Нитокрис (грчки: Νίτωκρις) се тврди дека била последниот фараон од Шестата египетска династија. Нејзиното име се наоѓа во „Историите“ на Херодот и во списите на Манетон, но нејзиното историско постоење е сомнително. Ако таа всушност била историска личност, тогаш можеби била кралица регент, сестра на Меренре Немтиемсаф II и ќерка на Пепи II и кралицата Неит. Алтернативно, египетологот и филолог Ким Рихолт тврди дека Нитокрис е легендарен, но потекнува од историскиот машки фараон Неитикерти Сиптах, кој го наследил Меренре Немтиемсаф II на преминот помеѓу Старото Кралство и Првиот среден период.
| Нитокрис | |||||||
|---|---|---|---|---|---|---|---|
| Нитокрет | |||||||
| Фараон на Египет | |||||||
| Претходник | Меренре Немтиемсаф II | ||||||
| Наследник | Неферкара I ако се поистоветува со Неитикерти Сиптах | ||||||
Владетелски звања
| |||||||
| Сопружници | Според легендите: Меренре Немтиемсаф II | ||||||
| ||||||
| Нитокрис во хиероглифи |
|---|
Според Херодот (Истории ii-100), таа ги поканила убијците на нејзиниот брат, „кралот на Египет“, на банкет, а потоа ги убила преплавувајќи ја запечатената просторија со вода од реката Нил.
Потоа, за да ги избегне другите заговорници, таа извршила самоубиство. Манетон тврди дека ја изградила „третата пирамида“ во Гиза, што според денешните историчари и археолози му се припишува на фараонот Менкауре од Четвртата династија.
Меѓутоа, Нитокрис не се споменува во ниту еденегипетски натпис, и таа веројатно не постоела. Долго време се тврдело дека Нитокрис се појавува на фрагмент од Торинскиот кралски список, датиран од времето на Деветнаесеттата династија, под египетското име Нитикрети (nt-ỉqrtỉ). Се сметало дека фрагментот каде се појавува ова име припаѓа на делот од Шестата династија, со што се чини дека ги потврдува и Херодот и Манетон. Сепак, микроскопската анализа на Торинскиот кралски список сугерира дека фрагментот бил погрешно поставен во составувањето на фрагментарниот текст и дека името Нитикрети е всушност погрешна транскрипција на јасно машкиот крал Нетјеркаре Сиптах I,[1][2] кој е именуван на Кралскиот список од Абидос како наследник на кралот на Шестата династија Немтиемсаф II. На Кралскиот список од Абидос, Нетјеркаре Сиптах е ставен на местото што Неитикрети Сиптах го има на Торинскиот кралски список.
- Newberry, Percy Edward. 1943. "Queen Nitocris of the Sixth Dynasty". Journal of Egyptian Archæology 29:51–54.
- Zivie-Coche, Christiane M. 1972. "Nitocris, Rhodopis et la troisième pyramide de Giza". Bulletin de l’Institut français d’archéologie orientale 72:115–138. PDF
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
