From Wikipedia, the free encyclopedia
Хуан Гилермо Квадрадо Бело (роден на 26 мај 1988, во Некокли) — колумбиски фудбалер, играч од средниот ред на Интер и на колумбиската репрезентација.
Хуан Квадрадо | |||
---|---|---|---|
![]() | |||
Лични податоци | |||
Полно име | Хуан Гилермо Квадрадо Бело[1] | ||
Роден на | 26 мај 1988[1] | ||
Роден во | Некокли, Колумбија | ||
Држава |
![]() | ||
Висина | м | 1,76||
Позиција | крило | ||
Клупски податоци | |||
Сегашен клуб |
![]() | ||
Број | 17 | ||
Агент |
![]() | ||
Младинска кариера | |||
![]() | |||
Кариера* | |||
Години | Клуб | Наст. | (Гол.) |
2006-2009 |
![]() | 30 | (2) |
2009-2011 |
![]() | 20 | (0) |
2011-2012 |
→![]() | 35 | (17) |
2012-2015 |
![]() | 85 | (20) |
2015 |
![]() | 13 | (0) |
2015-2023 |
![]() | 224 | (20) |
2023- |
![]() | 0 | (0) |
Репрезентација ‡ | |||
2010- |
![]() | 78 | (8) |
* Ажурирано на: 6 јануари 2011 ** Ажурирано на: 17 ноември 2010 |
Има прекар Веспа заради својата брзина.[2]
Квадрадо е роден во Некокли како син на Марсела Бело Квадрадо и Гилермо Квадрадо,[3] возач на камион. Тој израснал во Тумако. Неговиот татко бил застрелан кога имал 5 години.[4] Во едно интервју неговата мајка изјавила дека Квадрадо морал да биде совршен ученик за да може да игра фудбал.[3] Тој е побожен христијанин.[5]
Во 2016 Квадрадо се оженил со италијанката Мелиса Ботеро со која имаат едно дете, ќерката Лусија.[6]
За време на сезоната 2017-2018, Квадрадо се појавува во документарната серија на Netflix наречена First team: Juventus. Во еден од деловите тој открива детали од својот живот пред фудбалот, сиромаштијата и тешкото детство, изјавувајќи: Денес сите ме знаете како фудбалерот Квадрадо, но малкумина го познаваа малото сиромашно момче Квадрадо од Некокли.
Тој може да игра на сите позиции по десната страна како десен бек, крило во линија со 4 или 5 играчи, а може да игра и како офанзивно крило во напад со 3, каде што, исто така, може да биде користен и на левата страна. Неговите најдобри одлики се неговата брзина, дриблинг и продор, благодарение на кои тој е незапирлив кога има простор во отворено поле. Тој, исто така стекнал и добар удар со двете нозе во текот на последните години од неговата кариера, што му овозможило почесто да постигнува голови отколку на почетокот на кариерата. Обожава ситуации еден на еден со противниците каде може да го прикаже одличниот дриблинг кој го поседува.[7]
Играјќи на десната страна во одбраната, тој ги направил првите фудбалски чекори во малку познатата екипа Атлетико Ураба, пред да биде ангажиран од страна на Индепендиенте Медељин во 2007. Во првите месеци од 2008 е повикан во првиот тим, каде собира 21 настап и 2 гола.
Во почетокот на јуни, претседателот на Индепендиенте Медељин го потврдил интересот на Удинезе за ангажман на играчот.[8] и всушност на 3 јули 2009 тој пристигнал во Удинезе, потпишувајќи постојан петогодишен договор[9][10] и дебитирал во Серија А на 1 ноември.
На 3 август 2011, Квадрадо заминал на заем во Лече.[11] Својот прв гол за Лече, и прв во Серија А, го постигнал на 6 ноември 2011 година, со соло акција на Мануци против Чезена, во натпревар кој Лече го добил со 1-0 благодарение на неговиот погодок.[12]. По завршувањето на сезоната Лече не успеал да избори опстанок и испаднал во Серија Б, па Квадрадо се вратил во Удинезе. Истата година тој исто така ја освоил наградата за играч кој направил највеќе дриблинзи во Серија А.
На 23 јули 2012, бил купен од страна на Фјорентина[13] на заем од 1 милион евра со право на откуп на половината од договорот за 5 милиони евра.[14][15] Тој го направил своето деби во виолетовиот дрес на 18 август во натпреварот од Купот на Италија Фјорентина-Новара 2-0, влегувајќи од клупата за резерви, на местото на Мануел Пасквал во 58-мата минута.[16] На 4 ноември го постигнал својот прв гол за Виола, во 11-тото коло од првенството, победата со 4-1 на домашен терен над Каљари.[17] До крајот на сезоната, постигнал уште 4 гола (сите во првенството), во победите над Џенова (3-2), Торино (4-3) и Сампдорија (0-3), како и во поразот со 2-1 од Каљари. Својата деби сезона во дресот на Фјорентина ја завршил со 36 настапи во Серија А и 4 во Купот на Италија. Исто така бил избран во идеалниот тим на Серија А сезоната 2012-2013.
На 17 јуни 2013, Фјорентина ја искористила опцијата за откуп на половина од договорот, со што тој станал играч во ко-сопственост помеѓу Фјоренитина и Удинезе.[18] Својата втора сезона во клубот, Квадрадо ја започнал со гол во првиот натпревар од плејофот на Лигата на Европа против Грасхопер, помагајќи му на својот тим да победи со 2-1 на гости. На 27 октомври 2013, за првпат во својата кариера постигнал два гола на еден натпревар, во мечот Кјево-Фјорентина 1-2, со кој ја анулирал негативата на својот тим и со пресврт го донел до конечна победа.[19] Сезоната ја затворил со вкупно 43 настапи во сите натпреварувања (Серија А, Купот на Италија и Лигата на Европа), постигнувајќи 15 гола од кој 11 биле во лигата. По завршувањето на сезоната одново бил избран во идеалниот тим на првенството.
На 19 јуни 2014, Фјорентина целосно го откупила договорот на Квадрадо за 14,5 милиони евра.[20] Со тоа тој станал најскапиот трансфер на Фјорентина откако сопственик на клубот е Дела Вале, платен вкупно 21 милион (еден милиони евра за заем во првата година, 5,5 милиони евра за првата половина од договорот и 14,5 за конечната отплата).[21] На 18 септември, го постигнал својот прв гол во неговата трета сезона против Генгамп (во Лига Европа) во победата со 3-0.[22] На 24 октомври потпишал нов договор со виола во трајност до 30 јуни 2019, со вметната клаузула за престанок од 35 милиони евра.[23] На 11 декември, во натпреварот Фјорентина-Динамо Минск 1-2 во Лигата на Европа, го направил 100-тиот настап во дресот на Фјорентина. Во својата последна сезона постигнал 6 гола на 23 натпревари, пред да го напушти клубот во февруари 2015, после две и пол години поминати на Артемио Франки.
Вкупно за Фјорентина одиграл 106 натпревари и постигнал 26 гола.
На 2 февруари 2015 година, Квадрадо потпишал четири и пол годишен договор со Челси[24] за сума од 33 милиони евра плус позајмица на Мохамед Салах во Фјорентина.[25] По потпишувањето, Квадрадо изјавил: "Јас сум многу задоволен и благодарен за укажаната прилика. Ова е голем клуб и искрено тоа е како сон да станеш дел од семејството на Челзи и да знаеш дека менаџерот (Жозе Мурињо) верува во мене. Јас сум среќен".[24]
Пет дена по потпишувањето, Квадрадо го направил своето деби за Челси, влегувајќи на местото на Вилијан за последните десет минути од победата со 2-1 на гостувањето кај Астон Вила.[26] На 11 февруари го направил својот прв старт во својот прв настап на Стемфорд Бриџ, играјќи до 70-тата минута пред да биде заменет од страна на Сеск Фабрегас во победата со 1-0 над Евертон.[27] На 1 март го освоил својот прв трофеј со Челзи, после подбедата со 2-0 над Тотенхем во финалето на Лига купот; Квадрадо влегол во игра во 76-тата минута на местото на Вилијан.[28] Како одговор кон критиките упатени на адреса на менаџерот заради малата минутажа на Квадрадо, Мурињо во едно интервју изјавил: "Сите сметаат дека тој треба да игра во секое време или барем секој натпревар, но како и секој играч кој ќе се приклучи на нов клуб, тој треба време. Јас верувам дека тој ќе биде неверојатен во следната сезона".[29] На 3 мај, Квадрадо го направил својот трет старт за Челзи, во натпреварот против Кристал Палас, меѓутоа веќе на полувремето бил заменет со Џон Оби Микел; Челзи победил со 1-0 и математички ја заверил титулата во Премиер лигата.[30] Три недели подоцна, во последниот натпревар од сезоната против Сандерленд, тој заработил пенал по фаулот што врз него го извршил Џон О'Шеи, од кој Диего Коста го изедначил резултатот а потоа Челси победил со 3-1.[31]
На 25 август 2015 година, Квадрадо му се приклучил на Јувентус на заем до 30 јуни 2016.[32][33] На презентацијата го избрал дресот со број 16.[34] На 30 август, го направил своето деби за Јувентус, влегувајќи како замена во 72-та минута на местото на Симоне Падоин во поразот со 2-1 од Рома.[35] На 31 октомври го постигнал својот прв гол во новиот дрес во градското дерби против Торино и тоа за победа на неговиот тим со 2-1 во третата минута од судиско продолжение.[36] Својот втор гол за сезоната го постигнал на 13 декември, во победата на домашен терен над неговиот поранешен клуб Фјорентина со 3-1.[37] На 16 март го постигнал својот прв погодок во Лигата на шампионите на Алијанц Арена против Бајерн Минхен, во поразот по продолженија со 4-2 во осминафиналето.[38] На 25 април, Квадрадо со екипата на Јувентус го освојува италијанското првенство, неговото прво лично скудето во кариерата.[39][40] На 21 мај му помогнал на својот Јувентус да го освои Купот на Италија, асистирајќи му на Алваро Мората за единствениот гол во финалето против Милан.
Во летото 2016 Квадрадо се вратил во Челси но побарал од клубот трансфер назад во Италија каде покрај Јувентус, кој сакал да го задржи се појавиле уште неколку заинтерсирани клубови меѓу кои Интер и Милан. Сепак, по долги преговори на 31 август во последниот ден од трансферниот прозорец Квадрадо се вратил во Јувентус со договор за тригодишен заем за 5 милиони евра по сезона, плус обврска за откуп на играчот за дополнителни 20 милиони евра. По враќањето во клубот Квадрадо го зел дресот со број 7. На 18 октомври, Квадрадо постигнал ретко видлив гол со удар од косо во победата со 1-0 на гостувањето кај Олимпик Лион во Лигата на шампионите.[41] На 5 февруари 2017, во првенството, колумбиецот го одлучил Дербито на Италија со уште еден прекрасен погодок со удар од далечина во победата со 1-0 на домашен терен против Интер.[42] Откако освоил нова домашна двојна круна со Јувентус во сезоната 2016-2017, на 22 мај тој бил откупен од страна на бјанконерите за 20 милиони евра.[43] Квадрадо играл и во финалето на Лигата на шампионите каде се појавил како замена на местото на Андреја Барцаљи во второто полувреме, но неговиот настап завршил неславно, откако бил контроверзно исклучен по добивање на втор жолт картон за наводно згазнување врз ногата на Серхио Рамос (што не се случило) во 84-тата минута; Јувентус го загубил финалето со 1-4.[44][45][46]
Откако потпишал за Удинезе, Квадрадо го добил својот прв повик во сениорската репрезентација на Колумбија, и започнал во почетниот состав на натпреварот против Венецуела одигран на 3 септември 2010 во Пуерто Ла Круз, притоа постигнувајќи го првиот гол во победата со 2-0.[47]
Квадрадо бил дел од колумбиската репрезентација која се пласирала во четврт-финалето на Копа Америка 2011 во Аргентина; правејќи го единствениот настап на турнирот во нивниот последен натпревар од групната фаза, победата со 2-0 победа над Боливија во Санта Фе, влегувајќи од клупата за резерви на местото на Фреди Гуарин во 50-тата минута.[48]
Во мај 2014 бил избран во 23-члениот состав на Колумбија за Светското првенство 2014 во Бразил.[49] Во третиот натпревар од групата, победата со 4-1 над Јапонија, тој го постигнал првиот гол на натпреварот од пенал.[50] Тој го завршил натпреварувањето со 4 асистенции, колку што имал и Тони Крос од Германија со што тие двајца биле водечки играчи во оваа категорија.[51]
Квадрадо ги одиграл сите минути на патот на Колумбија до четвртфиналето на Копа Америка 2015 во Чиле, и постигнал гол во натпреварот против Аргентина кој неговата репрезентација го загубила на пенали.[52]
На 13 октомври 2015, бил исклучен на крајот од натпреварот на Колумбија против Уругвај во поразот со 3–0 во квалификациите за Светското првенство 2018, за удирање со лакт во лицето на Диего Ролан.[53]
Тој бил вклучен во составот на Колумбија за Копа Америка Сентенарио,[54] каде стигнале до третото место а Квадрадо играл во сите шест натпревари.
На Светското првенство 2018, Квадрадо ги одиграл сите 4 натпревари на неговата земја, а Колумбија била елиминирана во осминафиналето од Англија на пенали.[55] Тој постигнал еден гол на турнирот, последниот во победата со 3–0 над Полска во второто коло од групата Х.[55][56]
Хронологија на настапи и постигнати голови за националната селекција ― Колумбија | ||||||||
---|---|---|---|---|---|---|---|---|
Дата | Град | Домашни | Резултат | Гости | Натпреварување | Голови | Инфо | Детали |
03-09-2010 | Пуерто Ла Круз | Венецуела ![]() | 0 – 2 | ![]() | Пријателска | 1 | ![]() | |
07-09-2010 | Монтереј | Мексико ![]() | 1 – 0 | ![]() | Пријателска | - | ![]() | |
08-10-2010 | Њу Џерси | Еквадор ![]() | 0 – 1 | ![]() | Пријателска | - | ![]() | |
12-10-2010 | Честер | САД ![]() | 0 – 0 | ![]() | Пријателска | - | ![]() | |
09-02-2011 | Мадрид | Шпанија ![]() | 1 – 0 | ![]() | Пријателска | - | ![]() | |
29-03-2011 | Хаг | Чиле ![]() | 2 – 0 | ![]() | Пријателска | - | ![]() | |
10-07-2011 | Санта Фе | Колумбија ![]() | 2 – 0 | ![]() | Копа Америка 2011 - Прва фаза | - | ![]() | |
03-09-2011 | Њу Џерси | Хондурас ![]() | 0 – 2 | ![]() | Пријателска | - | ![]() ![]() | |
29-02-2012 | Мајами Гарденс | Мексико ![]() | 0 – 2 | ![]() | Пријателска | 1 | ![]() | |
03-06-2012 | Лима | Перу ![]() | 0 – 1 | ![]() | Квал. за СП 2014 | - | ![]() | |
10-06-2012 | Кито | Еквадор ![]() | 1 – 0 | ![]() | Квал. за СП 2014 | - | ![]() | |
11-09-2012 | Сантјаго | Чиле ![]() | 1 – 3 | ![]() | Квал. за СП 2014 | - | ![]() | |
12-10-2012 | Баранквила | Колумбија ![]() | 2 – 0 | ![]() | Квал. за СП 2014 | - | ![]() | |
16-10-2012 | Баранквила | Колумбија ![]() | 3 – 0 | ![]() | Пријателска | - | ![]() ![]() | |
14-11-2012 | Ист Ратерфорд | Бразил ![]() | 1 – 1 | ![]() | Пријателска | 1 | ||
06-02-2013 | Мајами Гарденс | Гватемала ![]() | 1 – 4 | ![]() | Пријателска | - | ![]() | |
22-03-2013 | Баранквила | Колумбија ![]() | 5 – 0 | ![]() | Квал. за СП 2014 | - | ![]() | |
26-03-2013 | Пуерто Ордаз | Венецуела ![]() | 1 – 0 | ![]() | Квал. за СП 2014 | - | ![]() | |
07-06-2013 | Буенос Аирес | Аргентина ![]() | 0 – 0 | ![]() | Квал. за СП 2014 | - | ![]() ![]() | |
11-06-2013 | Баранквила | Колумбија ![]() | 2 – 0 | ![]() | Квал. за СП 2014 | - | ![]() | |
14-08-2013 | Баранквила | Колумбија ![]() | 1 – 0 | ![]() | Пријателска | - | ![]() | |
06-09-2013 | Баранквила | Колумбија ![]() | 1 – 0 | ![]() | Квал. за СП 2014 | - | ![]() | |
10-09-2013 | Монтевидео | Уругвај ![]() | 2 – 0 | ![]() | Квал. за СП 2014 | - | ![]() | |
11-10-2013 | Баранквила | Колумбија ![]() | 3 – 3 | ![]() | Квал. за СП 2014 | - | ![]() | |
14-11-2013 | Брисел | Бразил ![]() | 0 – 2 | ![]() | Пријателска | - | ![]() | |
19-11-2013 | Амстердам | Холандија ![]() | 0 – 0 | ![]() | Пријателска | - | ![]() | |
05-03-2014 | Корнеља де Љобрегат | Колумбија ![]() | 1 – 1 | ![]() | Пријателска | - | ![]() ![]() | |
06-06-2014 | Буенос Аирес | Колумбија ![]() | 3 – 0 | ![]() | Пријателска | 1 | ![]() ![]() | |
14-06-2014 | Бело Хоризонте | Колумбија ![]() | 3 – 0 | ![]() | СП 2014 - Прва фаза | - | ||
19-06-2014 | Бразилија | Колумбија ![]() | 2 – 1 | ![]() | СП 2014 - Прва фаза | - | ||
24-06-2014 | Кујаба | Јапонија ![]() | 1 – 4 | ![]() | СП 2014 - Прва фаза | 1 | ![]() | |
28-06-2014 | Рио Де Жанеиро | Колумбија ![]() | 2 – 0 | ![]() | СП 2014 - Осминафинале | - | ![]() | |
04-07-2014 | Форталеца | Бразил ![]() | 2 – 1 | ![]() | СП 2014 - Четвртфинале | - | ![]() | |
05-09-2014 | Мајами Гарденс | Бразил ![]() | 1 – 0 | ![]() | Пријателска | - | ![]() ![]() ![]() | |
14-10-2014 | Њу Џерси | Канада ![]() | 0 – 1 | ![]() | Пријателска | - | ||
14-11-2014 | Лондон | САД ![]() | 1 – 2 | ![]() | Пријателска | - | ![]() | |
18-11-2014 | Љубљана | Словенија ![]() | 0 – 1 | ![]() | Пријателска | - | ![]() | |
26-03-2015 | Рифа | Бахреин ![]() | 0 – 6 | ![]() | Пријателска | - | ![]() | |
30-03-2015 | Абу Даби | Колумбија ![]() | 3 – 1 | ![]() | Пријателска | - | ![]() | |
06-06-2015 | Буенос Аирес | Колумбија ![]() | 1 – 0 | ![]() | Пријателска | - | ![]() ![]() | |
14-06-2015 | Ранкагва | Колумбија ![]() | 0 – 1 | ![]() | Копа Америка 2015 - Прва фаза | - | ||
17-06-2015 | Сантјаго | Бразил ![]() | 0 – 1 | ![]() | Копа Америка 2015 - Прва фаза | - | ||
21-06-2015 | Темуко | Колумбија ![]() | 0 – 0 | ![]() | Копа Америка 2015 - Прва фаза | - | ||
26-06-2015 | Виња дел мар | Аргентина ![]() | 0 – 0 прод. (5-4 пен.) | ![]() | Копа Америка 2015 - Четвртфинале | - | ![]() | |
Вкупно | Настапи | 44 | Голови | 5 |
Статистиката е ажурирана на 16 август 2015.
Сезона | Клуб | Првенство | Национален куп | Континентален куп | Останати купови | Вкупно | |||||||||
---|---|---|---|---|---|---|---|---|---|---|---|---|---|---|---|
Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
2008 | ![]() | КПА | 21 | 2 | - | - | - | - | - | - | - | - | - | 21 | 2 |
2009 | КПА | 9 | 0 | - | - | - | КЛ | 2 | 0 | - | - | - | 11 | 0 | |
Вкупно Инд. Медељин | 30 | 2 | 2 | 0 | 32 | 2 | |||||||||
2009-2010 | ![]() | А | 11 | 0 | КИ | 1 | 0 | - | - | - | - | - | - | 12 | 0 |
2010-2011 | А | 9 | 0 | КИ | 3 | 0 | - | - | - | - | - | - | 12 | 0 | |
Вкупно Удинезе | 20 | 0 | 4 | 0 | - | - | - | - | 24 | 0 | |||||
2011-2012 | ![]() | А | 33 | 3 | КИ | 0 | 0 | - | - | - | - | - | - | 33 | 3 |
2012-2013 | ![]() | А | 36 | 5 | КИ | 4 | 0 | - | - | - | - | - | - | 40 | 5 |
2013-2014 | А | 32 | 11 | КИ | 3 | 1 | ЛЕ | 8[57] | 3[58] | - | - | - | 43 | 15 | |
2014-јан. 2015 | А | 17 | 4 | КИ | 1 | 1 | ЛЕ | 5 | 1 | - | - | - | 23 | 6 | |
Вкупно Фјорентина | 85 | 20 | 8 | 2 | 13 | 4 | - | - | 106 | 26 | |||||
јан.-јун. 2015 | ![]() | ПЛ | 12 | 0 | ФАКуп+ЛК | 0+1 | 0 | ЛШ | 1 | 0 | - | - | - | 14 | 0 |
авг. 2015 | ПЛ | 1 | 0 | ФАКуп+ЛК | - | - | ЛШ | - | - | КШ | 0 | 0 | 1 | 0 | |
Вкупно Челси | 13 | 0 | 1 | 0 | 1 | 0 | 0 | 0 | 15 | 0 | |||||
авг. 2015-2016 | ![]() | A | 28 | 4 | КИ | 4 | 0 | ЛШ | 8 | 1 | СИ | - | - | 40 | 5 |
2016-2017 | А | 30 | 2 | КИ | 3 | 0 | ЛШ | 12 | 1 | СИ | 0 | 0 | 45 | 3 | |
2017-2018 | А | 21 | 4 | КИ | 1 | 0 | ЛШ | 6 | 1 | СИ | 1 | 0 | 29 | 5 | |
2018-2019 | А | 18 | 1 | КИ | 0 | 0 | ЛШ | 5 | 0 | СИ | 0 | 0 | 23 | 1 | |
2019-2020 | А | 0 | 0 | КИ | 0 | 0 | ЛШ | 0 | 0 | СИ | 0 | 0 | 0 | 0 | |
Вкупно Јувентус | 97 | 11 | 8 | 0 | 31 | 3 | 1 | 0 | 137 | 14 | |||||
Вкупно во кариерата | 278 | 36 | 21 | 2 | 47 | 7 | 1 | 0 | 347 | 45 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.