Лувсанвандангийн Болд
From Wikipedia, the free encyclopedia
Лувсанвандангийн Болд (1961 оны 10 сарын 4-нд төрсөн) нь Монголын улс төрч, бизнесмэн юм. Улсын Их Хурлын гишүүн. Урлаг судлаач Сономын Лувсанвандангийн том хүү тэрээр Бодь группийн үүсгэн байгуулагчдын нэг.
Лувсанвандангийн Болд | |
---|---|
![]() | |
Албан тушаал хашсан 2012 оны 8 сарын 18 – 2014 оны 12 сарын 10 | |
Ерөнхийлөгч | Цахиагийн Элбэгдорж |
Ерөнхий Сайд | Норовын Алтанхуяг |
Өмнөх | Гомбожавын Занданшатар |
Дараах | Лүндэгийн Пүрэвсүрэн |
![]() | |
Албан тушаал хашсан 2008 оны 9 сар – 2012 оны 1 сар | |
Ерөнхийлөгч | Намбарын Энхбаяр Цахиагийн Элбэгдорж |
Ерөнхий Сайд | Санжаагийн Баяр Сүхбаатарын Батболд |
Өмнөх | Жамъяндоржийн Батхуяг |
Дараах | Жадамбаагийн Энхбаяр |
Хувийн мэдээлэл | |
Төрсөн | 1961 оны 10 сарын 4 Монгол, Улаанбаатар |
Улс төрийн нам | Ардчилсан Нам |
Алма матер | Бернаугийн Үйлдвэрчний Эвлэлийн Хөдөлмөрийн Дээд Сургууль |
Мэргэжил | Нийгэм судлаач |
Вэб сайт | www.boldlu.com/ |
Тэрээр 1979 онд Улаанбаатар хотын арван жилийн 23-р дунд сургуулийг төгсөөд Зүүн Германы Бернаугийн Үйлдвэрчний Эвлэлийн Хөдөлмөрийн Дээд Сургуульд суралцаж, 1983 онд дүүргэсэн.
Багануурын Үйлдвэрчний Эвлэлийн Зөвлөл, Монголын Үйлдвэрчний Эвлэлийн Төв зөвлөлд зааварлагчаар ажиллаж байгаад 1989 онд Монголын оюутны холбооны орлогч дарга, Ерөнхий нарийн бичгийн дарга болжээ. Улмаар 1990 онд Ардын Их Хурлын депутат, Улсын Бага Хурлын гишүүнээр сонгогдсон, Үндсэн Хуулийг батлалцсан байна.
1992-1993 онд Дэлхийн Монгол туургатан оюутан, залуучуудын төвийн тэргүүнээр ажиллаж байгаад Бодь интернэшнл компанийг байгуулан ерөнхийлөгчөөр нь ажиллаж байв.
1996 онд Монгол Улсын Их Хурлын гишүүнээр сонгогдсон. Тэр үедээ 1999-2000 онд Олон Улсын Парламентын холбооны гүйцэтгэх хорооны гишүүн, Олон Улсын Парламентын холбооны Ази- Номхон далайн бүсийн даргын сонгуульт албыг хашжээ.
2000 оны сонгуульд ялагдсаныхаа дараа бизнесийн салбарт буцаж орон, Голомт банкны ТУЗ-ийн дарга, Монголын банкны холбооны ерөнхийлөгч болжээ.
2004 онд төрийн албанд эргэн ирж, Ашигт малтмал, Газрын Тосны Хэрэг Эрхлэх Газрын даргаар ажиллаж байгаад 2008 онд УИХ-ын гишүүнээр сонгогдсон.
2008 оноос С.Баяр, С.Батболдын засгийн газруудад Батлан хамгаалахын сайдын албыг хашиж байжээ.
2012, 2016 онд Улаанбаатар хотын Хан-Уул дүүргээс сонгогдон УИХ-ын гишүүнээр ажиллаж байна.
2012-2014 онд Гадаад харилцааны сайдаар ажиллаж байсан.
2021 оны 11-р сараас Монгол Улсаас Бельгийн Хаант Улсад болон Европын Холбоонд суугаа Элчин сайд.
Эх сурвалж
- "Засгийн газрын гишүүн, сайдуудыг томиллоо". Archived from the original on 2012-08-21. Retrieved 2012-08-19.
{{cite web}}
: Cite has empty unknown parameter:|3=
(help)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.