Remove ads
Индоганшка Низина — голема плодна рамнина со површина од 2.550.000 км2, на територијата на северна и источна Индија, источен Пакистан и речиси целиот Бангладеш.[1] Наречена е по реките Инд и Ганг, и опфаќа поголем број на значајни населени места. Ова е едно од најгусто населените подрачја во светот, со вкупно население од 400 милиони жители. На север од низината се протегаат Хималаите, од кои извираат многу реки и се причинител за големата алувијалност. На југ, низината се граничи со висорамнината Чота Нагпур, а на запад се издига Иранската Висорамнина.
Remove ads
Големата област на низната е позната како дом на Индската цивилизација, од која произлегла старата јужноазиска култура. Низ времето, на оваа територија настанале разни држави како Гупта, Канауџ, Магада, Маурја, Пала, Могулското Царство и Делхискиот Султанат. За време на ведското и епското раздобје, оваа област се нарекувата „Арјаварта“ (Земја на Ариевците). Мануовиот законик (2.22) вели дека Ајраварта е „земјата помеѓу Хималаите и венецот Виндја, од Источното (Бенгалскиот Залив) до Западното Море (Арапското)".[2][3]. Под власта на туркиските, паштунските (авгански) и иранските владетели подрачјето било познато како „Хиндустан“ (Земја на Индусите). Овој поим подоцна ја означувал цела Индија; дури и во денешно време, најзастапениот јазик се нарекува „хиндустански јазик“ (месното наречје на хинди-урду), а музиката и културата исто така се нарекуваат „хиндустански“.[4][5]
Remove ads
Некои географи ја делат Индоганшката Низина на неколку области: Синд, Пенџаб, Доаб и Бенгал. По друг начин на сметање, низината се дели на сливови одвоени со Делхискиот Срт; во западниот дел е сместена Пенџапската Низина, а во источниот е сливниот систем Ганг-Брамапутра. Пречката се издига на само 350 метри надморска височина, што дава впечаток дека низината е непрекината од едниот до другиот слив.
Ниските предели на средното течение на Ганг се протега од реката Јамуна на запад до Западен Бенгал на исток. Рамнината во долното течение на Ганг и Асамската Долина се позелени отколку средишните краишта. Долното течение е сосредоточено во Западен Бенгал, од каде продолжува во Бангладеш. Откако ќе се спојат со Џамуна (растока на Брамапутра), обете реки ја образуваат делтата на Ганг. Брамапутра извира во Тибет под името Јарлунг и тече низ Аруначал Прадеш и Асам, па преминува во Бангладеш.
Поради огромната површина, точниот опфат на низината зависи од начинот на сметање, но начелно може да се рече дека таа се протега во следниве рамки:
- Кашмир на север;
- областа Пенџаб во Пакистан и Аравали;
- подножјето на Хималаите во Асам и Бангладеш на исток; и
- висорамнината Чота Нагпур на југ.
Во Непал, низината продолжува во плодната област Терај. Тука се опфатени реките Беас, Чамбал, Ченаб, Ганг, Гомти, Инд, Рави, Сатлеџ и Јамуна. Почвата изобилува со мил и поради тоа ова е најинтензивно обработуваното земјиште на светот. Дури и руралните предели се мошне густо населени.
Напоредно на Хималаите, низината има плавни подрачја во кои се прелева водата надојдена од речниот систем на Ганг и Брамапутра, од Џаму и Кашмир и Одиша на запад до Асам на исток (одлевајќи ја речиси сета северна и источна Индија). Зафаќаат површина од 700.000 км2 и во ширина се движат по неколку стотини километри.
Во геолошки поглед, разликуваме четири наносни појаси: Бабарски, Терајски, Бангарски и Кадарски.
Remove ads
Сè до поново време, отворените тревни површини на низината биле дом на неколку крупни видови животни. Тука спаѓаат трите вида азиски носорози (индискиот, јаванскиот и суматранскиот). Теренот наликувал на оној во денешна Африка, па затоа на него биле присутни големи стада индиски слонови, газели, антилопи и коњи, заедно со неколку вида диви говеда, меѓу кои и денес изумрениот тур. Во шумовитите предели биле застапени дивата свиња, еленот и мунтџакот. Во повлажните крајречни предели живеел биволот, заедно со денес изумрен вид на нилски коњ.
Овие животни биле плен за разни месојадни видови како индискиот волк, азиското диво куче, пругавата гиена, азискиот леопард и азискиот лав, бенгалскиот тигар и леопардот, а во околните шуми тромавата мечка ловела термити. Реката ганг изобилувала со гавијали, индиски крокодили и речни делфини.
Remove ads
Во низината претежно се одгледуваат оризот и житото, наизменично во плодоред. Од помало значење се пченката, шеќерната трска и памукот.
Највеќето врнежи доаѓаат од југозападниот монсун, што вообичаено е достатно за општо земјоделство. Покрупните површини се наводнуваат од реките кои извираат на Хималаите.
Поради брзорастечкото население (а и други чинители), се смета дека подрачјето има голем ризик за недостиг на вода во иднина.
Земјиштето е сместено помеѓу реките Брамапутра и венецот Аравли. Низ него тече Ганг и други реки како Јамуна, Гагара и Чамбал.
Remove ads
Поголеми населени места во Индоганшката Низна се:
- Биратнагар, Џанакпур, Лумбини и Капилавасту.
- Лудијана, Чандигар, Батинда, Џаландар, Амритсар, Патијала, Амбала, Панипат, Гургаон, Фаридабад, Делхи, Џајпур, Газијабад, Мират, Агра, Барели, Морадабад, Џанси, Канпур, Лакнау, Горакпур, Алахабад, Варанаси, Патна, Гаја, Музафарпур, Мотихари, Багалпур, Силигури, Бардаман, Бахарампур, Дургапур-Асансол, Колката-Хаора, Агартала, Дибругар, Гувахати, Силчар, Дубри, Тезпур и Џорхат
- Дака, Читагонг, Газипур, Мајмансинг, Силет, Нарајанганџ, Раџшахи, Рангпур, Динаџшур, Комила, Барисал, Џесор и Кулна
Remove ads
Границите на низината не се јасно определени. Затоа, тука се дадени првостепените административни единици кои целосно до половично влегуваат во неа:
Бангладеш (речиси сета земја)
- Аруначал Прадеш, Асам, Бихар, Гуџарат, Делхи, Западен Бенгал, Мадја Прадеш, Пенџаб, Раџастан, Трипура, Утар Прадеш, Утараканд, Харајана, Чатисгар, Џаму и Кашмир, Џарканд
- Пенџаб, Синд (источно од Инд), Хајбер Пахтунхва (источно од Инд)
- Доаб
- Арјаварта
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads