007		2011		2015		2019		2023
Partie	stemmen in %	zetels	stemmen in %	zetels	stemmen in %	zetels	stemmen in %	zetels	stemmen in %	zetels	stemmen in %	zetels
BBB											33,4	17
PvdA	36,5	19	27,2	13	26,5	12	15,2	7	14,1	6	9,4	4
VVD	18,0	9	16,8	8	19,0	9	15,2	7	13,1	6	7,7	4
CDA	23,9	12	21,2	10	14,6	6	14,4	6	10,6	5	5,9	3
GL	6,7	4	4,7	2	5,3	2	5,2	2	8,3	4	5,6	2
PVV					9,8	4	10,9	5	7,1	3	5,2	2
CU	4,6	2	7,6	3	5,3	2	6,4	3	6,8	3	4,9	2
SP			12,3	5	9,7	4	12,6	5	6,5	3	4,8	2
PvdD			1,9	0					3,4	1	4,2	2
D66	3,8	2	1,9	0	6,2	2	9,9	4	5,7	2	3,8	1
FVD									13,5	6	3,0	1
Volt											2,9	1
Sterk Lokaal							3,6	1	4,1	1	2,8	1
JA21											2,4	1
50+					1,8	0	4,0	1	3,7	1	1,3	0
SGP	0,3	0	0,4	0	0,5	0	0,8	0	0,8	0	1,0	0
OPD *	2,1	1	1,4	0	1,1	0			1,7	0
DENK									0,3	0
LPF **	2,1	1
Drents Belang/DOP ***	2,0	1
overig			4,8	0	0,1	0	1,8	0	0,6	0	1,7	0
Opkomst	56,1		51,2		58,7		51,0		58,8		66,4
Totaol		51		41		41		41		41		43

Sluiten

'* OPD: Onafhankelijke Partij Drenthe
'** LPF-fractie hernuumd tot OSD (Onafhankelijke Statenfractie Drenthe)
'*** DOP: Drentse Ouderen Partij

Deputeerde Staoten

't Bestuurlijke centrum van de pervincie is vestigd in Assen. Drenthe wordt bestuurd deur een college van BBB, PvdA, VVD en CDA.^[4] Naost de Commissaoris van de Keunink Jetta Klijnsma (PvdA) besteeit 't College van Deputeerde Staoten oet:

Deputeerden:

Egbert van Dijk - BBB
Jisse Otter - BBB
Yvonne Turenhout - PvdA
Willemien Meeuwissen - VVD
Henk Jumelet - CDA

Toerisme

Speulstad Oranje

Nedersaksisch

Grunnegs: t Drìnt
Tweants: Dreante
Overig: Drenthe

Verwiezings

[1]
Tissing, Jan (red.) (1992), Zakwoordenboek Drents-Nederlands Nederlands-Drents, Assen: Stichting Het Drentse Boek
[2]
Bron: Centraal Bureau voor de Statistiek
[3]
Verkiezingen Provinciale Staten 2003-2023, Kiesraad
[4]
Gedeputeerde Staten, provincie Drenthe