YouTube adolah sabuah situs web babagi video nan dibuek dek tigo urang mantan karyawan PayPal pado Februari 2005. Situs web ko mamungkinan panggunonyo mangunggah, manonton, jo babagi video.[8] Parusahaan iko bakantua pusek di San Bruno, California, dan mamakai teknologi Adobe Flash Video jo HTML5 untuak manampakan babagai macam konten video buatan pangguno/kreator, tamasuak klip pilem, klip TV, jo video musik. Salain tuh, konten amatir sarupo blog video atau kini disabuik vlog, video orisinil pendek, jo video pendidikan juo ado dalam situs web iko.
 | Laman ko alun atau baru ditajamahan sabagian ka bahaso Minang. Bantulah Wikipedia untuak malanjuikannyo. Caliak padoman panajamahan Wikipedia. |
 | |
| Berkas:Tangkap Layar YouTube terbaru 2020.png | |
| Jenis usaha | Anak Parusahaan |
|---|---|
Jenis situs | Layanan hos video |
| Bahasa | 54 bahasa melalui antarmuka pengguna[1] |
| Didirikan | 14 Februari 2005 |
| Markas | 901 Cherry Avenue San Bruno, California, United States |
| Wilayah operasi | Saluruah dunia (kacuali negara nan alah diblokir) |
| Pendiri |
|
| Tokoh penting | Susan Wojcicki (CEO) |
| Sektor |
|
| Produk | YouTube Premium YouTube Music YouTube TV YouTube Go |
| Pendapatan | US$15 billion (2019)[2] |
| Perusahaan induk | Google LLC (2006–present) |
| Situs web | YouTube.com (liek daftar namo domain yang dilokalisasi) |
| Peringkat Alexa |  2 (Global, January 2020[update]
)[3] |
| Iklan | Google AdSense |
| Daftar akun | Opsional
Tidak perlu menonton sebagian besar video; dibutuhkan untuk tugas tertentu seperti mengunggah video, melihat video yang ditandai (18+), membuat playlist, suka atau tidak suka video, dan memposting komentar
|
| Diluncurkan | 14 Februari 2005 |
| Status | Aktif |
Lisensi konten | Pangunggah nan mamacik hak cipta (lisensi standar); Creative Commons bisa dipiliah. |
| Bahasa pemrograman | Python (core/API),[4] C (malalui CPython), C++, Java (malalui platfrom Guice),[5][6] Go,[7] JavaScript (UI) |
Kabanyakan konten YouTube diunggah deh individu, maskipun baitu parusahaan-parusahaan media sarupo CBS, BBC, Vevo, Hulu, jo organisasi lain alah pulo mangunggah material inyo masiang-masiang di situs iko sabagai bagian dari program kamitraan Youtube.[9] Pangguno indak tadaftar dapek manonton video, samantaro pangguno tadaftar dapek mangunggah video dalam jumlah indak tabateh. Video-video nan dianggap barisi konten ofensif hanyo bisa ditonton dek pangguno tadaftar barumua 18 taun atau labiah. Pado November 2006, YouTube, LLC dibali dek Google jo nilai sagadang US$1,65 miliar dan resmi baoperasi sabagai anak parusahaan Google.
YouTube dibuek dek Chad Hurley, Steve Chen, jo Jawed Karim, nan sabalumnyo marupokan karyawan patamo PayPal. Hurley baraja disain di Indiana University of Pennsylvania, samantaro Chen jo Karim baraja ilimu komputer di University of Illinois at Urbana-Champaign.[10]
Manuruik carito nan baulang-ulang ditabikan di media, Hurley jo Chen magambangan ide YouTube pado bulan-bulan partamo taun 2005 sasudah mangalami kasulikan katiko babagi video pesta makan malam di apartemen Chen di San Fransisco. Karim indak datang ka pesta dan manolak pesta tasabuik pernah tajadi, samantaro Chen bakomentar bahwa ide YouTube dicatuihan satelah pesta makan "tampaknyo dipakuaik dek metode pamasaran nan tapusaik pado manciptakan carito nan murah dicerna dek konsumen".[11]
YouTube barawal sabagai sabuah parusahaan teknologi rintisan nan didanai dek investasi sagadang $11,5 juta dari Sequoia Capital antaro November 2005 jo April 2006.[12] Kantua partamo YouTube talatak di ateh sabuah restoran japang jo pizzeria di San Mateo, California. Namo domain www.youtube.com aktif pado 14 Februari 2005 dan situs iko dikambangan pado bulan-bulan barikuiknyo.[13]
Video partamo di YouTube bajudul Me at the zoo. Video iko manampiakan pandiri pandampiang Jawed Karim di Kabun Binatang San Diego.[14] Video iko diunggah pado tanggal 23 April 2005 dan masih ado sampai kini di situs iko.[15]
YouTube manawakan uji beta pado Mei 2005, anam bulan sabalum paluncuran resmi pado November 2005. Patumbuahan situs iko maroket dan pado bulan Juli 2006, parusahaan iko mangumuman bahwa labiah dari 65.000 video diunggah satiok harinyo dan situs iko manarimo 100 juta kunjuangan video per hari.[16] Manuruik data nan dikumpuakan parusahaan riset pasa comScore, YouTube adolah panyadio video daring utamo di Amerika Sarikat jo gadang pasa nan didapek 43 persen jo labiah dari 14 miliar video ditonton pado bulan Mei 2010.[17] YouTube mangatoan bahwa sakitar video badurasi total 60 jam diunggah satiok minik jo tigo parampek materialnyo barasa dar lua AS.[18][19][20] Situs iko manarimo dalapan ratuih juta kunjuangan unik satiok bulannyo.[21] Dipakiroan bahwa pado taun 2007 YouTube mangonsumsi pita lebar nan samo gadangnyo jo saisi internet di taun 2000.[22] Alexa manampaikan YouTube sabagai situs katigo nan paliang banyak dikunjuangi di internet, sasudah Google jo Facebook.[23]
Pamilihan namo www.youtube.com mamuncuakan masalah jo situs banamo sarupo, www.utube.com. Nan punyo situs tasabuik, Universal Tube & Rollform Equipment, mangajukan tuntutan hukum tahadok YouTube pado bulan November 2006 sasudah situsnyo dibanjiri pagunjuang nan ingin mancari YouTube. Universal Tube sajak itu mangubah namo situsnyo manjadi www.utubeonline.com.[24][25] Pado bulan Oktober 2006, Google Inc. mangumuman bahwa inyo alah mambali YouTube jo nilai sabanyak $1,65 miliar dalam bantuak saham. Pasatujuan iko dirampuangkan pado 13 November 2006.[26] Google indak maagiah informasi rinci manganai biaya operasi YouTube jo pandapatan YouTube taun 2007 ditulih "indak material" dalam pangisian formulir wajib. Bulan Juni 2008, sabuah artikel di majalah Forbes mampakiroan pandapatan YouTube taun 2008 mancapai $200 juta sasudah mangamati kamajuan panjualan iklannyo.[27] Pagunjuang YouTube rato-rato mahabiskan 15 minik sahari untuak manonton video di sinan, babeda jo 4-5 jam sahari nan dihabisan dek warga Amerika Sarikat biaso untuak manonton tipi.[21]
YouTube manjajaki karajo samo pamasaran jo pariklanan jo NBC pado bulan Juni 2006.[28] Bulan November 2008, YouTube mambuek pasatujuan jo MGM, Lions Gate Entertainment, dan CBS, nan maijinan inyo mangunggah pilem jo episode tipi nan badurasi panuah ka situs iko, disaratoi kotak iklan khusus panonton AS nan diagiah namo "Shows". Tindakan iko batujuan manciptakan pasaiangan jo situs web sarupo Hulu, nan manyimpan material tayangan dari NBC, Fox, jo Disney.[29][30] Bulan November 2009, YouTube maluncuakan "Shows" untuak panonton Britania Raya jo manawarkan sakitar 4.000 acara badurasi panuah dari 60 mitranyo.[31] Pado Januari 2010, YouTube mampakenalan layanan sewa pilem daring,[32] nan wakatu itu hanyo tasadio untuak pangguno di kawasan Amerika Sarikat, Kanda, jo Britania Raya.[33][34] Layanan iko manawarkan labiah dari 6.000 pilem.[35]
Pado bulan Maret 2010, YouTube mulai manyiaran konten tatantu sacaro gratis, tamasuak 60 patandiangan kriket Indian Premier League. Manuruik YouTube, iko marupokan siaran acara olahraga gadang via internet partamo di dunia nan basifaik gratis.[36]
Pado tanggal 31 Maret 2010, YouTube maluncuakan disain situs baru dengan tujuan manyederhanaan antarmuko jo maningkekan wakatu nan dihabihan pangguno di situs iko. Manajer Produk Google Shiva Rajaraman bakomentar. "Kami maraso paralu mundua saketek jo mambereskan sagalonyo."[37] Pado bulan Mei 2010, YouTube dilaporan malayani labiah dari duo miliar video per hari, jumlah nan dianggap "nyaris duo kali lipek panonton primetime di katigo jaringan televisi tagadangn di Amerika Sarikat".[38] Pado Mei 2011, YouTube malaporan di blog parusahaannyo bahwa situs iko kini manarimo labiah dari tigo miliar kunjuangan par hari.[20] Bulan Januari 2012, YouTube manyatokan bahwasanyo jumlah tasabuik naiak manjadi ampek miliar par hari.[18]
Pado bulan Oktober 2010, Hurley manyatoan akan mangunduran diri dari jabatannyo sabagai CEO YouTube dan manjadi panasihaik parusahaan. Salar Kamangar akan maambiak aliah kandali parusahaan iko.[39]
Teknologi vidio
Playback
Manonton vidio-vidio YouTube di komputer pribadi mambutuahan plug-in Adobe Flash Player nan tapasang di panjalajah web. Plug-in Adobe Flash Player adolah bagian parangkaik lunak nan paliang lazim di komputer nan mancakuik 75% vidio di internet.[40]
Pado bulan Januari 2010, YouTube maluncua'an versi uji cubo nan mamanfaaikan kamampuan multimedia tatanam di panjalajah web nan mandukuang standar HTML5.[41] Hal iko mamungkinan vidio ditonton tanpa Adobe Flash Player atau plug-in lain.[42][43] Situs YouTube mampunyoi halaman nan mamungkinan panjalajah web baraliah ka uji cubo HTML5. Hanyo panjalajah nan mandukuang vidio HTML5 jo format H.264 atau WebM nan dapek mamuta vidio dan indak sado vidio di YouTube dapek diputa.[44][45]
Pangungahan
Kasadoalah pangguno YouTube dapek mangunggah vidio jo bateh durasi 15 minit. Pangguno nan punyo jajak elok jo ta'aik ka Panduan Komunias YouTube dipabuliahan mangunggah vidio badurasi 12 jam, tapi akunnyo paralu diverivikasi.[46] Pado Juli 2010 unggah dibatehi dengan ukuran berkas hinggo 2 GB[47] atau 20 GB jikok pangguno mamakai panjalajah versi tabaru.[48]
YouTube manarimo vidio nan diunggah jo format kontainer, tamasuak .AVI, .MKV, .MOV, .MP4, DivX, .FLV, jo.ogg sarato .ogv. Youtube mandukuang 3gp, sahinggo vidio bisa diunggah dari hape.[49] Sado format vidio YouTube mamakai pamindaian progresif.[50]
Kualitas jo codec
YouTube awalnyo manawaran vidio hanyo ciek kulitas sajo, yaitu resolusi 320 x 240 piksel dengan codec Sorenson Spark (varian dari H.263),[51][52] jo audio MP3 mono.[53] Sairiang pakambangannyo YouTube mulai maagiah bamacam-macam resolusi mulai dari 480 x 360 piksel,[54] mode HD 720p, mode HD 1080p . Tarakhir YouTube maluncua'an sarangkaian vido baformat 4K.[55][56]
Vidio YouTube tasadio dalam baragam level kualitas. Namo kualitas vidio diubah ka angko-angko nan mawakili resolusi vertikal vidio. Aliran vidio bakunyo manggunokan format H.264/MPEG-4 AVC jo audio AAC stereo.[57]
Vidio 3D
Teknisi YouTube Peter Bradshaw mangumuman ka pangguno YouTube bahwasanyo kini bisa mangunggah vidio 3D.[58] Vidio jinih iko dapek ditonton jo babagai caro, tamasuak metode anaglif (lensa sian/merah) nan mambutuahan kacomato kusus untuak mandapekan efek 3D-nyo.[59][60][61]
Keteraksesan konten
YouTube manawaran kamampuan manonton vidio di situs lua. Satiok vidio YouTube mampunyoi kode HTML nan bisa ditanaman di situs manosajo di Internet. Fungsi iko acok dipakai untuak mamasang vido YouTube di halaman Jejariang Sosial jo blog.[62]
YouTube jarang maagiah tauikan unduah di vidio-vidionyo supayo ditontong langsuang di situs webnyo sajo.[63] Dek karno itu banyak situs web, aplikasi jo Plug-in pihak katigo nan mamungkinan pangguno mangunduah vidio-vidio di YouTube.[64] Pado Februari 2009, YouTube maluncuan layanan uji cubo nan maijinan babarapo mitra manaruah tauikan unduah sacaro gratis atau babayia malalui Google Chekout.[65] Pangaturan baku katiko mangunggah vidio ka YouTube iolah pangunggah tetap punyo hak cipta vidio tasabuik namun sajak Juli 2012 pangunggah bisa mamiliah lisensi Creative Commons sabagai lisensi bakunyo. Lisensi iko mambuliahan pangguno lain mamakai jo mancampua aduak vidionyo jikok bebas dari hak cipta.[66]
Industri musik
Per 2013, tanggo-tanggo lagu barikuik mamakai jumlah kunjuangan YouTube sabagai bagian dari metodologi pamaringkekannyo:
- Billboard Hot100[67]
- Hot Country Songs[67]
- Hot Latin Songs
- Hot R&B/Hip-Hop songs
- Dance/Electronic songs
- R&B songs
- Rock Songs
Salain vidio musik resmi, kunjuangan dari klip buatan pangguno nan mamakai audio resmi juo diparituangan dalam tanggo lagu Billboard.[67]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
