Рила

Рила — наjвисока планина во Пиринска Македонија, цела Бугарија и на Балканскиот Полуостров.

Рила
Рилска Планина
Поглед на врвот Маљовица
Највисока точка
Надм. вис.	2.925 м
Истакнатост	2.473 м
Друго име	Рилска Планина
Географија
Рила на карта
Место	Бугарија
Матичен венец	Рилско-родопски Масив

Топографска карта на Рила.

Таа се наоѓа во југозападниот дел на земјата, и во северозападниот крај на Рилско-родопскиот Масив. Највисокиот врв на Рила е Мусала, и со своите 2.925 м е и највисокиот на Балканскиот Полуостров.^[1] По сртот на Рила поминува главниот бугарски слив, кој се совпаѓа со главниот балкански слив, кој ги дели речните сливови на Црното и Егејското Море. Од планината извираат едни од најголемите и многуводни бугарски реки: Искар, Марица и Места. Просечната надморска височина на Рила е 1.487 м, а вкупната површина е 2.629 км². Поголемиот дел од високите врвови (2.500 - 2.700 метри надморска височина) имаат алпски изглед. Типичен пример е Маљовица. Остатокот, особено во Источна Рила, претставуваат планински ливади.

Име

Се претпоставува дека името Рила има тракиско потекло. Најпрво планината се викала Донука^[2], Дунакс, Доункас^[3], а подоцна Роула, преименувано во Рила од Словените во V век, што значи „многуводна планина“.^[4] На Рила има над 200 езера и бројни минерални извори (Сапарева Бања, Долна Бања, Костенец, Бања и др.).

Географија, флора, фауна

Огромната купола на Рила се издига над околните планински котлини. Боровечкото Седло (1.305 м) го поврзува главниот Мусаленски дел со ридовите Шипочан и Шумнатица на Ихтиманска Средна Гора. Седлото Јундола (1.375 м) и Аврамово Седло (1.295 м) ја поврзуваат Рила со Родопите. Врската со Пирин е седлото Предел (1.140 м), а со Верила Клисурското Седло (1.025 м). Планината Рила е поделена на четири посебни географски делови:

• Источна Рила
• Централна Рила
• Северозападна Рила
• Југозападна Рила

Галерија

• 
  Рила од вселената.
• 
  Врвот Арамијата со езерото Близнака
• 
  Врвот Мусала од југ
• 
  Искачување на врвот Мусала
• 
  Врвот Маљовица
• 
  Врвот Маљовица
• 
  Планинарскиот дом „Маљовица“
• 
  Искачување на Маљовица
• 
  Пејзаж од Рила
• 
  Езеро на Рила
• 
  Едно до седумте езера
• 
  Пејзаж од Рила
• 
  Седумте Езера на Рила
• 
  Планинарскиот дом „Скакавица“
• 
  Рилски манастир

Панорами

Панорама на Седумте Езера