1210-ти — деценија според јулијанскиот календар кој започнала на 1 јануари 1210 година и завршила на 31 декември 1219 година.
1210
- мај - Втор парламент на Ревеника се одржува во Ревеника во Централна Грција, што резултира со конкордат помеѓу кнезовите на Франкократија и римокатоличкото свештенство.
- 18 јули - Битка кај Гестилрен: Поранешниот крал Сверкер II Шведски е поразен и убиен од страна на владеачкиот крал Ерик Х Шведски.
- 18 ноември - Отон IV е екскомунициран од Папа Инокентиј III, поради неговата инвазија на јужна Италија, спротивно на Вормскиот конкордат.
- 21 ноември - Кралот Ерик Х е крунисан, што е првото познато крунисување на шведски крал. Кратко потоа, се оженил со данската принцеза Рихеза Данска, со цел да ја зајакне својата врска со данскиот крал Валдемар II Дански.
- Кралот Јован Безземниот подига £ 100,000 од црковниот имот како извонредна фискална такса. Операцијата е опишана како „непроценлива и неспоредливо изненадувачка“ од современи извори[1].
- Ливонска крстоносна војна - Битката кај Умера: Естонските сили го поразуваат Ливонското братство на мечот.
- Цитаделата на Акрокоринт во Грција се предала на Крстоносците, по петгодишна опсада.
1212
- 10 јули - Голем пожар во Лондон; над 3.000 луѓе умираат.
- 16 јули - Битка кај Навас де Толоса: Христијанските кралства на Шпанија решително ги поразуваат Алмохадите, а победата го турнува Кралство Кастиља во тешка финансиска состојба, бидејќи бројни војници треба да бидат платени за походот[2].
- Била организирана Детска крстоносна војна, која веројатно бил измислен настан. Се смета дека дошло до собирање на деца од Франција и Германија, но ниту едно од децата не стигнало до Светата земја, бидејќи оние кои не умреле од глад на патувањето, биле продадени како робови.
- декември - Фридрих II е крунисан за крал на Германија, со поддршка на Папа Инокентиј III.
- Започнувајќи од 1212, па до 1250 година, Фридрих II создал модерна, професионално административна држава во Сицилија.
- Изграден е Замокот Бран од страна на Тевтонскиот ред.
1214
- 15 февруари - Јован Безземниот, врши инвазија на градот Ла Рошел во Франција[3].
- 27 јули - Битка кај Бувен: Филип II ја поразува војската на Светото Римско Царство, англиски и фламански војници предводени од Отон IV, завршувајќи ја Англо-француската војна (1202-14).[3]
- Лето - Кралот Алфонсо VIII Кастилски ги опколува војниците на Алмохадите во Баеза. Гладот на полуостровот е таков што ниту армијата не може да се бори.
- 18 септември - Договорот од Чинон е потпишан од Јован Безземниот и Филип II, признавајќи ги придобивките на Династија Капета од Анжујското царство[3].
- 5 октомври - По смртта на нивниот татко, кралот Алфонсо VIII Кастилски и нивната мајка, Елеанора Кастилска (31 октомври), Беренгела Кастилска станува регент на нејзиниот млад брат, крал Енрике I Кастилски[2].
- 1 ноември - Пристанишниот град Синоп на Црно Море му се предава на Селџуците.
- 4 декември - Умира Вилијам I Лав, крал на Шкотска. Тој е наследен од неговиот син, Александар II
- Основан е германскиот град Билефелд.
- Во своите походи во Лаодонг, монголскиот војсководец Мухали командува со новоформираната киданско - кинеска армија и специјален корпус од 12.000 кинески помошни трупи.
1215
- Поради губење на своите позиции на Блискиот Исток, бил одржан Четвртиот латерански собир, на кој било решено да се започне нов крстоносен поход.
- Во јуни кралот Јован под притисок на бунтовничките барони бил принуден да ја потпише Големата повелба за правата (латински: Magna Carta Libertatum). Со неа се ограничела моќта на монархот, а обичните луѓе се стекнале со права, со што започнале да се развиваат идеите за слобода и демократија.
- 24 август - Папата Инокентиј III ја прогласил Големата повелба за неважечка.
1216
- Јануари - Прва баронска војна: Англиската армија го вратила Берик на Твид и извршила напади во јужна Шкотска[3].
- 10 април - По смртта на Ерик Х Шведски, тој е наследен од неговиот соперник Јован I Шведски, како крал на Шведска.
- 22 април - Битката кај Липица: Мстислав Храбриот и Константин Ростовски ги победуваат своите соперници за владеењето на Владимир-Суздал.
- 21 мај - Првата баронска војна: Принцот Луј, идниот крал Луј VIII, ја напаѓа Англија за поддршка на бароните, пристигнувајќи во Танет. Влегувајќи во Лондон без отпор, тој е прогласен, но не и крунисан, за крал на Англија во катедралата Свети Павле.
- 24 јули - Француските Крстоносци од замокот змокот Борке му се предаваат на Ремон VII Тулушки[4]
- 24 јули - Папа Хонориј III го наследува Папа Инокентиј III, како 177-тиот папа.
- 18 октомври или 19 октомври - Умира Јован Безземниот. Тој е наследен од неговиот деветгодишен син Хенри III, со Вилијам Маршал, како регент. Младиот Хенри III е крунисан во Глостер на 28 октомври[5].
- 12 ноември - Вилијам Маршал и папскиот легат во Англија издаваат Повелба за слободи, врз основа на Големата повелба, во името на новиот крал на Англија. Со неа се ограничила моќта на монархот, а обичните луѓе се стекнале со права, со што започнале да се развиваат идеите за слобода и демократија
- 22 декември - Папа Хонориј III официјално го одобрува Доминиканскиот ред.
- Димитар Хоматијан бил византиски свештеник и избран за архиепископ на Охридската архиепископија, сè до 1234 година.
- Дрезден добива градски права.
1217
- 9 април - Петар II Куртене е крунисан за цар на Латинското Царство во Рим, од страна на Папа Хонориј III.
- 20 мај - Прва баронска војна во Англија: Француските сили се поразени во Битката кај Линколн, од страна на англиските кралски војници предводени од Вилијам Маршал[3].
- 6 јуни - Кралот Енрике I Кастилски умира на возраст од 13 години, од паѓањето на една ќерамида во Паленсија, настан кој неговиот регент се обидува да го скрие. Сестрата на Енрике, Беренгела I Кастилска го наследува на престолот.
- Јуни - Хокон Хоконсон станува цар на Норвешка како Хокон IV Норвешки, и во голема мера завршува Граѓанската војна во Норвешка.
- 24 август - Прва баронска војна: Во Битката кај Сандвич во Ламанш, англиските сили ги поразуваат француските, а францускиот платеник Јустас е фатен и обезглавен.
- 31 август - Фернандо III Кастилски станува Крал на Кастиља, по абдикација на неговата мајка Беренгела I Кастилска.
- 12 септември - Првата баронска војна во Англија е завршена со договорот од Ламбрет. Французите и Шкотите треба да ја напуштат Англија, а амнестијата им се дава на бунтовниците.
- 20 септември - Потпишан е Договорот од Ламбет, кој го ратификува Договорот од Кингстон.
- 21 септември - Ливонска крстоносна војна: Ливонските браќа на мечот и нивните сојузници ги поразуваат естонските сили.
- 18 октомври - Петта крстоносна војна, Реконквиста: кралот Алфонсо II Португалски го освојува градот[6].
- Ноември - Во Кралство Кастиља, поранешниот регент Алваро Нуниес де Лара бил заробен и принуден да се откаже од сите негови замоци[2].
- Стефан Првовенчани е признаен за првиот Крал на српските земји од страна на Папа Хонириј III, а крунисан од братот на Стефан, Сава.
- Издаден декрет во Англија според кој само Англичани можат да бидат свештеници на Ирска.
Ferris, Eleanor (1902). „The Financial Relations of the Knights Templars to the English Crown“. American Historical Review. 8 (1).
Linehan, Peter (1999). David Abulafia (уред.). The New Cambridge Medieval History c.1198-c.1300. Chapter 21: Castile, Portugal and Navarre. Cambridge: Cambridge University Press. стр. 668–671. ISBN 0-521-36289-X.
Palmer, Alan; Veronica (1992). The Chronology of British History. London: Century Ltd. стр. 77–79. ISBN 0-7126-5616-2.
Dell'Umbria, Alèssi (2006). Histoire universelle de Marseille. De l'an mil à l'an deux mille. Marseille: Agone. стр. 27. ISBN 2-7489-0061-8.
Williams, Hywel (2005). Cassell's Chronology of World History. London: Weidenfeld & Nicolson. стр. 133–135. ISBN 0-304-35730-8.
Picard, Christophe (2000). Le Portugal musulman (VIIIe-XIIIe siècle. L'Occident d'al-Andalus sous domination islamique. Paris: Maisonneuve & Larose. стр. 110. ISBN 2-7068-1398-9.