Washington, D.C.
From Wikipedia, the free encyclopedia
Modelo:Nun cunfundir cun Modelo:Anfo/Localidade de ls Stados Ounidos Washington, D.C. ye la capital de ls Stados Ounidos. D.C. ye l'abrebiatura de Çtrito de Colúmbia (District of Columbia), adonde la cidade stá localizada. L nome oufecial de la cidade an anglés ye Washington, D.C., anquanto que l sou nome cumpleto ye Washington, Çtrit of Columbia.
La cidade de Washington i l Çtrito de Columbia son coeisistentes antre si, gobernados por un único gobierno municipal i, por esto mesmo, puoden ser cunsidrados cumo ua mesma antidade admenistratiba. Esto nun fui siempre l causo, mas, bisto qu'outras cidades eisistiran drento de ls lemites de l Çtrito até 1871, quando fúrun als poucos fundidas cun Washington, D.C. atrabeç dun Ato de l Cungresso. Coloquialmente, la cidade ye coincida cumo Washington, D.C. ó simplesmente Washington. La cidade ten dous nomes stóricos, Federal City i Washington City.
L Çtrito de Colúmbia, formado ouficialmente an 16 de júlio de 1790, ye l Çtrito Federal amaricano, cumo specificado pula Custituiçon stadunidense, cun lemitado poder local. L Çtrito ye gobernado diretamente pul Cungresso stadunidense. Ls habitantes de Washington nun possuen repersentantes cul poder de boto ne l Cungresso.
Washington, D.C. fui formado atrabeç de tierras cedidas puls Stados de Maryland i Birgínia. An 1847, la region que fura cedida pula Birgínia fui debolbida, region que cumpone atualmente l Cundado de Arlington. La custruçon de Washington ampeçou-se an 1792, sendo einougurada an 1800, ne l mesmo anho an que tornou-se la capital amaricana. Washington fui nomeada an houmenaige al purmeiro Persidente amaricano, George Washington, anquanto que l termo District of Columbia deriba dun antigo nome poético de ls Stados Ounidos, Colúmbia.[1][2]
Washington stá situado ne l leste de l paíç na borda norte de l Riu Potomac. Segundo l censo nacional de 2010,[3] la populaçon de la cidade ye de Modelo:Formatnun:601723 habitantes, anquanto que sue region metropolitana ten cerca de 5,5 milhones d'habitantes (8 milhones juntamente cula region metropolitana de Baltimore, localizado a 100 Km de Washington). Ye la 24.ª cidade mais populosa de l paíç. Washington abriga las sedes de ls trés braços de l gobierno amaricano, l Eisecutibo, l Legislatibo i l Judiciário. Para alhá desso, la cidade abriga tamien las sedes de l Fondo Monetário Anternacional, de l Banco Mundial, de la Organizaçon de ls Stados Amaricanos, antre dibersas outras anstituiçones nacionales i anternacionales.