Западна Померанија-Риген

Западна Померанија-Риген (германски: Vorpommern-Rügen) — округ во северниот дел на сојузната покраина Мекленбург-Западна Померанија, Германија. Се граничи со (од запад надесно) Балтичкото Море и окрузите Западна Померанија-Грајфсвалд, Мекленбуршка Езерска Област и Росток. Седиштето на округот е ханзеатскиот град Штралзунд.^[2]

Западна Померанија-Риген Landkreis Vorpommern-Rügen
округ
Грб
Земја	Германија
Покраина	Мекленбург-Западна Померанија
Седиште	Штралзунд
Површина
• Вкупна	3.188 км2 (1,231 ми2)
Население (31 декември 2022)[1]
• Вкупно	227.683
• Густина	71/км2 (180/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	VR, GMN, NVP, RDG, RÜG Штралзунд: HST
Мреж. место	www.lk-vr.de

Западна Померанија-Риген се одликува со разновидна крајбрежна пејзажна линија, тргнувајќи од многуте лагуни, плажи и гребени, дел од нив заштитени во националните паркови Западнопомерански лагуни и Јазмунд. Областа е исто така многу популарно одредиште за домашните и меѓународните туристи, вклучувајќи го Риген, најголемиот остров во Германија, островот Хидензе, полуостровот Фишланд-Дарс-Цингст и соседниот град Барт со Аеродромот Штралзунд Барт, пристаништето Засниц и Штралзунд, кој претставува светско културно наследство на УНЕСКО.

Едрење покрај гребените во Националниот парк Јазмунд, на островот Риген. Округот Западна Померанија-Риген е еден од најпопуларните места за домашните и меѓународните туристи во Германија, благодарение на неговата уникатна заштитена природа, добрата инфраструктура, популарната бањска архитектура, историските градови и пространите плажи на бреговите на Балтичкото Море.

Историја

Округот бил основан со спојување на поранешните окрузи Северна Западна Померанија и Риген и поранешниот слободен град Штралзунд, како дел од локалната административна реформа во септември 2011.^[2] Името на округот било одлучено на референдум на 4 септември 2011.^[3] Проектното име за округот било Северна Западна Померанија.

Градови и општини

Слободни градови	Слободни општини
Гримен Марлов Путбус Засниц Штралзунд	Бинц Зидерхолц Цингст

Општински заедници
1. Алтенплен Алтенплен1 Грос Мордорф Клаусдорф Крамерхоф Прец Прон 2. Барт Барт1, 2 Дивиц-Шполдерсхаген Фулендорф Карнин Кенц-Кистров Лебниц Лидерсхаген Прухтен Зал Тринвилерсхаген 3. Берген на Риген Берген на Риген1, 2 Бушвиц Гарц2 Густов Лицов Пархтиц Пациг Позериц Ралсвик Рапин Зелен	4. Дарс/Фишланд Аренсхоп Борн на Дарс1 Дирхаген Преров Вик на Дарс Вустров 5. Францбург-Рихтенберг Францбург1, 2 Глевиц Гремерсдорф-Буххолц Милинхаген-Ебелиц Папенхаген Рихтенберг2 Шплитсдорф Фелгаст Вајтенхаген Вендиш Багендорф 6. Милцов Елменхорст Зундхаген1 Витенхаген	7. Менхгут-Границ Бабе1 Герен Ланкен-Границ Менхгут Зелин Цирков 8. Нипарс Грос Кордсхаген Јакобсдорф Кумеров Лисов Ној Бартелсхаген Нипарс1 Пантелиц Штајнхаген Вендорф Царендорф 9. Север-Риген Алтенкирхен Бреге Дранске Глове Ломе Путгартен Загард1 Вик	10. Рекниц-Требелтал Бад Зилце2 Детмансдорф Дајелсдорф Дрехов Ајксен Грамендорф Гранзебит Хуголдсдорф Линдхолц Трибзес1, 2 11. Рибниц-Дамгартен Аренсхаген-Дасков Рибниц-Дамгартен1, 2 Шлемин Землов 12. Запад-Риген Алтефер Дрешвиц Гингст Хидензе Клис Нојенкирхен Рамбин Замтенс1 Шапроде Трент Уманц
1седиште на општинската заедница;2град

Наводи

1. „Населеност на окрузите, општините и месните заедници во Мекленбург-Западна Померанија на 31 декември 2022 г.“. Статистичка служба на Мекленбург-Западна Померанија. 2023. (германски)
2. „Административна реформа во Мекленбург-Западна Померанија“. Архивирано од изворникот на 2011-10-04. Посетено на 5 септември 2011.
3. „Резултати од референдумот“. Посетено на 5 септември 2011.

54°20′N 13°00′E