Eel-Potterwold (Poaterwool, Pôtjerwôlde) (Nederlaans: Paterswolde) is n stee in t Nederlaandse prevìnzie t Drìnt, gemainte Tinoarlo. n Leuts paart van t durp ligt laangs de Meerweg en ligt in prevìnzie Grunnen, vrougere gemainte Hoaren. t Antel inwoners op 1 jannewoari 2006: 10.744.
De durpen Eel en Potterwold binnen in run van t twintegste eeuw an mekoar gruid. Op de ploatsnoamborden wordt den ok de noam Eelde-Paterswolde vermeld. Potterwold vurmt t noordelke paart van t twailengsdurp. Durp is veural bekend van t Potterwoldermeer;
Eel vurmt t zudelke paart van t twailengsdurp, en is veural bekend van t Bloemencorso en de lochthoaven. Veul van de Stadjers holden van t stee, umdat t dichtbie Grunnen in de buurt ligt, n parkachtige uutstroalen het en deur de rekreoatsiegebieden om t Potterwoldermeer en t Fraise Veen hìn. Ook de laandgouder De Braak (mit doolhuf) en Vennebroek binnen laifkoost bie rekreanten.
Potterwold war in middeleeuwen bosriek wèst (doarum heet t Potterwold) en het nimmer an n klooster touheurd. De Grunneger kloosters bezaten volgens de bewoard bleven rekenens gain laand in dij streek. Der is n burgemeesterfemilie Potter bekend, en de Pottersvoorde, de Potterskamnade en Pottershoogeland in dizze omgeven worren mit hom in verbaand bracht. Eel war paart van t olde dingspel Noordenveld. De oldeste vermelden is vonden in n oorkonde uut 1139, woarin t stee as Elde vermeld wordt. t Is zeker dat der veur 1139 ok aal goundend woonden op dit stee, moar tot wenneer tou dit terug gaait is nait dudelk. n Grafheuvel en veenwierden wiezen sowizo in richten van vruigere lougsters.
Eel-Potterwold war vruiger n aigen gemainte, moar dizzertieds is t paart van Tinoarlo, woarin ok de stees Zuudloarn, Midloarn, Vrais, Tinoarlo, Ide, Zain, de Grouve, Dundern, Zaigse, Zuudloarderveen, Eelderwold, de Punt, Bunne, Bunnerveen, Toarl, Winde, en Oldemeuln liggen.
Der binnen gounend van Eel-Potterwold dij bekend binnen: Jan Pelleboer (tot zien dood in 1992), Kuno van Dijk, Jacques d'Ancona, Pieter Hofstra en Albert Jan Maat.
In t noabie umgeven van t stee liggen veel gebieden dij aigendum binnen van Natuurmonumìnten. Zo as t Fraise Veen, Vennebroek, De Braak, Peizermaden, Elsburger Onland, Kluivingsbos, De Dunen, Polder t Oosterlaand en Polder Lappenvoort.
Even tin zuden van t durp ligt de lochthoaven Groningen Airport Eelde, de grootste lochthoaven van Noord-Nederlaand mit personenvluchten.
- Ben Feringa (1951), scheikundege en Nobelprieswinnaar
 |
Schreven in t Noordenvelds in de Grunnegse schriefwieze |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
