From Wikipedia, the free encyclopedia
Urang Pesisir (Ughang Pasisi) adolah sabuah kalompok etnis masyarakaik nan tasebar di pasisia barat Sumatra Utara. Etnis Pesisir marupokan katurunan dari urang Minangkabau nan bermigrasi ka Tapanuli sajak abaik ka-14 dan alah bamasuak jo suku lain, yaitu suku Melayu, Batak, dan Aceh.[2]
Urang Pesisir Ughang Pasisi | ||||||||
---|---|---|---|---|---|---|---|---|
| ||||||||
Jumlah populasi | ||||||||
179.154 jiwa (2010)[1] | ||||||||
Kawasan bapopulasi cukuik banyak | ||||||||
Tapanuli Tengah, Sumatera Utara | ||||||||
Bahaso | ||||||||
Bahasa Pesisir Bahasa Indonesia | ||||||||
Agamo | ||||||||
Islam | ||||||||
Kalompok etnik takaik | ||||||||
Minangkabau • Batak • Aceh |
Sijarah tabantuaknyo kalompok suku ko indak jauah babeda jo sijarah tabantuaknyo masyarakaik Urang Aneuk Jamee di pantai barat Aceh, masyarakaik Negeri Sembilan di Semenanjung Malaya, dan babarapo kalompok masyarakaik lainnyo, nan marupokan diaspora dari para parantau Minang sajak barabaik-abaik nan lalu.[3]
Pesisir atau Pasisi bermakna wilayah nan barado di tapi lauik. Namo 'Etnis Pesisir' untuak kalompok masyarakaiknan manadiaman pasisia barat Sumatra Utara indak pernah takenal sampai akhir abaik ke-20. Istilah ko dijalehan untuak mambedahan kalompok masyarakaikdi pesisir barat Sumatra Utara jo masyarakaikBatak di pedalaman. Berdasarkan ruang geografis etnisitas nan disusun dek Collet (1925), Cunningham (1958), Reid (1979) dan Sibeth (1991), di pesisir barat Sumatra Utara ado kalompok masyarakaiknan indak marupokan bagian dari etnis Batak[3] Kelompok ko marupokan para parantau dari Minangkabau nan alah bermigrasi ka pesisir barat Tapanuli sajak barabaik-abaik nan lalu.[4] Dalam pangambangannyo, istilah Urang Pesisir labiah dipakai untuak mantegeh kepentingan politik masyarakaikSibolga-Tapanuli Tengah, tarutamo untuak maindari dominasi urang Batak dari pedalaman.[4]
Pado abaik ka-14, banyak masyarakaik Minangkabau nan mangarajoan migrasi ka Tapanuli Tengah. Tujuan nyo adalah untuak mambuek Barus sabagai salah ciek palabuhan Karajaan Pagaruyuang, basamo Tiku jo Pariaman, nan manjadi tampek kalua masuak perdagangan di Pulau Sumatera.[5] Kadatangan urang-urang tu ka Barus manyababkan tasingkianyo para padagang Tamil nan alah badagang di kota tu sajak ratusan tahun sabalunnyo.[6]
Gelombang sabanta tu adolah rombongan yang dipimpin oleh Sultan Ibrahimsyah nan barasa dari Pesisir Selatan. Rombongan ko lujuak mambuek Kesultanan Barues nan manjadi salah ciek vassal Kerajaan Pagaruyung nan punyo pengaruh kuek di pesisir barat Sumatera.[7] Datangan urang Minang taruih salasai formonyo residentie Tapanuli nan bairibu kota di Sibolga. Pamarintah Hindia Belanda banyak mampakarajoan inyo untuak maiisi jabatan buruah dan di pamarintah. Sajak tangah abaik ka-19, masyarakaik dari pedalaman Toba, Angkola, dan Mandailing mulai banyak bamukim di Barus, Sorkam, dan Sibolga. Inyo basimilasi jo masyarakaik Minangkabau dan mambantuak kalompok masyarakaik Pesisir. Pas sensus panduduak tahun 2000, masyarakaik Pesisir diklasifikasi sabagai etnis surang nan babeda jo Batak. pado tahun 2008, kabanyakan kalompok masyarakaik Pesisir indak suko bergabung jo etnis Batak Toba untuak manjalehan Provinsi Tapanuli.[8]
Urang Pesisir tasaba di Tapanuli Tengah, sabagian Tapanuli Selatan, Natal, dan juodi Medan.
Bahaso nan dipakai dek kalompok masyarakaik Pesisir marupokan salah ciek dialek dari Bahaso Minangkabau. Bahaso Pesisir marupokan akulturasi dari duo bahaso, yaitu Bahaso Minang dan Bahaso Melayu, serta ado babarapo kosakata nan diambiak dari Bahaso Batak jo Bahaso Aceh. Pacampuran bahaso ko tanamo jo Bahaso Pesisir nan manjadi bahaso pargaulan sahari-hari (lingua franca) di pesisir barat Tapanuli.[7]
Sebagai wilayah rantau Minangkabau, kebudayaan etnis Pesisir banyak dipangaruhi dek Budayo Minangkabau atau nan takenal jo "Adaik Sumando".[9] Adaik dan budaya Urang Pesisir nan mirip jo budaya Minangkabau adolah dalam manyambuik tamu, dimano masyarakaik Pesisir juo manggunoan Tari Parsambahan. Walaupun indak maanuik sistem matrilineal, namun etnis Pesisir juo punyo kapalo kaum nan diokan mamak. Untuak pamangilan ka saudara urang padusi, etnis Pesisir juo manggunoan istilah mak tuo, mak angah, dan mak etek. Sadangkan untuak pamangilan ka saudara kandung laki-laki, adolah tuan adik, ndak ogek, kak uti dan ndak ajo, dan untuak penyebutan saudara kandung padusi antaro lain uniang, accik, cek angah, dan teti/teta.
Seni pertunjukan etnis Pesisir antaro lain kesenian Sikambang, Tari Senyum Minang Manis, Bagala Duo Baleh, dan Randai. Dalam adaik kawin, urang Pesisir biasonyo malakuan prosesi malam bainai dan manjapuk nan banyak juo ditamui di rantau Minangkabau lainnyo.[10] Untuak surang bangsawan ka masyarakaikPesisir, masih diagiah gelar Sutan dan Marah nan dapek awak basobok pado etnis Minangkabau di balakang namonyo.[11]
Salain tatap manjaga babarapo aspek budaya Minangkabau, seperti bahaso, seni, dan kuliner, etnis Pesisir juo mangadopsi babarapo aspek budaya Batak. Diantaronyo pamakaian marga di balakang namo utamo, bantuak umumnyo masyarakaikBatak di pedalaman. Babarapo tokoh tanamo dari Urang Pesisir di antaronyo Akbar Tanjung, Faisal Tanjung, Chairul Tanjung, dan Zainul Arifin.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.