From Wikipedia, the free encyclopedia
Тен Копмејнерс (роден на 28 февруари 1998 во Кастрикум[3]) — холандски фудбалер, играч од средниот ред на Јувентус и на холандската репрезентација.
| Тен Копмејнерс | |||
|---|---|---|---|
_(cropped).jpg) | |||
| Лични податоци | |||
| Полно име | Тен Копмејнерс[1] | ||
| Роден на | 28 февруари 1998[2] | ||
| Роден во | Кастрикум, Холандија | ||
| Држава |
 Холандија | ||
| Висина | 1,84 м[1] | ||
| Позиција | среден ред | ||
| Клупски податоци | |||
| Сегашен клуб |
 Јувентус | ||
| Број | 8 | ||
| Младинска кариера | |||
 АЗ Алкмар | |||
| Кариера* | |||
| Години | Клуб | Наст. | (Гол.) |
| 2016-2018 |
Јонг АЗ | 25 | (3) |
| 2017-2021 |
АЗ Алкмар | 116 | (35) |
| 2021-2024 |
.svg){kind=small} Аталанта | 97 | (26) |
| 2024- |
Јувентус | 11 | (1) |
| Репрезентација | |||
| 2015 |
Холандија 17 | 4 | (0) |
| 2015-2016 |
Холандија 18 | 3 | (0) |
| 2016-2017 |
Холандија 19 | 13 | (0) |
| 2017-2018 |
Холандија 20 | 5 | (0) |
| 2018-2021 |
Холандија 21 | 17 | (4) |
| 2020- |
Холандија | 21 | (2) |
Тен Копмејнерс е роден во Кастрикум,[3] град кој се наоѓа на половина час возење од Амстердам,[4] како едно од трите деца на неговите родители. Тој има брат и сестра;[4] неговиот брат Пер, кој е две години помлад од него, е исто така фудбалер и во моментов настапува за АЗ Алкмар, клубот во кој и двајцата ја започнале својата кариера.[5][6] Неговиот татко Ремко кој работи како спортски психолог, а некогаш играл бејзбол, го тренирал Тен уште од рана возраст да вежба изведување пенали со левата нога.[7]
Неговиот прекар „Кооп“ е скратеница од презимето, но често е наречен и „Робокооп“ по главниот лик од истоимениот филм од 1987 година.
Тој е комплетен играч од средниот ред, левоног, опремен со одлична техника и вродени способности за организирање на играта. Благодарение на неговата тактичка флексибилност, тој може да ги покрие сите улоги во средниот ред и, доколку е потребно, може да го врати својот опсег на дејствување играјќи како централен дефанзивец (позицијата на која ја започнал својата кариера).[8][9] Иако е играч од средниот ред, тој е многу ефикасен и пред противничкиот гол, а добрата статистика на постигнати голови доаѓа благодарение на добриот удар од далечина кој го поседува како и неговиот квалитет за изведување прекини како слободни удари и пенали.[9][10][11]
Копмејнерс израснал во Северна Холандија, а првите чекори во фудбалот ги направил како младински играч на локалниот клуб, Витесе '22.[12] Во 2009 година, тој се приклучил на младинската академија на АЗ Алкмар на ниво под 12 години.[13] Оттогаш тој напредувал низ ранговите, и како дел од резервниот тим на клубот, Јонг АЗ, тој станал шампион на холандската трета дивизија во сезоната 2016–17, постигнувајќи промоција до Ерсте дивиси.[14]
На 18 август 2017 година, Копмејнерс го направил своето деби во професионалниот фудбал со Јонг АЗ во победата на гости со 3–1 над Ден Бош.[15] Набргу потоа, тој го направил своето прво деби за првиот тим, влегувајќи како замена за Алиреза Јаханбахш во последните 30 минути од поразот на домашен терен со 4-0 од Фејенорд на 1 октомври.[16] На крајот од сезоната 2017–2018, АЗ завршил на третото место и со тоа се квалификувал за Лига Европа. Во својата прва професионална сезона, тој одиграл 26 првенствени натпревари во кои постигнал еден гол (во победата со 3-0 над Утрехт).[17]
Во следната сезона, тој се етаблирал како еден од поважните играчи на клубот и незаменлив во средниот ред, играјќи во 32 од 34 првенствени натпревари на АЗ Алкмар. Покрај тоа, тој се докажал и со одличната завршница на акциите во офанзивната фаза, толку многу што постигнал дури 8 гола во првенството, завршувајќи како втор најдобар стрелец на клубот зад Гус Тил кој постигнал 12. На 2 август 2018, тој дебитирал во европските натпреварувања во победата со 2-1 над казахстанскиот клуб Кајрат, постигнувајќи го победничкиот погодок за својот тим од пенал во четвртата минута од судиското надополнување.[18]
Неговиот напредок продолжил и во сезоната 2019-2020, во која Копмејнерс одиграл 42 натпревари и постигнал 16 голови во сите натпреварувања.[19] На 1 март 2020, Копмејнерс направил додавање од 70 метри за да го изведе Усама Идриси за вториот гол на АЗ во победата од 2–0 над Ајакс, со што неговата екипа се израмнила со бодови со амстердамскиот клуб на врвот од табелата.[20] Една недела подоцна, тој постигнал два гола во победата на АЗ Алкмар со 4-0 над АДО Ден Хаг.[21] Сепак, набрзо потоа првенството било прекинато поради пандемијата на КОВИД-19 и за разлика од некој други лиги во Европа, никогаш не се доиграло до крај, што значело дека АЗ Алкмар на крајот морал да се задоволи со освојувањето на второто место заостанувајќи само по гол-разликата зад шампионот Ајакс.[22] Копмејнерс играл во сите 25 натпревари на клубот во лигата постигнувајќи 11 гола.
Во неговата четврта и последна сезона со АЗ Алкмар, Компејнерс го постигнал својот прв гол за сезоната во победата со 3-1 над Викторија П’лзењ во квалификациите за Лигата на шампионите, на 26 август 2020.[23] На 13 јануари 2021 година, постигнал два гола, од кој вториот бил посебно убав со удар со пета, за да и помогне на неговата екипа да оствари победа од 3-1 на гости против ПСВ Ајндховен.[24] Откако ја подобрил својата статистика и во оваа сезона забележувајќи 15 гола и 5 асистенции во Ередивиси, тој бил избран за Најдобар играч во првенството за сезоната 2020-2021.[3]
Копмејнерс го напуштил АЗ Алкмар кон крајот на август 2021, после вкупно 154 настапи и 43 гола за клубот.
На 30 август 2021 година, тој бил купен од Аталанта за околу 14 милиони евра плус 10% од идната препродажба.[25][26] Своето деби за клубот од Бергамо го направил на 11 септември во натпреварот на домашен терен против Фјорентина, влегувајќи кон крајот на местото на Матео Песина.[27][28] Својот прв гол во дресот на нероаѕурите и во Серија А го постигнал на 30 ноември, во победата со 4-0 над Венеција.[29] На 28 февруари 2022 година, на неговиот дваесет и четврти роденден, тој постигнал два гола против Сампдорија во натпреварот добиен со 4-0.[30] Првата сезона со Аталанта ја завршил со вкупно 43 настапи и 4 гола.
Следната сезона, на 1 септември 2022 го постигнал првиот хет-трик во кариерата во успехот со 3-1 против Торино,[31] станувајќи третиот Холанѓанец кој постигнал три (или повеќе) гола на еден натпревар во историјата на Серија А по Марко ван Бастен и Вим Кифт (два хет-трика во сезоната 1986-1987) со дресот на Торино.[31][32][33] Подоцна, тој постигнал уште еден во последното коло од првенството во успехот со 5-2 против Монца, затворајќи ја сезоната со двоцифрен број погодоци за првпат по доаѓањето во Серија А.[34]
Во сезоната 2023-2024, тој придонел за освојувањето на Лига Европа од страна на Аталанта, успех кој дошол после победата во финалето над Бајер Леверкузен, што претставува и првиот освоен европски трофеј во историјата на клубот.[35][36] Во првенството, тој повторно достигнал двоцифрена бројка на постигнати голови на 10 март 2024 година, постигнувајќи два гола во ремито 2-2 со Јувентус.[37] Дваесет дена подоцна, тој исто така постигнал гол во победата со 0-3 над Наполи,[38] а потоа го завршил првенството со вкупно 12 постигнати гола (од кои 10 со удари надвор од шеснаесеттникот).[11]
На 28 август 2024 година, тој бил купен од Јувентус,[39][40] за 51,3 милиони евра плус 6 милиони во бонуси.[41] Своето деби за Јувентус го имал на 1 септември, во натпреварот на домашен натпревар против Рома, влегувајќи на почетокот на второто полувреме на местото на Хуан Кабал.[42] Својот прв гол со бјанконерите го постигнал на 7 декември, погодувајќи ја мрежата на Болоња, во ремито 2-2 на домашен терен, во кое го постигнал првиот гол за Јувентус за намалување на негативата на 1-2.[43] Десет дена подоцна, тој исто така, постигнал гол во своето деби со Јувентус во Купот на Италија, со прекрасно изеден слободен удар во победата со 4-0 над Каљари во осминафиналето.[44]
Копмејнерс забележал четири настапи за холандската репрезентација под 17 години,[45] како и два настапи за таа под 18 години. Како дел од репрезентацијата под 19 години, тој играл на Европското првенство, каде стигнале до полуфиналето и загубиле од Португалија. По пет настапи за репрезентацијата под 20 години,[45] тој го направил своето деби и за репрезентацијата под 21 година на 22 март 2018 година во поразот со 4–1 од Белгија во пријателски натпревар.[46]
На 19 август 2020 година, Копмејнерс бил повикан во сениорската репрезентација на Холандија од привремениот селектор Двајт Лодевегес во прелиминарниот тим за натпреварите од УЕФА Лига на нации против Полска и Италија.[47] Истата година во октомври, тој дебитирал за Орање во пријателскиот натпревар против Мексико.[48] Во мај 2021, бил повикан од селекторот Франк де Бур за Европското првенство 2020[49] иако не одиграл ниту минута на најголемиот континентален настан, на кој Холандија била елиминирана во осминафиналето од Чешка.[50]
Својот прв настап за репрезентацијата вон пријателски натпревари го имал во квалификациите за Светското првенство 2022 против Турција на 7 септември 2021 година, придонесувајќи со асистенција во победата од 6–1.[51] Копмејнерс го постигнал својот прв гол за сениорска репрезентација против Велс во Лигата на нации на 8 јуни 2022 година.[52] Во ноември истата година бил повикан во списокот на играчи кој ја претставувале Холандија на Светското првенство 2022 во Катар; на настанот, тој играл во сите натпревари на Орање, вклучително и во четвтфиналниот пораз на пенали од Аргентина. Во натпреварот кој го добил епитетот Битката кај Лусаил, Копмејнерс се појавил од клупата и му асистирал на поранешниот соиграч од АЗ Алкмар, Ваут Вегхорст, за израмнувачкиот погодок за 2-2 во 11-тата минута од судиското надополнување со што натпреварот отишол во продолженија. Откако натпреварот потоа стигнал до изведување пенали, тој го реализирал и својот пенал, но не можел да спречи Холандија да биде елиминирана по ударите од белата точка со резултат 4–3.[53]
На 29 мај 2024 година, Копмејнерс бил избран во тимот на Холандија за Европското првенство 2024.[54] Сепак, тој бил принуден да се повлече откако се здобил со повреда пред пријателскиот натпревар против Исланд на 10 јуни 2024 година.[55]
| Хронологија на настапи и постигнати голови за националната селекција ― Холандија | ||||||||
|---|---|---|---|---|---|---|---|---|
| Дата | Град | Домашни | Резултат | Гости | Натпреварување | Голови | Инфо | Детали |
| 7-10-2020 | Амстердам | Холандија | 0 – 1 |  Мексико | Пријателска | - | ||
| 7-9-2021 | Амстердам | Холандија | 6 – 1 |  Турција | Квал. за СП 2022 | - |  46' | |
| 13-11-2021 | Подгорица | Црна Гора  | 2 – 2 | Холандија | Квал. за СП 2022 | - | 66' | |
| 26-3-2022 | Амстердам | Холандија | 4 – 2 |  Данска | Пријателска | - | ||
| 29-3-2022 | Амстердам | Холандија | 1 – 1 |  Германија | Пријателска | - |  46' | |
| 3-6-2022 | Брисел | Белгија .svg){kind=small} | 1 – 4 | Холандија | УЕФА Лига на нации 2022-2023 - Прва фаза | - | 83' | |
| 8-6-2022 | Кардиф | Велс .svg){kind=small} | 1 – 2 | Холандија | УЕФА Лига на нации 2022-2023 - Прва фаза | 1 | ||
| 11-6-2022 | Ротердам | Холандија | 2 – 2 |  Полска | УЕФА Лига на нации 2022-2023 - Прва фаза | - | 65' | |
| 14-6-2022 | Ротердам | Холандија | 3 – 2 | Велс | УЕФА Лига на нации 2022-2023 - Прва фаза | - |  32' | |
| 22-9-2022 | Варшава | Полска | 0 – 2 | Холандија | УЕФА Лига на нации 2022-2023 - Прва фаза | - | 6' | |
| 21-11-2022 | Доха | Сенегал  | 0 – 2 | Холандија | СП 2022 - Прва фаза | - | 79' | дет. |
| 25-11-2022 | Ал Рајан | Холандија | 1 – 1 |  Еквадор | СП 2022 - Прва фаза | - | 79' | дет. |
| 29-11-2022 | Ал Хор | Холандија | 2 – 0 |  Катар | СП 2022 - Прва фаза | - | 83' | дет. |
| 3-12-2022 | Ал Рајан | Холандија | 3 – 1 |  САД | СП 2022 - Осминафинале | - | 46' 60' | дет. |
| 9-12-2022 | Лусаил | Холандија | 2 – 2 прод. (3 – 4 пен.) |  Аргентина | СП 2022 - Четвртфинале | - | 46' | дет. |
| 14-6-2023 | Ротердам | Холандија | 2 – 4 прод. |  Хрватска | УЕФА Лига на нации 2022-2023 - Полуфинале | - | 93' | |
| 18-6-2023 | Енсхеде | Холандија | 2 – 3 |  Италија | УЕФА Лига на нации 2022-2023 - натп. за 3. место | - | 63' | |
| 10-9-2023 | Даблин | Ирска  | 1 – 2 | Холандија | Квал. за Евро 2024 | - | 68' | |
| 18-11-2023 | Амстердам | Холандија | 1 – 0 | Ирска | Квал. за Евро 2024 | - | 90' | |
| 21-11-2023 | Фаро | Гибралтар  | 0 – 6 | Холандија | Квал. за Евро 2024 | 1 | ||
| 22-3-2024 | Амстердам | Холандија | 4 – 0 |  Шкотска | Пријателска | - | 82' | |
| 16-11-2024 | Амстердам | Холандија | 4 – 0 |  Унгарија | УЕФА Лига на нации 2024-2025 - Прва фаза | 1 | 68' | |
| 19-11-2024 | Зеница | Босна и Херцеговина  | 1 – 1 | Холандија | УЕФА Лига на нации 2024-2025 - Прва фаза | - | ||
| Вкупно | Настапи | 23 | Голови | 3 | ||||
Статистикате е ажурирана на 17 декември 2024.
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2016-2017 | Јонг Аз | ТД | 19 | 2 | - | - | - | - | - | - | - | - | - | 19 | 2 |
| 2017-2018 | ЕР | 6 | 1 | - | - | - | - | - | - | - | - | - | 6 | 1 | |
| Вкупно Јонг Аз Алкмар | 25 | 3 | - | - | - | - | - | - | 25 | 3 | |||||
| 2017-2018 | Аз Алкмар | Е | 26 | 1 | КХ | 5 | 0 | - | - | - | - | - | - | 31 | 1 |
| 2018-2019 | Е | 32 | 8 | КХ | 4 | 0 | ЛЕ | 1[56] | 1[56] | - | - | - | 37 | 9 | |
| 2019-2020 | Е | 25 | 11 | КХ | 3 | 1 | ЛЕ | 14[57] | 4[58] | - | - | - | 42 | 16 | |
| 2020-2021 | Е | 31 | 15 | КХ | 1 | 0 | ЛШ+ЛЕ | 2[56]+6 | 1[56]+1 | - | - | - | 40 | 17 | |
| авг. 2021 | Е | 2 | 0 | КХ | 0 | 0 | ЛШ | 2[56] | 0 | - | - | - | 4 | 0 | |
| Вкупно Аз Алкмар | 116 | 35 | 13 | 1 | 25 | 7 | - | - | 154 | 43 | |||||
| авг. 2021-2022 | Аталанта | А | 30 | 4 | КИ | 2 | 0 | ЛШ+ЛЕ | 5+6 | 0 | - | - | - | 43 | 4 |
| 2022-2023 | А | 33 | 10 | КИ | 2 | 0 | - | - | - | - | - | - | 35 | 10 | |
| 2023-2024 | А | 34 | 12 | КИ | 5 | 3 | ЛЕ | 12 | 0 | - | - | - | 49 | 15 | |
| Вкупно Аталанта | 97 | 26 | 9 | 3 | 23 | 0 | - | - | 129 | 29 | |||||
| 2024-2025 | Јувентус | А | 12 | 1 | КИ | 1 | 1 | ЛШ | 5 | 0 | СИ+Скп | 0 | 0 | 18 | 2 |
| Вкупно во кариерата | 250 | 65 | 23 | 5 | 53 | 7 | - | - | 326 | 77 | |||||
Статистикате е ажурирана на 17 декември 2024.[59]
| Репрезентација | Година | Настапи | Голови |
|---|---|---|---|
| Холандија |
2020 | 1 | 0 |
| 2021 | 2 | 0 | |
| 2022 | 12 | 1 | |
| 2023 | 5 | 1 | |
| 2024 | 3 | 1 | |
| Вкупно | 23 | 3 | |
Лига Европа : 1Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.png){kind=small}
