Léngua anglesa
From Wikipedia, the free encyclopedia
Anglés (English) ye ua léngua germánica oucidental que surgiu ne ls reinos anglo-saxónicos de la Anglaterra i se spalhou pa l que benerie la se tornar l sudeste de la Scócia, sob l'anfluéncia de l reino anglo mediebal de la Nortúmbria. Passado seclos de stensa anfluéncia de la Grana-Bretanha i de l Reino Ounido zde l seclo XVIII, atrabeç de l Ampério Británico, i de ls Stados Ounidos zde meados de l seclo XX,[5][6][7][8] l'anglés ten sido amplamente çperso an to l planeta, tornando-se la percipal léngua de l çcurso anternacional i ua léngua franca an muitas regiones.[9][10] L léngua ye amplamente daprendido cumo ua segunda léngua i ousado cumo léngua oufecial de la Ounion Ouropeia, de las Naciones Ounidas i de muitos países de la Commonwealth, bien cumo de muitas outras organizaçones mundiales. Ye l terceiro léngua mais falado an to l mundo cumo purmeira léngua, depuis de l mandarin i de l espanhol.[11] Ye la léngua mais falada an to l mundo.[12]
Anglés (English) | ||
---|---|---|
Falado an: | (ber ambaixo) | |
Total de falantes: | Purmeira léngua: 309–400 milhones Segunda léngua: 199–1,400 milhones[1][2] Total: 500 milhones[2][3] | |
Posiçon: | 4la posiçon cumo léngua natiba i 2la posiçon cuntando tamien ls que la falan cumo 2la léngua. | |
Familha: | — Germánica Germánica oucidental Anglo-frísia[4] Ánglica Anglés | |
Scrita: | Alfabeto latino | |
Statuto oufecial | ||
Lhéngua oufecial de: | 54 países Naciones Ounidas Ounion Ouropeia Quemunidade de las Naciones Cunseilho de la Ouropa OTAN NAFTA OEA OCI UKUSA | |
Regulaçon por: | Sin regulamentaçon oufecial | |
Códigos de lhéngua | ||
ISO 639-1: | -- | |
ISO 639-2: | --- | |
Países adonde l'anglés ye la léngua de fato an azul scuro (cun sceçon de l Quebec)
Países adonde ye l'anglés ye la léngua oufecial, mas nun ye la léngua de fato
|
Storicamente, l'anglés ouriginou-se de la fuson de lénguas i dialetos, agora coletibamente chamados anglés antigo, que fúrun trazidos pa la cuosta leste de la Grana-Bretanha por pobos germánicos (anglo-saxones) ne l seclo V, sendo la palabra anglish deribada de l nome de ls anglos i, finalmente, de sue region ancestral de Angeln (ne l que ye agora Schleswig-Holstein).[13] Un númaro seneficatibo de palabras an anglés son custruídos cun base nas raízes de l latin, bisto qu'esse léngua fui, d'algua forma, la léngua franca de la Eigreija Crestiana i de la bida anteletual ouropeia.[14] L'anglés fui mais anfluenciado pula léngua nórdica antiga, debido la ambasones bikings ne ls seclos VIII i IX.
La cunquista normanda de la Anglaterra ne l seclo XI dou ourige a fuortes ampréstimos de l franco-normando i las cumbençones de bocabulairo i ortografie ampeçórun a dar l'aparéncia superficial dua streita relaçon de l'anglés culas lénguas románicas,[15][16] l qu'agora ye chamado de anglés médio. La Grande Mudança Bocálica, qu'ampeçou ne l sul de la Anglaterra ne l seclo XV ye un de ls eibentos stóricos que marcan l surgimiento de l anglés moderno a partir de l'anglés médio.
Debido a l'assimilaçon de las palabras de muitos outros lénguas al longo de la stória moderna, l'anglés cuntén un bocabulairo mui grande. L'anglés moderno nun solo assimilou palabras d'outras lénguas ouropeias, mas tamien de to l mundo, ancluindo palabras de l hindi i d'ourige africana. L Oxford English Ditionary lista mais de 250.000 palabras çtintas ne l léngua, nun ancluindo muitos tenermos técnicos, científicos ó gírias.[17][18]