ഇഗ്വാസു വെള്ളച്ചാട്ടം
From Wikipedia, the free encyclopedia
ദക്ഷിണ അമേരിക്കൻ രാജ്യങ്ങളായ അർജന്റീന, ബ്രസീൽ രാജ്യങ്ങളെ വേർതിരിക്കുന്ന ഇഗ്വാസു നദിയിൽ രൂപപ്പെട്ട വെള്ളച്ചാട്ടമാണ് ഇഗ്വാസു വെള്ളച്ചാട്ടം. അർജന്റിനയിലെ മിഷ്യൻസ് പ്രവിശ്യയിലും ബ്രസീലിലെ പരാന സംസ്ഥാനത്തുകൂടിയാണ് ഈ നദി ഒഴുകുന്നത്. 82 മീറ്റർ (270 അടി) പൊക്കവും 150 മീറ്റർ (500അടി) വീതിയും 700 മീറ്റർ (2300അടി)[1] നീളവുമുള്ള ഈ വെള്ള ചാട്ടം ചെകുത്താന്റെ തൊണ്ട (ഡെവിൽസ് ത്രോട്ട് (ഗാർഗന്ത ദോ ജിയാബ്ലോ) എന്നാണ് അറിയപ്പെടുന്നത്. വെള്ളച്ചാട്ടത്തിന് മുകളിലുള്ള ഇഗ്വാസു നദിയെ അപ്പർ ഇഗ്വാസുവെന്നും താഴെ ഉള്ളതിനെ ലോവർ ഇഗ്വാസു എന്നുമാണ് അറിയപ്പെടുന്നത്. ലോവർ ഇഗ്വാസുവിലെ ജലം പരാന നദിയിലാണ് എത്തിച്ചേരുന്നത്. ഇഗ്വാസുവിന്റെ ഉത്ഭവം ബ്രസീലിയൻ മല നിരകളിൽ നിന്നാണ്. വെള്ളച്ചാട്ടത്തിന്റെ നാലിൽ മൂന്നു ഭാഗവും അർജന്റീനയിലാണ്. 1970കളിൽ നിർമ്മിച്ച ലോകത്തിലെ ഏറ്റവും വലിയ ജലവൈദ്യുത പദ്ധതിയായി അറിയപ്പെടുന്ന ഇത്തായ്പു (Itaipu) സ്ഥിതി ചെയ്യുന്നത് ഇവിടെയാണ്. മൂന്നു വശങ്ങളിൽ കൂടിയാണ് വെള്ളം ചാടുന്നത്. ഇഗ്വാസു വെള്ളച്ചാട്ടത്തിന് മാത്രമുള്ള പ്രത്യേകതയാണിത്. കരയിൽ നിന്ന് നദിയുടെ മധ്യം വരെ നടപ്പാത കെട്ടിയിട്ടുണ്ട്.
ഇഗ്വാസു വെള്ളച്ചാട്ടം | |
---|---|
Location | Argentina: Misiones Province. Brazil: Paraná State. |
Coordinates | 25°41′12″S 54°26′41″W |
Type | Cataract |
Total height | 60–82 metres (197–269 ft) |
Number of drops | 275 |
Longest drop | 82 metres (269 ft) |
Total width | 2.7 kilometres (1.7 mi) |
Watercourse | Iguazu River |
Average flow rate | 1,756 m3/s (62,010 cu ft/s) |