Сочи
From Wikipedia, the free encyclopedia
Сочи (руски: Со́чи) — град во Краснодарскиот крај, Русија, сместен на брегот на Црното Море близу границата помеѓу Грузија/Абхазија и Русија. Поголемата област на Сочи, која вклучува територии и области подредени на градот Сочи, има вкупна површина од 3.526 км2[5] и се протега 145 километри долж брегот на Црното Море близу Кавказот. Површината на самиот град изнесува 176,77 км2.[5] Според пописот во 2010, градот имал постојано население од 343.334 жители,[6] додека во 2002 имал 328.809 жители,[10] со што е најголемо руско одморалиште. Тоа е едно од малкуте места во Русија со суптропска клима, со топли до жешки лета и свежни зими.
| Сочи Сочи | |||
|---|---|---|---|
| Град[1] | |||
.jpg) Зимски театар во Сочи | |||
| |||
Местоположба на Сочи
 | |||
| Држава | Русија | ||
| Федерален субјект | Краснодарски Крај | ||
| Основан во | 1838[2][3] | ||
| Управа | |||
| • Орган | Градско собрание | ||
| • Претседател[4] | Анатолиј Пахомов[4] | ||
| Површина[5] | |||
| • Вкупна | 176,77 км2 (6,825 ми2) | ||
| Надм. вис. | 65 м | ||
| Население (попис 2010)[6] | |||
| • Вкупно | 343.334 | ||
| • Ранг | 52. во 2010 | ||
| • Густина | 19/км2 (50/ми2) | ||
| • Подреден на | Град Сочи[1] | ||
| • Седиште на | Град Сочи[1] | ||
| • Градски округ | Урбан округ Сочи[7] | ||
| • Седиште на | Урбан округ Сочи[7] | ||
| Час. појас | московско време  [8] (UTC+3) | ||
| Поштенски бр.[9] | 354000, 354002–354004, 354008–354010, 354013, 354014, 354018, 354019, 354022, 354024, 354025, 354030, 354031, 354033, 354036, 354037, 354039, 354053–354055, 354057, 354059, 354061, 354065–354068, 354071, 354073, 354084, 354099, 354200, 354202–354214, 354216–354218, 354220, 354226, 354231, 354233, 354299, 354340, 354346, 354348, 354349, 354354, 354355, 354364, 354380, 354382, 354383, 354399, 993501 | ||
| Повик. број. | +7 8622 | ||
| Мреж. место | sochiru.ru | ||
.svg)
.svg)
Сочи ќе биде домаќин на XXII Зимските олимписки игри и XI Зимски параолимписки игри во 2014, иако алпските и нордиските настани ќе се одржуваат во блискиот скијачки центар Роза Хутор во Краснаја Полјана. Сочи ќе биде домаќин на Големата награда на Русија во Формула 1 од 2014 и најмалку до 2010.[11][12] Исто така ќе биде еден од градовите домаќини за Светското првенство во фудбал 2018.
Областа Сочи е распослана долж брегот на Црното Море со вкупна должина од 145 километри. Во зависност од изборот на границата помеѓу Европа и Азија, некои извори тврдат дека Сочи е во Европа, но доколку се користат Кавкаските Планини како граница, тогаш Сочи е во Југозападна Азија, припаѓајќи на јужната (азиска) страна на Големиот Кавказ.[13][14] Гледано административно, Сочи припаѓа на Краснодарскиот крај, кој географски целосно припаѓа на Европска Русија[15][16][17], како што вообичаено се смета за сите територии на Русија западно од планината Урал и од реката Урал.[18][19] Сочи се наоѓа на 1.603 километри од Москва.[20]
Градот Сочи се граничи со округот Туапсински на северозапад, со округот Апшеронски и со округот Мајкопски на Републиката Адигеја на север, со округот Мостовски на северозапад и со Абхазија на југоисток. На југозапад се граничи со Црното Море.
Карта на Црното Море и местоположбата на Сочи
Сочи погледнат од Црното Море
Големо мнозинство на населението на Сочи живее во тесниот појас долж брегот и е организирано во независни микроокрузи (порано населби). Најголем од овие окрузи, од северозапад на југоисток, се Лазаревскоје, Ло, Дагомис, Сочи (Централен градски округ), Хоста, Мацеста и Адлер. Целиот град е сместен на падините на Западна Кавказ, кој се спушта до Црното Море и е преселен од реките. Најголеми реки во Сочи се Мзимта, која е всушност најголема притока на Црното Море во Русија и Шахе. Други реки се Аше, Псезуапсе, Сочи, Хоста и Мацеста. Реката Псоу ја определува границата со Абхазија.
Североисточниот дел на градот припаѓа на Кавказ Заповедник, што претставува светско природно наследство, покривајќи огромни области во Краснодарски крај и Адигеја. Скоро целата област во Поголемиот Сочи, со исклучок на брегот и на областа што припаѓа Кавказ Заповедник, се вклучени во Националниот парк Сочи.
Градот има мнозинство на етнички Руси (~70%) и значајно ерменско малцинство (~20%), особено во градскиот округ Адлерски.[21][22]
| Година | Вк. население | Урбан | Руси | Ерменци | Украинци | Грузијци |
|---|---|---|---|---|---|---|
| 1887 | 98 | н.п. | ||||
| 1891 | 460 | н.п. | ||||
| 1897[23] | 1.352 | н.п | 37,9% | 6,0% | 19,9% | 17,1% |
| 1904 | 8.163 | н.п. | ||||
| 1916 | 13.254 | н.п. | ||||
| 1926 | 13.000 | н.п. | ||||
| 1939 | 72.597 | 49.813 | ||||
| 1959 | 127.000 | 81.912 | ||||
| 1970 | 245.300 | 203.100 | ||||
| 1979 | 292.300 | 245.600 | ||||
| 1989[24] | 385.851 | 339.814 | ||||
| 1992 | 369.900 | 322.400 | 68,7% | 14,2% | 5,9% | 1,5% |
| 1994 | 378.300 | н.п. | ||||
| 1997 | 388.200 | н.п. | ||||
| 2002[10][25] | 397.103 | 332.778 | 67,5% | 20,2% | 3,7% | 2,3% |
| 2006 | 395.012 | 329.481 | ||||
| 2007 | 402.043 | 331.059 | ||||
| 2008 | 406.800 | 334.282 | ||||
| 2009 | 410.987 | 337.947 | ||||
| 2010[6] | 420.589 | 347.932 | 69,92% | 20,09% | 2,29% | 2,03% |
| Извор, ако не е поинаку обележано:[26][27][28][29] | ||||||
Религија
Пред 1864, Сочи бил мало село. На север, неколку стотици сунити со адигејско потекло, живееле околу Тхагапш, близу Лазаревскоје. Адигејците преминале од Ислам во Христијанство во XVII век.[30]
Моментално, Сочи е преовладувачки христијански град, иако се претпоставува дека има околу 20.000 муслимани (5% од населението), мнозинството од нив се Адигејци, како и други групи.[31]
Била изградена џамија во 2008 од ОАЕ во средишниот дел на Битха, како надополнување на старата џамија, која се наоѓала 40 километри северно од центарот на градот[31][32].
Постојат околу триесет православни цркви, а најголема помеѓу нив е онаа на Св. Михаил и два манастири, плус две католички цркви, една во центарот на Сочи и другата во Лазаревскоје. Ерменската заедница, која е важна во Сочи, поседува околу десет цркви.
Сочи има влажна суптропска клима (Кепенова класификација на климата Cfa),[33][34] на пониските височини. Просечна дневна температура во градот е 18,4 °C, додека ноќе паѓа на 11 °C. Во најладните месеци, јануари и февруари, просечната температура изнесува околу 10 °C преку ден и над 3 °C ноќе, додека просечната морска температура е околу 9 °C. Во најтоплите месеци, јули и август, температурата вообичаено се движи од 25 °C до 29 °C во текот на денот, околу 20 °C ноќе, а просечната температура на морето се движи од 23 °C до 24 °C. Градот има околу 2.200 сончеви часови во текот на годината. Обично, летната сезона трае шест месеци, од мај до октомври. Два месеци, април и ноември, се преодни; понекогаш температурите достигнуваат 20 °C, со просечна температура од околу 16 °C по ден и 9 °C ноќе. Декември, јануари, февруари и март се најладни месеци, со просечни температури (од овие четири месеци) 11 °C во текот на денот и 4 °C ноќе. Просечно има околу 1700 мм врнежи во текот на годината.[3][34][35] Сочи се наоѓа на истата должина како Ница, но силните студени ветришта од Азија ги прават зимите помалку топли. Всушност, температурите паѓаат под нулата секоја зима на еден или два дена. Највисока забележана температура била 39,4 °C на 30 јули 2000, а најниска забележана температура била -13,4 °C на 25 јануари 1892.[36]
| Клима на Сочи | |||||||||||||
|---|---|---|---|---|---|---|---|---|---|---|---|---|---|
| Показател | Јан | Фев | Мар | Апр | Мај | Јун | Јул | Авг | Сеп | Окт | Ное | Дек | Годишно |
| Апсолутна максимална (°C) | 21,2 | 23,8 | 30,0 | 31,6 | 34,3 | 35,5 | 39,4 | 36,3 | 36,0 | 32,1 | 29,1 | 23,1 | 39,4 |
| Просечна максимална (°C) | 10,3 | 10,4 | 12,8 | 16,3 | 20,5 | 24,8 | 28,0 | 28,8 | 25,5 | 21,0 | 16,1 | 12,3 | 18,9 |
| Просечна температура (°C) | 5,9 | 6,0 | 8,4 | 11,7 | 16,0 | 20,5 | 23,8 | 24,4 | 20,5 | 16,0 | 10,7 | 7,5 | 14,3 |
| Просечна минимална (°C) | 2,5 | 2,5 | 4,7 | 7,8 | 11,8 | 16,5 | 19,8 | 20,5 | 16,5 | 12,3 | 7,0 | 4,0 | 10,5 |
| Апсолутна минимална (°C) | −13,4 | −12,6 | −6,9 | −5 | 3,0 | 7,1 | 12,6 | 10,4 | 2,7 | −3,2 | −5,4 | −8,3 | −13,4 |
| Просечно кол. врнежи (мм) | 184 | 135 | 121 | 120 | 110 | 104 | 128 | 121 | 127 | 167 | 201 | 185 | 1.703 |
| Врнежливи денови (≥ 2,0 мм) | 19 | 18 | 18 | 18 | 16 | 14 | 11 | 10 | 13 | 15 | 17 | 20 | 189 |
| Снежни денови (≥ 2,0 см) | 6 | 6 | 3 | 0,3 | 0 | 0 | 0 | 0 | 0 | 0 | 1 | 4 | 20 |
| Влага (%) | 73 | 72 | 72 | 75 | 79 | 79 | 79 | 78 | 76 | 76 | 74 | 72 | 75 |
| Сончеви часови (месечно) | 96,1 | 107,4 | 145,7 | 162,0 | 220,1 | 258,0 | 279,0 | 282,1 | 225,0 | 195,3 | 120,0 | 86,8 | 2.177,5 |
| Јан | Фев | Мар | Апр | Мај | Јун | Јул | Авг | Сеп | Окт | Ное | Дек | Год |
|---|---|---|---|---|---|---|---|---|---|---|---|---|
| 9,6 °C | 8,7 °C | 9,6 °C | 11,2 °C | 15,2 °C | 19,6 °C | 24,0 °C | 25,3 °C | 23,1 °C | 19,5 °C | 14,9 °C | 11,5 °C | 16,0 °C |
- Јуриј Денисјук — физичар
- Андреј Гејм — физичар, истражувач на графенот и добитник на Нобелова награда за 2010[38]
- Јевгениј Кафелников — тенисер
- Дарија Кондакова — ритмичка гимнастичарка
- Григориј Лепс — пејач, текстописец, музичар
- Слава Метревели — фудбалер
- Владимир Немшилов — олимписки пливач
- Борис Немцов — политичар
- Мордехај Шпиглер — руско-израелски фудбалер и менаџер
- Владимир Ткаченко — кошаркар
- Елена Веснина — тенисерка
- Алексеј Војевода — боб-санкач
- Харис Јуничев — советски пливач[39]
- Марија Шарапова — тенисерка
Сочи е збратимен со следниве градови:
Поглед на Сочи
Улици на Сочи
Улицата Горки во Сочи
Хотел Приморскаја
Пристаништето
Дендрариум Сочи
Катедрала Св. Михаел
Градина во Сочи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
