Дилмен

Дилмен (германски: Dülmen) — општина во округот Косфелд, Северна Рајна-Вестфалија, Германија.

Дилмен
Градскиот дом и плоштадот Градскиот дом и плоштадот
Дилмен
Управа
Земја	Германија
Покраина	Северна Рајна-Вестфалија
Адм. подрач.	Минстер
Округ	Косфелд
Град единици	7
Градоначалник	Елизабет Штремлау (СДП)
Основни податоци
Површина	184,49 км2
Надм. височина	46 - 150 м
Население	47.937 (31 декември 2023)[1]
- Густина	260 жит/км2
Други информации
Часовен појас	CET/CEST (UTC+1/+2)
Рег. табл.	COE
Пошт. бр.	48249
Повик. бр.	02594
Портал	duelmen.de
Местоположба на град Дилмен во рамките на округот Косфелд
Карта
Координати	51°49′51″N 7°16′42″E

Географија

Сместена е во јужниот дел на Минстерскиот крај, помеѓу реката Липе на југ, ридскиот венец Баумберге на север и реката Емс на исток. Јужно од Дилмен се наоѓа областа Рур.

Населени места

Со реформите на месната управа во 1975 г. општината Дилмен опфаќа следниве 7 населени места, наведени со нивното население во јули 2012 г.^[2]

Нас. место	Население	Домаќинства
Булдерн	5.867	2.497
Дилмен	27.588	11.740
Кирхшпил	4.678	1.991
Мерфелд	2.030	864
Роруп	2.285	972
Хаусдилмен	2.150	915
Хидингзел	1.699	723
Вкупно	46.297	19.701

Мерфелд првпат се споменува во 890 г., а влегол во состав на Дилмен во 1975 г. Роруп првпат се споменува во 1050 г., а влегол во состав на Дилмен во 1975 г.

Историја

Местото првпат се споменува како Дулмени (Dulmenni) во 889 г. како метох на Верденската опатија. Стекнал градски права во 1311, а во 1470 г. се зачленил во Ханзата. Бил дел од Епископското Кнежевство Минстер сè до медијатизацијата во 1803 г. За кратко бил во рацете на династијата Круј, па во 1811 г е преземен од Французите. По поразот на Наполеон, Дилмен влегол во Прусија, во состав на покраината Вестфалија.

За време на Втората светска војна, рафинеријата во Дилмен станала мета на бомбардирање од сојузничките воздухопловни сили, во кое се иништени 90% од градот. Дилмен е обновен по по војната, а во 1973 г. населението достигнало 20.000 жители. Во 1975 г. станал општина, и кон него се припоени селата Роруп, Мерфелд, Хидингзел, Булдерн, Хаусдилмен и Кирхшпил.

Капелата „Св. Јован Непомучки“ во Хидингзел

Калуѓерската кула во Дилмен

Збратимени градови

Дилмен е збратимен со следниве градови:

• Фербелин, Германија
• Шарлевил-Мезјер, Франција

Сообраќај

До Дилмен се стасува по автопатот A43 и железничката линија Есен-Ване-Ајкел-Минстер и железницата Дортмунд-Енсхеде. Најблизок аеродром е Минстер/Оснабрик во Гревен и Диселдорф.

Познати личности

Родени во Дилмен

• Ана Катерина Емерих (1774-1824) — блажена калуѓера и мистик
• Франка Потенте (р. 1974) — глумица
• Јирген Дројс (р. 1945) — пејач и музичар
• Хартмут Сурман (р. 1963) — роботичар

Живееле во Дилмен

• Клеменс Брентано — писател, живеел тука од 1819 до 1824 г.
• Франц фон Папен — канцелар на Германија, живеел тука од 1918 до 1930 г.

Наводи

1. „Населеност на местата“. Статистичка служба на Северна Рајна-Вестфалија. 20 јуни 2024. (германски)
2. Статистика за населението на општината Дилмен (PDF; 13 кб), јули 2012 г. (германски)

Надворешни врски

„Дилмен“ на Ризницата ?

• Општински портал на Дилмен (германски)
• Летен портал на Дилмен (германски)
• Зимски портал на Дилмен Архивирано на 28 април 2016 г. (германски)