![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ad/Molecular_diagnostics_qia_symphony.jpg/640px-Molecular_diagnostics_qia_symphony.jpg&w=640&q=50)
Молекуларна дијагностика
From Wikipedia, the free encyclopedia
Молекуларна дијагностика ― збирка на техники кои се користени за анализа на биолошките маркери во геномот и протеомот и како нивните клетки ги изразуваат своите гени како белковини, применувајќи ја молекуларната биологија преку медицинските тестирања. Во медицината техниката е користена за дијагностицирање и следење на болеста, откривање на ризик и одлучување кои терапии најдобро ќе функционираат за поединечни пациенти,[1][2]: предговор и во земјоделската биосигурност на сличен начин да се следат болестите на културите и добитокот, да биде проценет ризикот и да бидат одлучени какви карантински мерки треба да бидат преземени.[3]
![Thumb image](http://upload.wikimedia.org/wikipedia/commons/thumb/a/ad/Molecular_diagnostics_qia_symphony.jpg/640px-Molecular_diagnostics_qia_symphony.jpg)
Со анализа на спецификите на пациентот и неговата болест, молекуларната дијагностика нуди гледиште за личната медицина.[4] Овие тестови се корисни во низа медицински специјалности, вклучително и заразни болести, онкологија, типизација на човечки леукоцитен антиген (која ја истражува и предвидува функцијата на имунолошкиот систем), згрутчување и фармакогеномијата — генетско предвидување за тоа кои лекови ќе делуваат најдобро.[5]: v-vii Тие се преклопуваат со клиничката хемија (медицински тестови на телесни течности).