Лутер на Баренберге
From Wikipedia, the free encyclopedia
From Wikipedia, the free encyclopedia
Лутер на Баренберге (германски: Lutter am Barenberge) — општина во округот Гослар, во сојузната покраина Долна Саксонија, Германија. Општината претставува административно седиште на истоимената општинска заедница.
Лутер на Баренберге | |
Црква „Св. Ѓорѓи“ во Лутер на Баренберге | |
Управа | |
Земја | Германија |
---|---|
Покраина | Долна Саксонија |
Округ | Гослар |
Општ. заед. | Лутер на Баренберге |
Месни единици | 3 |
Градоначалник | Карин Реслер-Брант (СДП) |
Основни податоци | |
Површина | 33,29 км2 |
Надм. височина | 165 м |
Население | 2.278 (31 декември 2020)[1] |
- Густина | 68 жит/км2 |
Основано | 956 |
Други информации | |
Часовен појас | CET/CEST (UTC+1/+2) |
Рег. табл. | GS |
Пошт. бр. | 38729 |
Повик. бр. | 05383 |
Портал | www.sg-lutter.de |
Местоположба на Лутер на Баренберге во рамките на округот Гослар | |
Координати | 51°59′24″N 10°16′16″E |
Општината поседува пазарно право и со тоа има некои одлики на град, но официјално не ги добила градските права. Сепак, означена е како „флекен“ (Flecken), мала населба со локално значење.
Се наоѓа помеѓу планинскиот масив Харц на југ и ридовите Хајнберг на север, околу 13 километри северозападно од градот Гослар. Општината се состои од три општински единици: Науен, Остлутер и Лутер.
Лутер, именуван по блискиот поток, бил основан од царот Отон I во 956 година како дел од поседите на Гандерхајмскиот манастир во рамките на Војводството Саксонија. Воден замок бил првпат споменат во 1259 година, изнајмен од Хилдесхајмската епископија на локалните благородници. Во различни периоди бил преземан од војводите на Брауншвајг-Линебург и повторно освојуван од хилдесхајмските епископи во 1323 година. Со тоа се појавила ознаката „Бишофслутер“ (Bischofslutter) за да се разликува од соседниот Кенигслутер. Името „Лутер на Баренберге“ се споменува од XIV век.
Во борбата помеѓу Брауншвајг-Линебург и Хилдесхајм од 1523 година, Лутер бил повторно освоен од војводата Хајнрих V од Брауншвајг и кнезот-епископ Јован IV можел само да го задржи местото Остлутер. Во текот на Триесетгодишната војна, данските трупи под водство на кралот Кристијан IV престојувале во замокот Лутер, каде биле поразени од царските и католичките сили предводени од Тили во Битката кај Лутер (1626 г.), битка која го променила текот на војната.
По Виенскиот конгрес, поранешниот посед на Хилдесхајм Остлутер во 1815 година припаднал на Кралството Хановер (пруска Покраина Хановер од 1866 г.), додека Лутер останал во Војводството Брауншвајг. Обата дела не биле обединети до административната реформа во 1941 година.
|
|
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.