കോളാമ്പി (സസ്യം)

കോളാമ്പി Golden Trumpet
Scientific classification
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Gentianales
Family:	Apocynaceae
Genus:	Allamanda
Species:	A. cathartica
Binomial name
	Allamanda cathartica; L.

ബ്രസീൽ സ്വദേശിയായ ഒരു നിത്യഹരിതസസ്യമാണ്‌ അപ്പോസൈനേസീ (Apocynaceae) കുടുംബത്തിൽപ്പെടുന്ന കോളാമ്പി^[1]. മുറുക്കി തുപ്പുന്നതിന് കേരളത്തിൽ സർവസാധാരണയായി ഉപയോഗിച്ചുവന്നിരുന്ന കോളാമ്പിയുടെ ആകൃതിയോട് ഈ പുവിന് സാമ്യമുള്ളതിനാലാണ് ഈ പൂവിനെ കോളാമ്പിയെന്ന് വിളിക്കുന്നത്. മൂന്ന് മീറ്റർ വരെ ഉയരത്തിൽ വളരുന്ന ഇതിൽ 5 മുതൽ 7 സെന്റീമീറ്റർ വ്യാസമുള്ള, മഞ്ഞ നിറത്തിലുള്ള പൂവുകൾ ഉണ്ടാവും. സംസ്കൃതത്തിൽ ചക്ഷപുഷ്പി എന്നും ഇംഗ്ലീഷിൽ ഗോൾഡൻ ട്രമ്പറ്റ് (golden trumpet), കോമൺ ട്രംപറ്റ്വൈൻ (common trumpetvine), യെല്ലോ അലമാണ്ട (yellow allamanda) എന്നും പേരുണ്ട്. അരളി ചെടി പോലെ തന്നെ ഇവയുടെ ഇലയിലും പൂവിലും വിഷം അടങ്ങിയിട്ടുണ്ട്^[2].