![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/NGC_660_Polar_Galaxy_Gemini_Observatory.jpg/640px-NGC_660_Polar_Galaxy_Gemini_Observatory.jpg&w=640&q=50)
Поларнопрстенеста галаксија
вид галаксија / From Wikipedia, the free encyclopedia
Поларнопрстенеста галаксија — галаксија во која надворешниот прстен од гас и ѕвезди се врти околу половите на галаксијата.[1] Овие поларни прстени се смета дека настанале кога две галаксии гравитациско заемодејствуваат една со друга. Една од можностите е дека материјата е привлечена плимно од страна на галаксија која минува во близина и на тоја начин се создава поларниот прстен во поларнопрстенестата глаксија. Другата можност е дека помала галаксија се судрила под прав агол со рамнината на вртење на поголемата галаксија, со што помалата галаксија е всушност прстенот на половите.[2]
![Thumb image](http://upload.wikimedia.org/wikipedia/commons/thumb/9/9d/NGC_660_Polar_Galaxy_Gemini_Observatory.jpg/640px-NGC_660_Polar_Galaxy_Gemini_Observatory.jpg)
Најдобро познати поларнопрстенести галаксии се S0s (леќестите галаксии), но од физичка точка тие се дел од поголема категорија на галаксии, вклучувајќи тука неколку елиптични галаксии.
Првите четири S0 кои биле забележани како поларнопрстенести галаксии се NGC 2685,[3] NGC 4650A,[4][5] A 0136 -0801,[2] и ESO 415 -G26.[5] Додека овие галаксии се макотрпно проучени, во поново време се забележани многу повеќе поларнопрстенести галаксии.[6] Поларно прстенестите S0 галаксии можно е да се само 0,5% од сите блиски леќести галаксии, а постои и можноста дека 5% од леќестите галаксии во минатото поседувале поларни прстени.[6]
Првите поларнопрстенести елиптични галаксии биле забележани во 1978 година. Тие се NGC 5128, NGC 5363, NGC 1947 и Лебед A,[7] додека пак поларнопрстенестите S0 галаксии NGC 2685 и NGC 4650A во тој период се сметале дека настанале на сличен начин како овие елиптичните поларнопрстенести галаксии.[7] За само неколку години подоцна, да се направат првите набљудувања на движењата на ѕвездите и гасот поларнопрстенестите елиптични и S0 галаксии со помош на усовршената спектроскопска технологија, било објаснето надворешното потекло на гасовитите прстени.[2][5][8][9] Во продолжени најпознатиот пример, NGC 5128 (Cen A),и многу вообичаената поларнопрстенеста елиптична галаксија NGC 5266.[9]