![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/Begum_Zia_Book-opening_Ceremony%252C_1_Mar%252C_2010.jpg/640px-Begum_Zia_Book-opening_Ceremony%252C_1_Mar%252C_2010.jpg&w=640&q=50)
ഖാലിദ സിയ
From Wikipedia, the free encyclopedia
1991 മുതൽ 1996 വരെയും 2001 മുതൽ 2006 വരെയും ബംഗ്ലാദേശിന്റെ പ്രധാനമന്ത്രിയായിരുന്ന രാഷ്ട്രീയ നേതാവാണ് ബീഗം ഖാലിദ സിയ (ബംഗാളി: খালেদা জিয়া; ജനനം 1945 ഓഗസ്റ്റ് 15[1]). 1991-ൽ അധികാരത്തിലെത്തിയപ്പോൾ രാഷ്ട്രത്തിന്റെ ചരിത്രത്തിൽ ഒരു ജനാധിപത്യ ഭരണകൂടത്തിന്റെ തലപ്പത്തെത്തുന്ന ആദ്യ സ്ത്രീയായി ഇവർ മാറി. 1988–1990 കാലഘട്ടത്തിൽ പാകിസ്താൻ പ്രധാനമന്ത്രിയായിരുന്ന ബേനസീർ ഭൂട്ടോയ്ക്ക് ശേഷം ഇസ്ലാമികലോകത്ത് ഈ ബഹുമതി നേടുന്ന രണ്ടാമത്തെ സ്ത്രീയായിരുന്നു ഖാലിദ സിയ. തന്റെ ഭർത്താവായിരുന്ന പ്രസിഡന്റ് സിയാവൂർ റഹ്മാൻ 1970-കളുടെ അവസാനം സ്ഥാപിച്ച ബംഗ്ലാദേശ് നാഷണലിസ്റ്റ് പാർട്ടി (ബി.എൻ.പി.) എന്ന കക്ഷിയുടെ നേതാവുമാണ് ഖാലിദ സിയ.
ഖാലിദ സിയ খালেদা জিয়া | |
---|---|
![]() | |
ബംഗ്ലാദേശ് നാഷണലിസ്റ്റ് പാർട്ടി നേതാവ് | |
പദവിയിൽ | |
ഓഫീസിൽ 1981 മേയ് 30 | |
മുൻഗാമി | സിയാവൂർ റഹ്മാൻ |
ബംഗ്ലാദേശ് പ്രധാനമന്ത്രി | |
ഓഫീസിൽ 2001 ഒക്റ്റോബർ 10 – 006 ഒക്റ്റോബർ 29 | |
രാഷ്ട്രപതി | ഷഹാബുദ്ദീൻ അഹമ്മദ് ബദ്രുദ്ദോസ ചൗധരി ഇയാജുദ്ദീൻ അഹമ്മദ് |
മുൻഗാമി | ലതീഫുർ റഹ്മാൻ (ചുമതല വഹിച്ചിരുന്നു) |
പിൻഗാമി | ഇയാജുദ്ദീൻ അഹമ്മദ് (ചുമതല വഹിച്ചിരുന്നു) |
ഓഫീസിൽ 1991 മാർച്ച് 20 – 1996 മാർച്ച് 30 | |
രാഷ്ട്രപതി | ഷഹാബുദ്ദീൻ അഹമ്മദ് (ചുമതല വഹിച്ചിരുന്നു) |
മുൻഗാമി | കാസി സഫർ അഹമ്മദ് |
പിൻഗാമി | മുഹമ്മദ് ഹബീബുർ റഹ്മാൻ (ചുമതല വഹിച്ചിരുന്നു) |
പ്രതിപക്ഷ നേതാവ് | |
ഓഫീസിൽ 2008 ഡിസംബർ 29 – 2014 ജനുവരി 9 | |
മുൻഗാമി | Sheikh Hasina |
പിൻഗാമി | Rowshan Ershad |
ഓഫീസിൽ 23 June 1996 – 15 July 2001 | |
മുൻഗാമി | ഷൈഖ് ഹസീന |
പിൻഗാമി | ഷൈഖ് ഹസീന |
വ്യക്തിഗത വിവരങ്ങൾ | |
ജനനം | (1946-08-15) 15 ഓഗസ്റ്റ് 1946 (77 വയസ്സ്) ദിൻജാപൂർ, ബ്രിട്ടീഷ് ഇന്ത്യ (ഇപ്പോൾ ബംഗ്ലാദേശിൽ) |
രാഷ്ട്രീയ കക്ഷി | നാഷണലിസ്റ്റ് പാർട്ടി (1979 മുതൽ ഇപ്പോൾ വരെ) ചതുർ കക്ഷി സഖ്യം (2001–2011) 18 കക്ഷി സഖ്യം (2011–ഇപ്പോൾ വരെ) |
പങ്കാളി | സിയാവൂർ റഹ്മാൻ (1960–1981) |
കുട്ടികൾ | താരിഖ് അറാഫത്ത് |
1982-ൽ പട്ടാള അട്ടിമറിയിലൂടെ സൈനിക ജനറൽ എർഷാദ് അധികാരം പിടിച്ചെടുത്തതിനുശേഷം 1990-ൽ ഇർഷാദിന്റെ ഭരണകൂടം നിലം പതിക്കുന്നതുവരെ ഖാലിദ ജനാധിപത്യത്തിനായുള്ള മുന്നേറ്റത്തിന്റെ ഭാഗമായിരുന്നു. 1991-ലെ പൊതു തിരഞ്ഞെടുപ്പിൽ ബി.എൻ.പി. അധികാരത്തിൽ വന്നതോടെ ഖാലിദ ഭരണത്തിലെത്തി. 1996-ൽ കുറച്ചുകാലം മാത്രം അധികാരത്തിലുണ്ടായിരുന്ന ഭരണകൂടത്തിലും ഖാലിദ പ്രധാനമന്ത്രിയായിരുന്നു. 1996-ൽ രണ്ടാം വട്ട തിരഞ്ഞെടുപ്പിനുശേഷം അവാമി ലീഗ് അധികാരത്തിൽ വന്നു. 2001-ൽ വീണ്ടും ഖാലിദ സിയയുടെ പാർട്ടി അധികാരത്തിലെത്തി. 1991-ലും 1996-ലും 2001-ലും നടന്ന തിരഞ്ഞെടുപ്പുകളിൽ ബംഗ്ലാദേശിൽ അഞ്ച് പാർലമെന്റ് മണ്ഡലങ്ങളിൽ നിന്ന് ഖാലിദ സിയ തിരഞ്ഞെടുക്കപ്പെടുകയുണ്ടായി.
ഫോബ്സ് മാസിക ലോകത്തെ ഏറ്റവും ശക്തരായ സ്ത്രീകളുടെ പട്ടികയിൽ ഖാലിദ സിയയെ 2004-ൽ 14-ആം സ്ഥാനത്തും,[2] 2005-ൽ 29-ആം സ്ഥാനത്തും,[3] 2006-ൽ 33-ആം സ്ഥാനത്തും[3][4] ഉൾപ്പെടുത്തിയിരുന്നു.
2006-ൽ കാലാവധി അവസാനിച്ചശേഷം 2007 ജനുവരിയിൽ നടത്താനിരുന്ന തിരഞ്ഞെടുപ്പ് രാഷ്ട്രീയ അക്രമങ്ങളും ഉൾപ്പോരും കാരണം വൈകുകയുണ്ടായി. ഇത് രക്തച്ചൊരിച്ചിലില്ല്ലാതെ ഒരു പട്ടാളവിപ്ലവത്തിലൂടെ ഒരു കാവൽ ഭരണകൂടം അധികാരത്തിലെത്തി. ഇക്കാലത്ത് ഖാലിദ സിയയ്ക്കും രണ്ട് മക്കൾക്കുമെതിരായി അഴിമതിക്കേസുകൾ ചാർജ്ജ് ചെയ്യുകയുണ്ടായി.[5][6][7]